ناصر بن راكب
11-08-08, 03:50 AM
الليله اللـي بدايتهـا قصيـد وطـرب=تكاشـف ابروقهـا لاحنّـت ارعودهـا
هيهات هيهات واللي مايطـول العنـب=يشره على شجر ِته لو طال عنقودهـا
والجادل اللي تفاخر بالحسب والنسـب=وشلون ماتفتخـر لاعـدّت اجدودهـا
كنت احسِب الدم ياصل دونهـا للركـب=إليـن ساقتنـي الاقــدار لحـدودهـا
امهايطيـه ولاتهتـم فطلـق شـنـب=لسترسلـت فالحكـي ياحـي مارودهـا
من صوتها العذب تطعني بليّـا سبـب=وانـا ا تحمّـل خناجرهـا وبارودهـا
الا على طاري الطعنات لبّـى الهـدب=لبيـه لبيـه لامـن سلهمـت سودهـا
قالت عشا قلت مستعجل وقالت شبـب=هي فاهمتني وانـا فاهـم لمقصودهـا
دخلت في ربعـةٍ فيهـا ادلال ومشـب=وصبّت من الدله اللـي فايـعٍ عودهـا
(لبى العرب) ياحليب الذود لبى العـرب=من يوم قالـت تعـال وبهّلـت ذودهـا
انا اشهد انها على ماقيل عـز الطلـب=واحتـرت مابيـن حِقتهـا ومفرودهـا
لاجيت اوصّف وش اوصّف ويا للعجب=الليـل فجعودهـا والصبـح فخدودهـا
والله ماكن فيهـا اعظـام ولا عَصَـب=عزاه لامـن تثنّـت وانثنـى عودهـا
وانا انتحاري على الفطره واحب النشب=والبنت من جودها حصّلـت ماجودهـا
لمحـت فعيونهـا كـلام كلّـه عتـب=سئلتهـا ليـش لكـن كـان مردودهـا
قالت سلمنـا ولكِنهـا سلامـة عطـب=والله يستـر مـن العالـم ومنقودهـا
ليله وعدت ولادري كيف طاح الحطـب=ان باحت اسدودها ماباحـت اسدودهـا
والله لو قيل عدها واخذ وزنـك ذهـب=والله مـاعـودهـا والله مـاعـودهـا
هيهات هيهات واللي مايطـول العنـب=يشره على شجر ِته لو طال عنقودهـا
والجادل اللي تفاخر بالحسب والنسـب=وشلون ماتفتخـر لاعـدّت اجدودهـا
كنت احسِب الدم ياصل دونهـا للركـب=إليـن ساقتنـي الاقــدار لحـدودهـا
امهايطيـه ولاتهتـم فطلـق شـنـب=لسترسلـت فالحكـي ياحـي مارودهـا
من صوتها العذب تطعني بليّـا سبـب=وانـا ا تحمّـل خناجرهـا وبارودهـا
الا على طاري الطعنات لبّـى الهـدب=لبيـه لبيـه لامـن سلهمـت سودهـا
قالت عشا قلت مستعجل وقالت شبـب=هي فاهمتني وانـا فاهـم لمقصودهـا
دخلت في ربعـةٍ فيهـا ادلال ومشـب=وصبّت من الدله اللـي فايـعٍ عودهـا
(لبى العرب) ياحليب الذود لبى العـرب=من يوم قالـت تعـال وبهّلـت ذودهـا
انا اشهد انها على ماقيل عـز الطلـب=واحتـرت مابيـن حِقتهـا ومفرودهـا
لاجيت اوصّف وش اوصّف ويا للعجب=الليـل فجعودهـا والصبـح فخدودهـا
والله ماكن فيهـا اعظـام ولا عَصَـب=عزاه لامـن تثنّـت وانثنـى عودهـا
وانا انتحاري على الفطره واحب النشب=والبنت من جودها حصّلـت ماجودهـا
لمحـت فعيونهـا كـلام كلّـه عتـب=سئلتهـا ليـش لكـن كـان مردودهـا
قالت سلمنـا ولكِنهـا سلامـة عطـب=والله يستـر مـن العالـم ومنقودهـا
ليله وعدت ولادري كيف طاح الحطـب=ان باحت اسدودها ماباحـت اسدودهـا
والله لو قيل عدها واخذ وزنـك ذهـب=والله مـاعـودهـا والله مـاعـودهـا