?> خليّك بالبيت !!! [الأرشيف] - مجالس الفرده
المساعد الشخصي الرقمي

مشاهدة النسخة كاملة : خليّك بالبيت !!!

خلف الفريد
19-06-08, 03:40 PM
حاولت امشّيها على الكيف ..واحتلت=وبغيت ارسّيها على البر...وازريت
ورغم الأسى ..من قوّ عزمي تحاملت= كأنّي ..انحت جوف صخرة جرانيت
وان جيت اعدّل ما تمايل ..تطاولت!!=وان قلت اعديّها قالوا لي .. تعدّيت !!
وان جيت اطفي نارها . قالوا اشعلت !!=الماء بيديني بس يشوفونه ... الزيت
وان قلت انا عن حق نفسي ..تنازلت=ضلّيت مطلوبٍ بتهمة .. تراخيت !!
ما الله مجمّلني ..لو اني ..تجمّلت=الشك مغطـّيني ...ليا اقبلت واقفيت
ولا القا جوابٍ زين ..مهما تسائلت=كني احقق في قضية ... ووتر قيت !!
ولو جيت للعطار ومن الشذا ..شلت=قدّامهم ..مرّه ..وصبره ..وحلتيت
ولولا مباديّ القديمه ..ولا زلت=قصرتها ..من شان .. "خليـّك بالبيت"
وضعٍ يهدّ الحيل ..مهما تحملت=لابليت دنياً تتعب القلب .. لابليت
وخلاصة الموضوع .. خلْت وتأمّلت=بس الصراحه .. مثل ما رحت به جيت
بغيت اجمّع ما تفرّق وحاولت=وتشتت ..اوراقها .. واستكنّيت !!
حالة فشل كامل ..ولو قلت ما قلت=لكن .. تعزّيني ..لو انّي ...وياليت

***********
خلف
فهد بن مبارك
19-06-08, 05:35 PM
صح لسان من قالها و تسلم على النــــقل
خلف الفريد
20-06-08, 01:37 AM
الغالي فهد مبارك
صح بدنك والقصيده لاخيك وليست منقوله
لاهنت
................
ضيف الله بن علي
20-06-08, 07:57 AM
صح لسانك ابو عبدالعزيز وقدرك كبير وهامتك مرفوعة والدنيا مثل ماقال المثل الذي أوردت

لا يمكن أن يعدل مايلها ! وتعودنا منك احلام وردية وصبر وتحمل ونريدك كما عهدناك



صح لسانك وقصيدة جميلة جدا تصور حال الدنيا وحال من يريد أن يعدل ما مال من اطرافها

عادتك الجزل .



نازف الحرف
الفريدي
20-06-08, 05:11 PM
قصيدة جميلة وحقيقة فيها حكم كثيرة وتحكي واقع نعيشه في هذا الزمن للأسف

سلمت يمينك يا ابن العم

تقبل تحياتي ابو عبدالعزيز وتقديري
علي الجضعان
21-06-08, 12:07 AM
يالله تعدلها عن العسربالين --والاتميلها على الناس كله

اخوي خلف ليش كل هذا الأحباط عهدناك رجل المهمات

الصعبه صبرك جلاد عموماً صح السانك

قصيدك روعه وأخذت من بحر السجع ما أخذت

بصراحه بصراحه أعجبتني من جد روعه روعه

خلف سجل أعجابي
عبدالعزيز العبلان
21-06-08, 02:22 AM
.
.
أبــــــو عبدالعـــزيز
.
صح لسانك وأعتلا شانك
يابن الفـــــريد
.
قصيدة جـــزله ومـــوضوعها يحكي نوع من الأستياء
.
لكـــن تبقى هامتك فوق

والمثل يقول
إن لم يكن لك حاسد فلا خير فيك
.
.
~*¤ô§ô¤*~دمت بصحه وسلامه~*¤ô§ô¤*~
غازى بن عجاب أبوزوايد
21-06-08, 07:41 AM
خلف

الإستياء ماهو من طبعك

خابرك جمل محامل ومجملك الله

والناس رواى الحديث إتحكيبه ياخلف ولاهى

عليك الحالك

قصيده جزله كما عودتنا على الجزل يالفريد دائماً

تقبل مرورى وتقبل تحياتي

تحياتي للجميع
ابوبندر
21-06-08, 08:46 AM
صح لسانك يابوعبدالعزيز

معودنا على الجزل وجميل المعنى
بس هااي ماحبيتها منك

نستمد من هامتك الصمود
والوقوف في وجه العواصف دون ان تنحني لك قامه

لاهنت ولاعدمناك
مقبل بن نمران
21-06-08, 09:36 AM
أبو عبد العزيز

صح لسانك وإعتلا شأنك

بس هااي ماحبيتها منك

ودمت بخير وصحه وسلامه
خلف الفريد
21-06-08, 11:50 PM
ابو ماجد
لا استغرب من من هو في قامتك ان يقرأ ماوراء السطور ...
انت يابن العم لك الصداره في فهم مايعتلج في الصدر !!!!
لكن هذه حال الامور مهما اعطينا لا نأخذ بعض ما نستحق !!!
لكن امام الجحود يعزينا الصبر !!
اشكر لك هذه الكلمات الصادره من القلب الى القلب ....
صح بدنك ودمت لاخيك سنداً
.............
خلف الفريد
21-06-08, 11:55 PM
ابو مالك
نعم هو ماذكرت والدنيا كفاح وصراع والانصاف فيها قليل!!
والشعور احيانا يترجم شعرا ..
سلمت لاخيك وشكرا على مرورك وشعورك
لاهنت
................
خلف الفريد
22-06-08, 12:02 AM
ابو عمر
الاحباط نهاية الفاشلين !!!
لكنه الالم ، واللسان ترجمان القلب !!!
وبوجود الاخيار امثالكم نستلهم الصبر ....
وان تنال هذه الكلمات المتواضعه اعجابكم هو افتخاري
اشكرك على بوحك الاخوي
لاهنت
..................
خلف الفريد
22-06-08, 12:09 AM
اخي عبد العزيز العبلان
الحسد قد يكون اهون من الجحود !!!!
اما هامتي فهي دائماً مرفوعة بوجودك ووجود ابناء عمي لاعدمتكم ...
وانا لا أخاف التنقيص بقدر ما أخاف قلب ظهر المجن !!!
صح بدنك يا تاج راسي لاهنت
...............
خلف الفريد
22-06-08, 12:19 AM
ابو فيصل
اخي الغالي ،
الاستياء من طبع الانسان ولا شك ان طاقته على التحمل لا المحامل محدوده !!!
والمشاعر تختلف من شخص الى آخر ...
والاحاسيس تختلف ايضاً ...
وانا رايت حالي حال القائل :
وظلم ذوي القربى اشد مضاضة *** على المرء من وقع الحسام المهند

والاحوال بخير اخي الكريم
اشكرك من الاعماق لاهنت
................
ناصر بن راكب
22-06-08, 12:25 AM
أبو عبد العزيز

صح لسانك

ولـولا مبـاديّ القديمـه ..ولا زلـت***قصرتها ..من شان .. "خليّك بالبيـت"!!!!!!!!!!

والله والنعم ياعظم العرب

والمثل يقول (( رضا الناس غاية لاتدرك ))
خلف الفريد
22-06-08, 12:26 AM
الغالي ابو بندر
لن ينحني رأس ودرعه وذراه عيال راشد !!!
والمرء لايحاسب على التعبير عن شعوره !!!
والشاعر بطبعه حساس وغالباً مايعبر عن خلجات الآخرين !!!!
وصح بدنك ودمت لاخيك سالما
لاهنت
..............
خلف الفريد
22-06-08, 12:30 AM
ابو ياسر
صح بدنك ودمت عوناً لاخيك
اشكرك على الاقتباس وارجو ان يزول الالتباس !!!
ونحن ان شاء الله على الحب والمحبه
لاهنت
....................
خلف الفريد
22-06-08, 12:37 AM
عزيزي ناصر
تضل دائماً صاحب القلب الكبير والمقام الاكبر
عودتنا على صدق المشاعر وكرم الاخلاق ...
واعلم ان لك عند اخيك مثل ماله عندك .... فالقلوب شواهد كما يقال
صح بدنك مع مية نعم بلحيتك
لاهنت لاهنت
......................
احمد بن ضيف الله بن حماد
22-06-08, 11:14 AM
صح لسانك ابو عبدالعزيز
غازى بن عجاب أبوزوايد
22-06-08, 04:00 PM
أبوعبدالعزيز

يقول الشاعر القديم

ماينبكي حى مداه الفراقى **** ولا ينكره بعد الرفاقه الى أوذوك


لك تحياتي

تحياتي للجميع
خلف الفريد
23-06-08, 12:18 AM
ابو ضيف الله
صح بدنك لاهنت
مرورك اسعدني واثرى مشاركتي
اشكرك
.............
خلف الفريد
23-06-08, 12:20 AM
ابوفيصل
اشكرك مرة اخرى على مشاعر الحب
دمت لاخيك
.....................
ابن مخيمر الوسوس
23-06-08, 01:30 AM
ما الله مجمّلني ..لـو انـي ..تجمّلـت
الشك مغطّيني ...ليا اقبلـت واقفيـت

لا والله يابو عبدالعزيز ـ كمال وجمال .. وأنا أعرفك زين لك من توقيعك نصيب بل الكل ..
ولا تهتم للدنيا وما يحصل فيها من منغصات .. ومن كلام أمير المؤمنين علي ابن أبي طالب :
( يادنيا يادنيه .. غري غيري أبتك ثلاثاً .. زادك حقير .. وعمرك قصير ......... )..
رضي الله عنه وأرضاه ..
خلف الفريد
23-06-08, 02:33 AM
ابو عبد الله
ياهلا ومرحبا ياخال
تواجدك نور متصفحي واثلج صدري
كلماتك بلسم شافي ولا هناك الا العوافي
اشكرك على هذه الشهاده وانت الذي شموخه عاده
لك اطيب التحايا القلبية الصادقه
لاعدمت وجودك وجهودك
........................