?> انا اشهد انه منعمس خاطري عمس........... [الأرشيف] - مجالس الفرده
المساعد الشخصي الرقمي

مشاهدة النسخة كاملة : انا اشهد انه منعمس خاطري عمس...........

غديف بن حماد
19-06-08, 12:05 AM
اهدي لكم هذه القصيد ه اللتي نظمتها في عام 1422هـ وارجو ان تنال على اعجابكم




انا اشهد انه منعمس خاطري عمس=والقلب في وسطه ثمانين هوجاس
ماهو بلايه شوفة مخضّب الخمس=لو هي تعادل جوهر الدر والماس
انا هوى بالي اليا بانت الشمس=بارضٍ قفر وبعيد عن صجة الناس
والله على جيب جديد اليا لمس=يفز كنه فزة الطير قرناس
بضرب تهاتيه الخلا وابعد الرمس=ياما حلا ممشاه في غب الادماس
وليا وطينا روضة نتقن الحمس=بدلال بنٍ شربهن يجلي اعماس
معي خوين ماتعود على الهمس=لامن هرج ينومس القلب نوماس
ماهو كلام اللي يحمس الحشا حمس=يجرح ضمير اللي بهم عز وحساس
ابن الردي ياجعل عينيه للطمس=مامنه ولامن خوته كود الافلاس
طيب القلب
19-06-08, 12:09 AM
شكرا لك ابو محمد على هذه الرائعه الجميله
ونحن بانتظار جديدك واقول
بيض الله وجهك
ياهلا فيك ويامرحبا بين اخوانك وربعك
العوفي
19-06-08, 12:19 AM
الله يعطيك العافيه يابو محمد

والف والف الف الف شكر على هذه القصيده

الرائعه
خلف الفريد
19-06-08, 12:25 AM
معي خوين ماتعود على الهمس**لامن هرج ينومس القلب نوماس
ماهو كلام اللي يحمس الحشا حمس**يجرح ضمير اللي بهم عز وحساس
ابن الردي ياجعل عينيه للطمس**مامنه ولامن خوته كود الافلاس

ابو محمد
صح لسانك واشكرك على هذه الجزاله
وقديمك دايم جديد ياكحيلان
حفظك الله
.......................
علي الجضعان
19-06-08, 12:35 AM
تسلم تسلم وصح لسانك شوقتنا للبر

والطلعات وخوة النشاما

لله درك سجل اعجابي
فهد بن مبارك
19-06-08, 12:37 AM
مشكور يا ابو محمد و لا هنت
غازى بن عجاب أبوزوايد
19-06-08, 07:37 AM
غديف بن حماد

صح لسانك وأعتلاء شأنك

جزله من جزل

سجل إعجابي وتقبل تحياتي

تحياتي للجميع
ناصر بن دليله
19-06-08, 01:52 PM
ابو محمد

صح اللسانك ( بصوت عالي ما هوهمس)

تقبل تحياتي
الدعم الفني
19-06-08, 05:55 PM
صح لسانك وأعتلى شانك

أخوي غديف

ابدعت وأجزلت

قوة في الإبداع وتمكن في النظم

تحيتي لك
مقبل بن نمران
20-06-08, 01:17 PM
أبو محمد

صح لسانك وماقصرت

نظمت فابدعت وسلم الله بنانك

ونحن بإنتظارك دائماً على الخير والمحبه

ودمت بعون الله وتوفيقه
ضيف الله بن علي
20-06-08, 02:22 PM
صح لسانك وعلا شانك وقصيدة جزلة ومن عاداتك


ونطمح بالمزيد من المشاراكات فلا تبخل علينا



نازف الحرف
ابن منيديل
21-06-08, 12:07 AM
معي خوين ماتعود على الهمس= لامن هرج ينومس القلب نوماس
ماهو كلام اللي يحمس الحشا حمس= يجرح ضمير اللي بهم عز وحساس

اخي الشاعر غديف بن حماد

صح لسانك قصيدة جزله وتشرفنا بوجودك هنا بيننا

ونطمح للمزيد من المشاركات

والف شكر على هذه القصيدة التي قليلة ابياتها جميلة الصورة

وهذا هو القصيد بلا مجاملة ان يكون ابياته قصيرة ولكن تبلغ بالتصوير

تقبل مروري