خلف الفريد
16-06-08, 04:51 PM
بندر بن سرور العتيبي شاعر عملاق لايحتاج الى زيادة تعريف ...
وقد اخترت لكم هذه الرائعه من روائعه :
الله من عينٍ طرقها صواديف =عميت ويبسن العروق الصخافي
شفت الوزا بالعين من عرض ماشيف=شفته وغيري ما فطن له وشافي
وقتٍ تغير فيه حتى العواصيف=جاء في عواصيف الرياح أختلافي
شره قناطيرٍ وخيره مقاطيف =يفطن له اللي يرضع الديد غافي
كم واحدٍ جاله زمانه على الكيف=واغترّته نفسه يبا الجود وافي
يطلع مطاليع العلا بالسواليف=وبين العذارى عد روحه سنافي
يفرح بهرجٍ بالقفا ، يكره الضيف=قتّات والقتات بالنار هافي
يعلق قصيره علقة النار بالليف=عيٍّ ولد عي زنوده ضعافي
ان رخصت الحذوه توقاّ عن الحيف=وان غليت الحذوه مشا اللاش حافي
يرقد ويلحق والدينه تخاليف=دايم ومرقد ميّت النار دافي
هو مادرى ان الجود يبغا تكاليف=سهر الليالي مقبلاتٍ مقافي
يبغا يدينٍ للعطايا مغاريف=ويبغى رجولٍ ماتمل الوقافي
والصبر بنحور السنين الشواحيف=اللي قساها مثل حد الرهافي
مايقدرون الجود سود الأطاريف=امشاركةْ بيض النسا باللحافي
يقدر عليه اللي حكم نجد بالسيف=واودع مباغيض القبايل ولافي
عبد العزيز اللي يبث المصاريف=يجدع قناطير الذهب بالفيافي
يمشي على دربه جموعٍ مراديف=نوٍّ تحدر ماه والجو صافي
يشدا لواقيط الزبيدي بعد ريف=ومما كسا البيدا تفيد الضعافي
***********
وقد اخترت لكم هذه الرائعه من روائعه :
الله من عينٍ طرقها صواديف =عميت ويبسن العروق الصخافي
شفت الوزا بالعين من عرض ماشيف=شفته وغيري ما فطن له وشافي
وقتٍ تغير فيه حتى العواصيف=جاء في عواصيف الرياح أختلافي
شره قناطيرٍ وخيره مقاطيف =يفطن له اللي يرضع الديد غافي
كم واحدٍ جاله زمانه على الكيف=واغترّته نفسه يبا الجود وافي
يطلع مطاليع العلا بالسواليف=وبين العذارى عد روحه سنافي
يفرح بهرجٍ بالقفا ، يكره الضيف=قتّات والقتات بالنار هافي
يعلق قصيره علقة النار بالليف=عيٍّ ولد عي زنوده ضعافي
ان رخصت الحذوه توقاّ عن الحيف=وان غليت الحذوه مشا اللاش حافي
يرقد ويلحق والدينه تخاليف=دايم ومرقد ميّت النار دافي
هو مادرى ان الجود يبغا تكاليف=سهر الليالي مقبلاتٍ مقافي
يبغا يدينٍ للعطايا مغاريف=ويبغى رجولٍ ماتمل الوقافي
والصبر بنحور السنين الشواحيف=اللي قساها مثل حد الرهافي
مايقدرون الجود سود الأطاريف=امشاركةْ بيض النسا باللحافي
يقدر عليه اللي حكم نجد بالسيف=واودع مباغيض القبايل ولافي
عبد العزيز اللي يبث المصاريف=يجدع قناطير الذهب بالفيافي
يمشي على دربه جموعٍ مراديف=نوٍّ تحدر ماه والجو صافي
يشدا لواقيط الزبيدي بعد ريف=ومما كسا البيدا تفيد الضعافي
***********