مشاهدة النسخة كاملة : حاجة ابن جضعان !!!!!!!!!!!!!!!!!!!!!!!!
خلف الفريد
21-05-08, 02:00 PM
في مرور اخي ابو عمر على قصيدتي التي هنأت بها القسومي
ذكّرني بانه سبق ان طلب مني حاجه ..........
وهذا جوابي :
الحاجه اللي لابن جضعان=اقسمت بالله لاحضرها
لو هي تذكّر ورى اليابان=والاّ يم الصين ..مصدرها
ولو هي بباريس ياكحيلان=ما اقول ..ياقلع وادرها
ولو واقفٍ دونها بوشان=والا من الروس ..كادرها
ما يلين عزمي وانا خليفان=ولا اقول ..ما اقدر ادوّرها
عندي رصيد ٍمن التيجان=اللي على الراس ..نادرها
اركب بوارج ابن عبلان=اللي رست عند شاعرها
وتحت رقابة ابن نومان=ارفـّع قوقل ..واحدّرها
وطير السعد عند ابن ردمان=وعجرىً ورى السيت.. خابرها
وان قلت مقبل ابن نمران=ياسرع ما الذيب ..دبّرها
وان قلت اعنّز على عنيزان=اقرب الاصحاب..واخطرها
ومنصور.. خالي اعز انسان=اليا نخيته ..يبادرها
يجي على الاخضر (الونّان)=واللي بادراجك ..يصادرها
............
وكما ترونها احبابي فكاهية واعتذر لمن لم يرد اسمه بالقصيده
فجميع عيال راشد غالين وتيجان لراسي
فقط اردنا ابهاجكم ووناستكم..........
لاهنتم
,,,,,,,,,,,,
اخوكم الشايب
القسومي
21-05-08, 04:39 PM
صح لسانك يا غالي
لكن مادري ويش ها الحاجة
واكيد انها خاصة لكن عساها خير
ذكرت الربع كلهم يا غالي
عساها خير يابن جضعان
مهما اقول فانت الابداع
علي الجضعان
21-05-08, 05:04 PM
الاخ الكبير بقدره وعقله أتمنى ان يكون ردي بمستوى قصيدتك وان تنال أعجابك
والطيب والفزعه ماهو غريب عليك هذا طبعك راضعه مع حليب أمك الله يطول عمرها
ويرحم ابوك اللي رباك على الطيب والعلم الغانم
سلام ياخليفان من قلب ولسان = عظم العرب لاقيل ردوا خبرها
طلبتك الفزعه ولاقلت غلطان = عن كل عاذل عزوتي ماختصرها
والحاجه اللي ماتقدر بالأثمان = له عملةٍ بالمارك ماأحدٍ قدرها
والحر لامنه شهر بالسماء بان = حول على الصيده وأدمى ظهرها
ومن ياصل اليابان في عقل الألمان = يجلي ظلام الليل طلعة قمرها
والبنز في عصر(ن) تحداه نيسان = والعولمة ياناس ماحد(ن) قدرها
عقد عقول الناس شيب بالأذهان = ناس رفعها فوق وأخرى دمرها
لولا الرسالة ياأبو ماجد لها شأن = ألغت إشكال النفس وأنهت كدرها
وأعرف من أهرج الى صرت زعلان = والرجل يعرف هرجته لآنشرها
ومن يجزي الإحسان يجزى بالإحسان = يوم الحساب الشخص يجني ثمرها
وبالقائمة نلحق مع الربع ذيبان = أحمد لاطالت علينا قصرها
واللي يغني دان دانا على دان = يبطي عظم ماأحدن عرف وش خبرها
أخوك / علي الجضعان
ضيف الله بن علي
21-05-08, 05:12 PM
سلمت وعدو عينك يدور حاجته مع الناس
ابن منيديل
21-05-08, 05:35 PM
ولو واقـفٍ دونهـا بوشـان = والا مـن الـروس ..كادرهـا
صح لسانك ابو عبدالعزيز ولكن بوشان هذا اللي تقول عنه اتوقع انه قدم استقالته
بناء على طلبه يعني يمكن تلاقي موضوعه عند غيره
ومن الشاعر خلف الى هيلاري كلينتون مع التحيه
مبارك بن هديب
21-05-08, 05:47 PM
ما يلين عزمي وانـا خليفـان=
ولا اقول ..ما اقـدر ادوّرهـا =
عندي رصيـد ٍمـن التيجـان=
اللي على الـراس ..نادرهـا =
اركب بـوارج ابـن عبـلان=
اللي رسـت عنـد شاعرهـا =
كفو يا ابو عبد العزيز
عبدالعزيز العبلان
21-05-08, 06:58 PM
.
صــــح لســـــانك
.
يابو عبدالعزيز ** وكفو للعلم الغانم
.
.
.
***************
وأبن جضعان -- يرتاح لصارت حاجته تزهل بها ابن الفريد
وأقول :
يقدر لها شامخ النيبــان --- اللي تهابه كواسرهـا
سبعٍ تزهل لبن جضعان --- ماينثني لين يحضرهـا
ناصر بن راكب
21-05-08, 09:58 PM
صح لسانك
ابو عبد العزيز
وكفو كفو
علي الجضعان
22-05-08, 01:27 AM
سلمت وعدو عينك يدور حاجته مع الناس ::::::::::::::::::::
!!!!!!!!!!!!!!!!!!!!!!!!!!!!!!!!!!!!!!!!!!!!!! ???
ضيف الله بن علي
22-05-08, 09:47 AM
::::::::::::::::::::
!!!!!!!!!!!!!!!!!!!!!!!!!!!!!!!!!!!!!!!!!!!!!! ???
اسعد الله صباحك ابو عمر
قصدي قاعدة عامة وهي "دورة الحاجة عند الناس دائما غير ناجحة " ولا أقصد شيئا غير ذلك.
وهذه القاعدة ليس بالضرورة تنطبق على من خصص من العام وارجو أن لا يفهم غير ذلك.
وخلف وافي للجميع . وليس من حقنا ان نعرف ماهي الحاجة او هل قضاها ام لا هذا خاص
بينكم والقاري يهمة ما تخلل القصيدة من الوفا والعزم والطرافة وللجميع صافي الود.
خلف الفريد
22-05-08, 01:35 PM
القسومي
حياك ربي وصح بدنك يالذيب
اما بخصوص الحاجه فاسمح لي هذا سر بيني وبين ابو عمر ههههه
والمعنى ببطن الشاعر كما يقال
اشكر لك المرور والشعور
لاهنت
.............
خلف الفريد
22-05-08, 01:39 PM
سلمت وعدو عينك يدور حاجته مع الناس
آآآآآآآآآآآآه لو تدري وش الحاجه يابو ماجد !!!!!!!!!!!
ههههههههههههههههههههههههه هههههه
اشكر لك مرورك الخاطف وحسن التلاطف
لاهنت
..............................
خلف الفريد
22-05-08, 01:50 PM
ولو واقـفٍ دونهـا بوشـان = والا مـن الـروس ..كادرهـا
صح لسانك ابو عبدالعزيز ولكن بوشان هذا اللي تقول عنه اتوقع انه قدم استقالته
بناء على طلبه يعني يمكن تلاقي موضوعه عند غيره
ومن الشاعر خلف الى هيلاري كلينتون مع التحيه
هلا هلا ببو تركي
وين الناس ياعندليب المجالس !!!!!!!!!
تدري محمد وانا اكتب هذا الرد يجذبني الحنين الى تلك الايااااااااااام آآآآآآآآآآآآآآه
اما بخصوص بوشان فانا اقصد بوش الاب المتقاعد مثلي >>>>>>فكاك ههههه
اما رسالتك الى المزيونه فانا اعترض من حيث المبدأ !!!!
هذا حكم مسبق بسقوط المسكين باراك وانا ضد التفرقه العنصريه >>> ديمقراطي
اما وش الحاجه يامحمد (فري فري سيكورت ) لاتحاول :D
اشكرك واتنمى ان ارى ألحانك السابقه هنا ...
لك حبي ومودتي
لاهنت
..............................
خلف الفريد
22-05-08, 01:54 PM
ابو مجد
وانت كفو للعلوم الطيبه يابن هديب
اشكرك على مرورك واختيارك
لاهنت
..........................
خلف الفريد
22-05-08, 02:10 PM
.
صــــح لســـــانك
.
يابو عبدالعزيز ** وكفو للعلم الغانم
.
.
.
***************
وأبن جضعان -- يرتاح لصارت حاجته تزهل بها ابن الفريد
وأقول :
يقدر لها شامخ النيبــان --- اللي تهابه كواسرهـا
سبعٍ تزهل لبن جضعان --- ماينثني لين يحضرهـا
هـلا هـلا بـك عـدد مابـان --- يـاشـاعرٍ مـن نـوادرهـا
كان الوفاء حط له عنوان --- اسمك حروفه نسطّرها
---
عبد العزيز العبلان
ماعليك زود ياكحيلان
وصح بدنك واشكرك على المرور وهاذين البيتين الرائعين
وارجو ان يكون الرد بحجم ردك ووفاءك
لاهنت
......................
خلف الفريد
22-05-08, 02:23 PM
اخي ناصر بن راكب
صح بدنك ولا عليك زود يالغالي...
لاهنت
.........................
خلف الفريد
22-05-08, 02:27 PM
::::::::::::::::::::
!!!!!!!!!!!!!!!!!!!!!!!!!!!!!!!!!!!!!!!!!!!!!! ???
ابو عمر
مهما حاولت التكشيره ماهي قابلة عليك ههههه
لان الرومانسيه والطلاوه قرينتا القبول ....
وبعدين ترى ابو ماجد يستفز من اجل ان -ننكت الخرج- خلك ثقيل ...
كل الدوره على معرفة السر.....:)
لاهنت
...............
خلف الفريد
22-05-08, 02:36 PM
اسعد الله صباحك ابو عمر
قصدي قاعدة عامة وهي "دورة الحاجة عند الناس دائما غير ناجحة " ولا أقصد شيئا غير ذلك.
وهذه القاعدة ليس بالضرورة تنطبق على من خصص من العام وارجو أن لا يفهم غير ذلك.
وخلف وافي للجميع . وليس من حقنا ان نعرف ماهي الحاجة او هل قضاها ام لا هذا خاص
بينكم والقاري يهمة ما تخلل القصيدة من الوفا والعزم والطرافة وللجميع صافي الود.
اسعد الله صباحك ابو عمر!!!!!!!!! >>>> استدراج ..علينا !!!!!!!!!
شف يابو عمر انت تعرف ابو ماجد واسلوبه ..يجي من يمين من يسار لين ياصل ....
ابو ماجد
انا على يقين انك تدري ان الحاجه ماهي ماديه ولا زواجيه لكن ماهي ؟؟؟
المعنى ببطن الشاعر .... يابعدها عليك ههههه
ردودكم مساجلات ادبيه تزيّن متصفحي وتزيده بهاءً.........
اشكركما ايها الرائعان
لاعدمتكما
...............
خلف الفريد
22-05-08, 05:44 PM
الاخ الكبير بقدره وعقله أتمنى ان يكون ردي بمستوى قصيدتك وان تنال أعجابك
والطيب والفزعه ماهو غريب عليك هذا طبعك راضعه مع حليب أمك الله يطول عمرها
ويرحم ابوك اللي رباك على الطيب والعلم الغانم
سلام ياخليفان من قلب ولسان = عظم العرب لاقيل ردوا خبرها
طلبتك الفزعه ولاقلت غلطان = عن كل عاذل عزوتي ماختصرها
والحاجه اللي ماتقدر بالأثمان = له عملةٍ بالمارك ماأحدٍ قدرها
والحر لامنه شهر بالسماء بان = حول على الصيده وأدمى ظهرها
ومن ياصل اليابان في عقل الألمان = يجلي ظلام الليل طلعة قمرها
والبنز في عصر(ن) تحداه نيسان = والعولمة ياناس ماحد(ن) قدرها
عقد عقول الناس شيب بالأذهان = ناس رفعها فوق وأخرى دمرها
لولا الرسالة ياأبو ماجد لها شأن = ألغت إشكال النفس وأنهت كدرها
وأعرف من أهرج الى صرت زعلان = والرجل يعرف هرجته لآنشرها
ومن يجزي الإحسان يجزى بالإحسان = يوم الحساب الشخص يجني ثمرها
وبالقائمة نلحق مع الربع ذيبان = أحمد لاطالت علينا قصرها
واللي يغني دان دانا على دان = يبطي عظم ماأحدن عرف وش خبرها
أخوك / علي الجضعان
ابو عمر
مساء الورد
والله السر في بير انا اشهد .........تاج راسي !!!
وهنا اود ان اشكرك على هذا الثناء لاخيك ولوالديه جزاك الله خيرا واصلح لك النية
والذريه وحفظ والديك من كل مكروه ومتعهما بالصحة والعافيه آآآآآآمين
وهذا الرد الراقي الوافي من اخي هو في الحقيقة اكبر من ان يوضع هنا...
لانه قصيدة اكبر من الرد ، وبودي ان تجعلها مشاركة مستقله لو سمحت .......
كما اشكرك على جميل شعورك تجاه اخيك ووفاءك وصدق احاسيسك ...
ومع هذا لازال البحت جارياً والامل سارياًً.......
لااااااااااااااااااااااات عجل ههههه
تقبل حب اخيك ومودته
لاهنت
.................
مقبل بن نمران
22-05-08, 11:39 PM
بكل الود
الحاجه اللي عليها كان=أبيات كلٍ يدورها
أحدٍ قصر دونها شفقان=وأحدٍ زمى فوق طامرها
أتعبت في شأنها الركبان=كلٍ في باله يدورها
وأبو عمر لو بدأ طربان=وده بعينه يناظرها
نوى يراكيك رأسه لان=بس إنتبه لاتغيرها
يبي على ساقة الفرسان=والله لعينه يدبرها
قلبه لها بالوطن هتان=لو كان ماهو مخاشرها
ولو جبتها زارك مسيان=وزاد الغلا مع بوادرها
ما أقول أنا يالعرب عشقان=ولا ودي أرجع واصورها
تبقى عظم بس للي زان=مرتاعه وبات يسبرها
وإلا الصميدع وريث الجان=بالشعر يعرف معابرها
وختامها الشكر والعرفان=وعسى على الحق يعمرها
سبع الغداري
23-05-08, 03:13 AM
ابوعبدالعزيز ابوعمر
صح الله السنتكم
قصايد بقمة الروعة
تقبلو مروري
ضيف الله بن علي
23-05-08, 10:14 AM
ابو عبد العزيز صح لسانك و مشكور على اسلوبك البق وطرافتك ولا عدمناك .
ابو عمر صح لسانك ولا هنت لا هنت أنت مثل لرحابة الصدر ولا نستغرب الحكم من بوحك.
ابو ياسر صح لسانك معارضة بقمة الروعة .
لكم صافي الود
نازف الحرف
مشعل الجضعان
23-05-08, 02:20 PM
ابو عبدالعزيز الشاب الامع صح لسانك ياتاج راسي
ابوعمر صح لسانك
مقبل صح لسانك
اتمناء من المشرفين نقل القصائد الجزله الى المساجلات الشعريه
خلف الفريد
23-05-08, 02:52 PM
بكل الود
الحاجه اللي عليها كان=أبيات كلٍ يدورها
أحدٍ قصر دونها شفقان=وأحدٍ زمى فوق طامرها
أتعبت في شأنها الركبان=كلٍ في باله يدورها
وأبو عمر لو بدأ طربان=وده بعينه يناظرها
نوى يراكيك رأسه لان=بس إنتبه لاتغيرها
يبي على ساقة الفرسان=والله لعينه يدبرها
قلبه لها بالوطن هتان=لو كان ماهو مخاشرها
ولو جبتها زارك مسيان=وزاد الغلا مع بوادرها
ما أقول أنا يالعرب عشقان=ولا ودي أرجع واصورها
تبقى عظم بس للي زان=مرتاعه وبات يسبرها
وإلا الصميدع وريث الجان=بالشعر يعرف معابرها
وختامها الشكر والعرفان=وعسى على الحق يعمرها
ابو عمر!!!!!!!!
انحش !! والله ما باقي الا يسمّيها ههههههههههههههههههههههههه هههههه
ماقلت لك خف من ابن نمران ، السكوت هذا وراه شي !!!
المهم لازال البحث جارياً :)
::
ابو ياسر
لقد وصلت الرساله مع الود والورد وكل انواع باقات الزهور
وانا على يقين ان ابو عمر -خصوصاً من بداية البيت الرابع-كني اشوفه حاط ٍ يديه
على راسه ويقرأها شزراً ولسانه حاله :
سمّاها ما سماها ،جابها لا ما جابها ،عندها، حولها ههههههههههههههههه
::
لقد اهديت متصفحي هذه المعارضه وقد اسميها (اللائحة الاعتراضيه) التي لايبدعها
الا محامٍ متمرس وسابر لاغوار المعاني !!!
اشكر كل الشكر على روعة كلماتك ومداخلتك التي زادت الموضوع وهجاً وبهاءً
لاهنت يا فنان الكلمه
..................
خلف الفريد
23-05-08, 02:56 PM
اخي الشامخ1
صح بدنك وسلمت يمينك الكريمه
اشكرك على المرور وحسن الشعور
وما يرضي ذائقتكم ويحوز رضاكم مطلبنا
لاهنت
..........................
خلف الفريد
23-05-08, 03:09 PM
ابو ماجد
ياهلا ومرحبا
ان يكون تواجدك في متصفحي بهذا الزخم والفخامه فهذا شرف لي
اشكرك على حسن الاخلاق، وانا كما ذكرت في اساس الموضوع ان القضية
فكاهية الهدف من انزالها رؤية تعليقاتكم وقفشاتكم لنبتعد قليلاً عن الرتابه والروتين
ولنبتسم ونضحك ونريح هذه النفوس التعبة قليلاً
دعونا نمرح بين الكلمات الخضراء والوردية وحركوا ابن جضعان فقد انتهى ماكان
يعتذر به وهو-التعمير- اليوم لا عذر له
دمت بخير وعافيه
......................
ابو ماجد الرفيق الصادق الصافي كل الموضوع مزح اوناسه
وغلاك بزود وتبقى ذخر وابو عمر يحب هذا الاسلوب ولاتشيل هم
ولك مني كل موده وتقدير
خلف الفريد
23-05-08, 03:19 PM
ابو عبدالعزيز الشاب الامع
ابو بااااااااااسل ماتخليك من الـ.....................:)
الوعد عند ابو عمر ::mad::
صح بدنك ياكحيلان
مرورك اسعدني ووفاءك ملكني
اشكرك من الاعماق على كلماتك الاخويه
لاهنت
....................
منصور الوسوس
23-05-08, 11:54 PM
خلف الفريد عندليب المجالس
اضافة رائعة جدا وبن جضعان له حق ويستاهل
كل الشكر والعرفان لك اباعبدالعزيز
على هذه القصيدة الفكاهية الجميلة والشكر موصول لمن
جراها وعاضها فدمت بخير وعافية
تقبل مروري السريع لاهنت
ابن ردمان
24-05-08, 12:24 AM
سر ياقلم واكتب القيفان=أبنا القوافي واصخرها
ولا ني على ردهن بحلان=ومن قدر خلف نقدرها
ياخلف يامقدم الشجعان=ترسي ليا نار نايرها
حلياك حرن على مابان=برقاء حباريه صاقرها
عنك الخبر عند ابن جضعان=ما يغر لأنضار ناضرها
ناصيك عارفك يابليهان=عن وقتها ماتوخرها
الطيب ورثك من الجدان=وأنته خلف من ذخايرها
ومن قدر الأزمات معان=والله للوافي ميسرها
مسلاحن تجدع النيشان=تخذ ثمرها وجواهرها
وحنا معك وأنخزاء الشيطان=معك وعلى الله نباشرها
متعب بن نومان
24-05-08, 01:21 AM
حول المعنى حوليه ههههههههههههههههه
كفو ابو عبدالعزيز
صح السانك صح السانك .. ولاهنت على هالدره وكذالك استخراج الدرر من الشعار .. ابو عمر وابو ياسر وابن ردمان
الكلام كثير لكن هالنت يغث ثالث رد ويمسحه
صح السانك بلا عدد ووفقك المولى
ابوبندر
24-05-08, 02:45 AM
صح لسانك ابوعبدالعزيز
ماقصرت وابيض وجه
ومن يجزي الإحسان يجزى بالإحسان=يوم الحساب الشخص يجنـي ثمرهـا
وبالقائمة نلحـق مـع الربـع ذيبـان=أحمـد لاطالـت علينـا قصـرهـا
واللـي يغنـي دان دانـا علـى دان=يبطي عظم ماأحدن عرف وش خبرها
وصح لسانك ابو عمر
وبيض الله وجهك على الرد
احمد الفريد
24-05-08, 11:54 AM
ابو عبد العزيز
صح لسانك على هذه الابيات الجميله
لي الفخر ان تكون والدي وان يكون لي هؤلاء الجماعه من عيال راشد
تقبل تحيتي وودي
خلف الفريد
24-05-08, 12:57 PM
العريس الحلو
هلا هلا ابو محمد لو انك تأخرت ياخال هداك الله ، لكن معذور لاني
العصر انا وابو عمر شفناك بسوق الذهب ومن دكان لدكان ههههههههههههههههه
لو عاد اعلمك وش قال ابن جضعان عليك....:)
اشكرك عزيزي على هذا المرور السريع والحمد لله لو كان بطي كان
اكلت لي كم قسيمه ههههه
لاعدمت هذه الكلمات ولا هذه الطله الحلوه وشكراً لك
لاهنت
..............
خلف الفريد
24-05-08, 01:15 PM
مع تقديري واجلالي
................
لاهنت والله يابن ردمان=والطّيّبه من مصادرها
بالفعل لك سطوة الشيهان=وبالقول تنقى من دررها
والطيب والمرجله ميدان=وعيال راشد عليها ارها
وانا على دربهم نشوان=ابعد خطاويّ واقصرها
وما دام لي مثلكم عوّان=آطا على القوم وآطرها
لي لابةٍ لولو ومرجان=ابذل على شان خاطرها
ولو حبّ ربعي عليه رهان=راهنت بالروح واحمرها
وشتان بين الملا شتان= واطيب الاشجار مثمرها
واقبل حروفٍ بها نقصان=عن حقكم مار نجبرها
**********
خلف الفريد
24-05-08, 01:23 PM
هلا باخي متعب
وخلك والم ، ماهنا عذر لاتقول النت يغث !!!
نبيك ترّفع قوقل وتحدرها ولو تدمرها :)
ابن جضعان ينتظر والحاجه ماسه جداًههههه
لكن لاتقول لي وش هي >>>>> غموض وحيره :p
اشكرك جزيل الشكر على مرورك وشعورك
لاهنت
.......................
منصور الوسوس
24-05-08, 03:50 PM
العريس الحلو
هلا هلا ابو محمد لو انك تأخرت ياخال هداك الله ، لكن معذور لاني
العصر انا وابو عمر شفناك بسوق الذهب ومن دكان لدكان ههههههههههههههههه
لو عاد اعلمك وش قال ابن جضعان عليك....:)
اشكرك عزيزي على هذا المرور السريع والحمد لله لو كان بطي كان
اكلت لي كم قسيمه ههههه
لاعدمت هذه الكلمات ولا هذه الطله الحلوه وشكراً لك
لاهنت
..............
ابو عبدالعزيز كنت داخل للموضوع ابرد عليكم نسيت ردي الاول
المهم انت وبن جضعان وش عندكم بالسوووووووووق
وعند الذهب خصوصا
طلب مهم جدا : اطلب محاكمتكم عند ابن ردمان !!!!!!!!!!
ويحضركم ابو ياسر لاني مشغول هاليومين والوكيل ابن ردمان
خلف الفريد
25-05-08, 11:27 AM
هلا هلا ببو بندر
اشكرك على هذه الكلمات الاخويه والاجابه الدبلوماسيه .........:)
كما اقدر لك هذا الهدوء الذي تعودناه منك لاهنت ..........:D
وصح لسانك وبنانك.....
................
خلف الفريد
25-05-08, 11:30 AM
احمد الفريد
حياك الله
اشكرك على تواجدك ومشاركتك مع ابناء عمك
لاهنت
...............................
خلف الفريد
25-05-08, 11:45 AM
ابو عبدالعزيز كنت داخل للموضوع ابرد عليكم نسيت ردي الاول المهم انت وبن جضعان وش عندكم بالسوووووووووقوعند الذهب خصوصا
طلب مهم جدا : اطلب محاكمتكم عند ابن ردمان !!!!!!!!!!
ويحضركم ابو ياسر لاني مشغول هاليومين والوكيل ابن ردمان
الاحمر // اللي خذا قلبك يتهنا به !!!!!!!!!!!!
الاخضر // أبد متعدين لسوووووق الخضار والسمك :D
الازرق // معذور يابو محمد خلطتها ، ما ادري هو قاضي او وكيل الله يعينك :)
ابو محمد
تجمّعت هذا للعمار وهذا للسمار الله معك ههههه :rolleyes::rolleyes:
اشكرك على مرورك ومداعباتك الجميله التي اراحتنا
لاهنت
.....................
ابن ردمان
26-05-08, 12:11 AM
الأخ العزيز منصور الوسوس
أستلمت الوكاله وملاحضه جيده
سوف نقوم بالمهمه بعد أن يحضرهم أبو ياسر
وشكراً جزيلً للجميع
خلف الفريد
27-05-08, 02:43 PM
ابن ردمان
تدري ان الوسوس وهقك !!!!!!!!
ما قال لك من معنا ومن هي له السياره :)
انا اعلمك
تفهوى عندي الشيخ سند بن عبد العزيز بن هديب -مدير هيئة قصيباء- وكان يبي سوق
الخضره وخاويته انا وابو عمر
(ومن المستحيل حصول خلاف بين هيئة قصيباء ومرورها لاجل هذه القضيه)::mad::
ولذلك من الاحسن ان تعتذر للوسوس عن الوكاله :D
شاكراً مرورك
لاهنت
...........................
غازى بن عجاب أبوزوايد
28-05-08, 07:14 AM
ابو عبد العزيز إسمحلى على التأخير
صح لسانك شهادتي مجروحه لكن القصيده حلوه بالبوارج وبتخصيص أسماء بعض شعار جماعتنا لكن برضوه الكبير كبير ( ماهو السن ) لإن السن فيه حساسيه هالأيام مادرى ليه بعض الناس عنده أكزيما من ذكر السن ههههههه
تقبل مرورى
تحياتي للجميع
خلف الفريد
28-05-08, 05:50 PM
لكن القصيده حلوه بالبوارج وبتخصيص أسماء بعض شعار جماعتنا لكن برضوه الكبير كبير
تقول انت (اكلتها في لحيتي ما بها.. شي ) واقول انا (....... مابها ..شك) ::mad::
ابو فيصل
هلا هلا بهالطلة
اخوي كل تأخيره فيها خيره
مع علمي بسبب تاخرّك ، اكيد تدور حاجة ابن جضعان هههههههههههههههههههههه
اما مسالة السن وما ادراك ماالسن ، انا وانت ماعلينا منهم !!
فيهم اكزيما او ركبوا مكسيما :)
واترك هالسوالف وانا اخوك ، تراها تكدر :D
شكرا من الاعماق
لاهنت
........................
ياحليلم حليلاه أقول الثنائي المدهش أصبرو علي شوي وسوف انزل في توقيعي
صوره لي جديده بس ابي أقهركم تشبه سعد الحريري تكدر على بعض الناس
ويحبها بعض الناس خليف انتظر !!!!!!!!
ابن ردمان
29-05-08, 11:05 PM
أيه الأعزاء
السلام عليكم ورحمة الله وبركاته
وبعد 0
أشاره إلى ماذكره الأخ العزيز منصور الوسوس والذي يقول أنه لاحض كلاً من خلف وبن جضعان في سوق الذهب كما قلنا سابقً ملاحظه جيده ونفيد الأخ منصور هؤلأ الرجال لم يحضرو حتى الأن نامل التأكيد على رجل الإحضار أبو ياسر أن يقوم بإحضار هؤلأ الرجال بإسرع وقت ممكن ويلزم الأخ منصور والوسوس التأكيد على أبو ياسر كما يلزم حضور منصور على شان ناخذ منه علم وخبر وبإي مكان من الذهب شافهم وفي أي موقع من سوق الذهب من الداخل أو مع الشارع ووين إتجاههم بالظبط على شان برات الذمه
والسلام عليكم ورحمة الله وبركاته
-----------------------------------------------------------------------------------------------
ابن ردمان
انا مالي دخل خلف--- قال لي ودني سوق الذهب عندي شغل وكان معه رجال ماعرفه كبير بالسن ومعه أمرأه وأبيد الشايب ورقه ماعرفت وش فيها وكان محور حديثهم حول الذهب
وسعر قصور الأفراح والطقاقات وعندما وصلوا الى السوق نزلوا وانا رحت عازمني حويان للقهوه
خلف الفريد
30-05-08, 03:38 PM
أيه الأعزاء
السلام عليكم ورحمة الله وبركاته
وبعد 0
أشاره إلى ماذكره الأخ العزيز منصور الوسوس والذي يقول أنه لاحض كلاً من خلف وبن جضعان في سوق الذهب كما قلنا سابقً ملاحظه جيده ونفيد الأخ منصور هؤلأ الرجال لم يحضرو حتى الأن نامل التأكيد على رجل الإحضار أبو ياسر أن يقوم بإحضار هؤلأ الرجال بإسرع وقت ممكن ويلزم الأخ منصور والوسوس التأكيد على أبو ياسر كما يلزم حضور منصور على شان ناخذ منه علم وخبر وبإي مكان من الذهب شافهم وفي أي موقع من سوق الذهب من الداخل أو مع الشارع ووين إتجاههم بالظبط على شان برات الذمه
والسلام عليكم ورحمة الله وبركاته
-----------------------------------------------------------------------------------------------
ابن ردمان
انا مالي دخل خلف--- قال لي ودني سوق الذهب عندي شغل وكان معه رجال ماعرفه كبير بالسن ومعه أمرأه وأبيد الشايب ورقه ماعرفت وش فيها وكان محور حديثهم حول الذهب
وسعر قصور الأفراح والطقاقات وعندما وصلوا الى السوق نزلوا وانا رحت عازمني حويان للقهوه
الشكوى لله
والله ماني واثق بك من اصل يابن جضعان من يوم شفت عويناتك
تلاقط وحنا بالسوق تقل تصّور!!!!!!!!
لكن املي بالله ثم بالشيخ سند ........تكفى ياشيخ تكفى
وابن ردمان ..دافع البلا ...زراديه
قلت انه بالبر ولا هو فاضي واثره يدور القلهي ::mad::
اللهم سلم
..............
علي الجضعان
02-06-08, 12:54 PM
ابن ردمان صارت مراجعة بلديه ياخي خلصنا المعامله راحة لشيخ والشيخ أجازه عند
مزارعه والوسوس مشغول بزواجه وحنا ممنوعين من السفر
بلاك لست ادري الفريد مدان بس نبي نشوف الحكم
خلف الفريد
02-06-08, 03:29 PM
ابو عمر
انت من المدعى عليهم والمطلوبين للمحاكمه !!!!
لاتستبق الاحداث والا اعترف احسن لك :)
وبعدين اشوفك اصدرت الحكم قبل الشيخ (الفريد مدان)ههههه
وماكو فكه !!!
لك حبي
......................
علي الجضعان
06-06-08, 01:45 PM
اقول صرنا علي كماوي وانت رئيس محكمة الدجيل مدري وش أسمه
اعتقد
عوض أحمد البندر أكلينها أكلينها الله حسبي عليك الفريد
تسببت علي
وعرضتني المحاكم لا وعند ابن ردمان والله مافيه تمييز ولاأعتراض
وقع بس وخلك رجال لايدبل الحكم
خلف الفريد
07-06-08, 08:06 PM
ابو عمر
انا مرتكي على جبل!!!
تم عمل لائحة اعتراضيه من الان وقبل الحكم !!!!!!!!!!!!!
وتراي وكلت نسيبي الدكتور ناصر الفريدي راع المدينه
اسأل عنه وقابلني وانا ابو عزيز
لك حبي
.................
علي الجضعان
09-06-08, 12:03 AM
اقول يالفريد انا وكيلي أحمد مطر العود
وان عليان انشد خارج المملكه وداخلها تلقى العلم
ضيف الله بن علي
09-06-08, 11:11 PM
يا خراشي !!! كل واحد يدور وكيل ؟؟
لا والله الي الحاجة ما تسنعت والله أني دائما أنصح بس ما احد سامعني
ههههههههه
علي الجضعان
10-06-08, 06:09 PM
يا خراشي !!! كل واحد يدور وكيل ؟؟
لا والله الي الحاجة ما تسنعت والله أني دائما أنصح بس ما احد سامعني
ههههههههه
أقول نازف الحرف لايبلاك الله احمد ربك يمكن يجينا جلد تراء
ربي يبلاك بكره خمسين عصى تأخذ اسبوعين تجلس على جنبك
من تعافا يحمد الله
خلف الفريد
17-06-08, 08:06 PM
هاااااااااااااااااااااااا اااه ابو عمر
الظاهر الان انتهينا ههههه
الحاجه ووصلت
وابن ردمان في البر
والوسوس مشغوووووووووووول جداً
وباق الربع نسوا الموضوع !!!!!!!!
والاجازه قربت :D
وصافي يالبن
فتك بخير
.....................
الله يبيض وجهك بذلت جهود غير عاديه وكنت أتوقع انك لن تستطيع لصعوبة
الموضوع ولكن خذلتني وحققت المطلوب عاداتك المهمات الصعبه
عبرهذا المنبر الشــامخ لك مني الـشكر والعـرفان
وتسلم ياعظم العرب مالها ألا رجالها
لاخلى ولاعدم ابن عمي
العفو لاهنت ابو عمر
وخدمة اخوي شرف ولا سويت الا الواجب
تستاهل يابن راشد
لك حبي ومودتي
.................
فهد بن مبارك
18-06-08, 04:49 AM
لاهنت على الموضووووع
خلف الفريد
18-06-08, 10:48 PM
لاهنت على الموضووووع
لاهنت على المروووووووووووووور
vBulletin® v3.8.7, Copyright ©2000-2026, TranZ by Almuhajir