ابن ردمان
16-05-08, 10:06 PM
هات القلم ياسعود والبوك هاته=نبي نسجل من حلاو التماثيل
ياسعود قالوا كل شي بحلاته=هذا مثل ونقولبه مثل ماقيل
الجاش هاض وجهن مرسلاته=وأبدع ينضم نايرات القناديل
بحرن لطم موجه وقاوم جهاته=وكضت معابير البحر عارم السيل
أنحت على صم الحجر معجزاته=وأشرب عليهن معجزات الفناجيل
ويوخذ من الندر دلايل إثباته=ماهي سواليفن بليا محاصيل
لاصار فيه إدراك عن خافياته=ومن يدرك المعناء يجيد التحاليل
ماناخذ إلا ندره وافياته=أحلا القواف الحاليات المعاسيل
أحلاه ذوق أسماع ومعسلاته=وفيهن عن الواقع دليل وتفاصيل
والشعر ماكلن ملك نايفاته=وجدن من الله يوجده رب جبريل
دب الدباء عليه وأذهب طراته=وقل الثمين وشوهوه المهابيل
وبحنضليله ضاع حالي حلاته=ولا تثمر الصبخاء ولو علها السيل
وكلن يبي يختار من طيباته=لاكن ماكل تربتن تنبت الهيل
وياليت بعض الناس يملك أسكاته=ويصير عنده عرف عن باهض الشيل
لاكان الأصقه مايجاوب أصواته=ولا يعود الأوماي في ساري الليل
ولو أدركوا راقيه بمذكراته=مثايلن تضربها الناس تمثيل
مايشره الهاذي على شامخاته=وينزل عن المرقاب راقيه ويميل
مضلوم ضلم ولا يشاف أبتهاته=واللي يشوف الميل مايعدل الميل
حاله مثل سعدون باخر حياته=عقب السيوف الامعات المشاهيل
ولولا قليل الناس خطره وفاته=ويصبح فريس أضباع سود الغراميل
ويامن يشوف اليوم وضعه بذاته=ويشوف عوجن مالها اليوم تعديل
ويرمي على الحاذف شضاياء حصاته=ويحيه من عذب القراح الشهاليل
لمت عليه اليوم لجت أغزاته=ناسن يجرونه على ويل أبا الويل
وياللي جنيتم ندره راقياته=ياهل المعرفه يالرجال الدواليل
واليوم يالشعار من لازماته=ويبي الفزع من عاسفين التماثيل
شيخن كبير أنوصفه في صفاته=ومن قل ناسه يشتكي فترت الحيل
شيخن كبير وكسروه بعباته=اليوم لعبه في يدين الجهاهيل
ولو كان منهم بارزن في براته=مير أدعاهم فيه موذيه بالحيل
ويلقي على الفايت ملامت أفواته=من شان ناسه باليال المساميل
وجده عليهم ماتكف أعباراته=وعلى الجبال الشامخه خيم الليل
ياسعود قالوا كل شي بحلاته=هذا مثل ونقولبه مثل ماقيل
الجاش هاض وجهن مرسلاته=وأبدع ينضم نايرات القناديل
بحرن لطم موجه وقاوم جهاته=وكضت معابير البحر عارم السيل
أنحت على صم الحجر معجزاته=وأشرب عليهن معجزات الفناجيل
ويوخذ من الندر دلايل إثباته=ماهي سواليفن بليا محاصيل
لاصار فيه إدراك عن خافياته=ومن يدرك المعناء يجيد التحاليل
ماناخذ إلا ندره وافياته=أحلا القواف الحاليات المعاسيل
أحلاه ذوق أسماع ومعسلاته=وفيهن عن الواقع دليل وتفاصيل
والشعر ماكلن ملك نايفاته=وجدن من الله يوجده رب جبريل
دب الدباء عليه وأذهب طراته=وقل الثمين وشوهوه المهابيل
وبحنضليله ضاع حالي حلاته=ولا تثمر الصبخاء ولو علها السيل
وكلن يبي يختار من طيباته=لاكن ماكل تربتن تنبت الهيل
وياليت بعض الناس يملك أسكاته=ويصير عنده عرف عن باهض الشيل
لاكان الأصقه مايجاوب أصواته=ولا يعود الأوماي في ساري الليل
ولو أدركوا راقيه بمذكراته=مثايلن تضربها الناس تمثيل
مايشره الهاذي على شامخاته=وينزل عن المرقاب راقيه ويميل
مضلوم ضلم ولا يشاف أبتهاته=واللي يشوف الميل مايعدل الميل
حاله مثل سعدون باخر حياته=عقب السيوف الامعات المشاهيل
ولولا قليل الناس خطره وفاته=ويصبح فريس أضباع سود الغراميل
ويامن يشوف اليوم وضعه بذاته=ويشوف عوجن مالها اليوم تعديل
ويرمي على الحاذف شضاياء حصاته=ويحيه من عذب القراح الشهاليل
لمت عليه اليوم لجت أغزاته=ناسن يجرونه على ويل أبا الويل
وياللي جنيتم ندره راقياته=ياهل المعرفه يالرجال الدواليل
واليوم يالشعار من لازماته=ويبي الفزع من عاسفين التماثيل
شيخن كبير أنوصفه في صفاته=ومن قل ناسه يشتكي فترت الحيل
شيخن كبير وكسروه بعباته=اليوم لعبه في يدين الجهاهيل
ولو كان منهم بارزن في براته=مير أدعاهم فيه موذيه بالحيل
ويلقي على الفايت ملامت أفواته=من شان ناسه باليال المساميل
وجده عليهم ماتكف أعباراته=وعلى الجبال الشامخه خيم الليل