مشاهدة النسخة كاملة : ## وأنا نســيـتـك والــرجــاء قــاطــعــه فــيــك ##
علي الجضعان
11-05-08, 11:26 PM
أتمنى أن تحوز على رضاكم
انا دخيلك فكني من بلاويك = تراي مشحون الصدر ومتضايق
أمنول(ن) أفزلاحل طاريك = واليوم بانت لي جميع الحقايق
لاوخساره مامضالي وأنا أرجيك = ومن بينا هديت كل العوايق
وبعت أصدقائي وأنت يازين شاريك = وأمر(ن) تقوله ياهو البال لايق
وغال الهدايا ياأريش العين مهديك = واليا أبطيت عني شب صدري حرايق
كم من ليال(ن)ساهر(ن) ومتحريك = وألياحصل لقياك يومين رايق
با أجمل كلام(ن)عذب يازين أحييك = ولهرجتك يازين صاحي وفايق
واليوم متغير وناكرلماضيك = وأنكرتني ولشوفتي مانت طايق
رح بسبيلك جعل ربي يهنيك = وقطعت أنا بيدي كل الوثايق
دور على مثلك عشير(ن) يصافيك = يصير لك مامور عبد(ن) وسايق
وأنا نسيتك والرجاءقاطعه فيك = واللي حدث قطع جميع العلايق
الشــاعـــر / على مـحـمــد الجــضــعـــان
ضيف الله بن علي
12-05-08, 12:06 AM
صح لسانك ابو عمر
ولا هنت وهذي أخرتها قطع العلاقات وسحب الحقيبة السياسية !
منصور الوسوس
12-05-08, 12:53 AM
صح لسانك يبو عمر
تضل مبدعا قصيدة جميلة جدا
شكرا لك هذه الاضافة الجميلة
علي الجضعان
12-05-08, 12:54 AM
صح لسانك ابو عمر
ولا هنت وهذي أخرتها قطع العلاقات وسحب الحقيبة السياسية !
وش اسويبه راح لجبل الدروز وين اللي يدوره عند حزب الله
علي الجضعان
12-05-08, 01:05 AM
صح لسانك يبو عمر
تضل مبدعا قصيدة جميلة جدا
شكرا لك هذه الاضافة الجميلة
صح بدنك ومشكور على النقل عادتك
الفزعه والعلم الغانم عساك في الوجود
القسومي
12-05-08, 01:17 AM
صح لسانك يا ابا عمر
وبيض الله وجهك
دائم ٍ ولابداع يتجدد في قصائدك ياغالي
انت يا ابو عمر
شاعر ( الحب العذري )
العفيف الذي ليس فيه وصف للمرأه
وقد اجزت بحكم عملي بان حبك شريف ( مجاز )
وتمهل مستقبلا
ودمت بصحه وسلامة
غازى بن عجاب أبوزوايد
12-05-08, 06:54 AM
على الجضعان
صح لسانك وإعتلا شأنك
تحياتي للجميع
مقبل بن نمران
12-05-08, 08:16 AM
الغالي / أبو عمر
صح لسانك على هالجمال والحب اللامتناهي ولو النهاية قطع علاقات
لكن ماشاء الله عليك الحبيب في جبل الدروز . .
وش اسويبه راح لجبل الدروز وين اللي يدوره عند حزب الله
والمشايخ يجزون ويبررون لك . .
وقد اجزت بحكم عملي بان حبك شريف ( مجاز )
مشكور وماقصرت والله لايهينك
بس تراي متقهوي عند معقد الشوش البارح . . !!
عبدالله بن غنام
12-05-08, 08:52 AM
صح لسانك ابو عمر
شاعر الرومنسية
رائعة عادتك الروائع
دور على مثلك عشير(ن) يصافيـك
يصير لك مامور عبـد(ن) وسايـق
وأنـا نسيتـك والرجاءقاطعـه فيـك
واللي حدث قطـع جميـع العلايـق
علي الجضعان
12-05-08, 09:18 AM
القسومي اهلا سهلا
وصح بدنك مرورك تاج على راسي
علي الجضعان
12-05-08, 09:37 AM
انت يا ابو عمر
شاعر ( الحب العذري )
العفيف الذي ليس فيه وصف للمرأه
وقد اجزت بحكم عملي بان حبك شريف ( مجاز )
وتمهل مستقبلا
ودمت بصحه وسلامة
انت أجزت الموضوع أعتمدوا
الاصيل :شهاده أعتز بها من رجل له خبره في الحياه وله باع طويل في الامور العاطفيه
بحكم عمله ولن اتعودها وهذا توقيع تعهد :pالف شكر على المرور والله يعطيك العافيه
وغال الهدايا ياأريش العيـن مهديـك=واليا أبطيت عني شب صدري حرايق
والله يا علي تراك ماقصرت ,,,
عطيته غالي الاثمان ,,,
عطيته قلبك اللي يفز لاجاء طاريه
(أمنـول(ن) أفـزلاحـل طـاريـك)
وهجرت اصحابك وبعتهم بالزهيد وشريت قربه بالغالي
وبعت أصدقائي وأنت يازين شاريـك
وقطعت عن فمك واتسلفت وشريت له الهدايا الغاليه والجوالات وشحن البطاقات
وغال الهدايا ياأريش العيـن مهديـك
وسهرعيونك الليالي الطوال وحاربت النوم لاجله وقابلت النجوم وضيعت صلاة الفجر بسبته وانت تتحراه وتتحرى شوفته
كم من ليال(ن)ساهر(ن) ومتحريـك
وظليت يومك كله وانت تزين وتنمق الكلمات لحين جيته لكي تسمعه اياها وتحييه فيه
با أجمل كلام(ن)عذب يازين أحييـك
ولكن طيبك كبير وقلبك حنون يا ابوعمر وبعد ما عرفت الحقيقه ماذا فعلت؟؟؟
واليوم بانـت لـي جميـع الحقايـق
وشوف هو وش سوى فيك ,,, متغير ومادن خشته ومنكرك وما يدانيك ومهو طايق شوفتك !!!
واليـوم متغـيـر وناكرلماضـيـك=وأنكرتني ولشوفتـي مانـت طايـق
وشوف طيبك يا ابن جضعان ( يا طيبك طيباه )هذي والله اخلاق الفريدي
رح بسبيلـك جعـل ربـي يهنيـك
انت قلت له (رح ),,, ما قلت مثل راكان بن حثلين ( خري) يوم يقول لها,,,
خري وانا راكان زبن الونيه = ما يشرب العقبات كود الهداني
ودليته على دربه وسبيته بطريقه ادبيه واخلاقيه
دور على مثلك عشير(ن) يصافيـك=يصير لك مامور عبـد(ن) وسايـق
وفي النهايه كان موقفك رجولي وطيبة قلب محب وعاشق يتمنى الخير للجميع وينسى الاسى والظلم ويسامح وخصوصا انك قطعت الرجاء فيه ,, من قاعدة (اللي يحب ما يكره),,,
وأنـا نسيتـك والرجاءقاطعـه فيـك
صدقني ابو عمر ,,, وبدون مجامله ,,,
قصيده جزله ورائعه من روائعك ووجدت نفسي داخل وسط القصيده
والقصيده داخله وسط جوفي ,,, وعشت المعاناه معاك ,,,
ولذلك جزئت القصيده وفندتها وفهمتها بيتا بيتا
وعشقت كلماتها عشقا ,,, لقد شديتني شدا لقافك الرائع ,,,
الابداع رفيقك دائما ,,,
خلف الفريد
12-05-08, 03:15 PM
وش اسويبه راح لجبل الدروز وين اللي يدوره عند حزب الله
اقول ابو عمر
خله بام درمان احسن
الزول يقول رفعوا منع التجول وعادت الامور الى ...... آآآي ههههههههههههههههههههه
والا انت مشمل مشمل ؟؟؟!!ههههههههههههههههههههه
لا املك الا ان ان اكون الشيخ الثاني الذي يجيز هذا النص الراقي !!!!!!!!!!!!!!!
لكن لا تجيني بكره وتقول
يا زين دام الوفا طبعك××صديت عن كل خلاني
والله لارابط على نبعك××وابيع ربعي والاخواني
هههههههههههههههه
--------------------
دائماً رائع ابا عمر ، مواضيعك وردودك تزيل الهم والغم ، رشات مطر تزيل عنا
غبار الجدب والجفاف
لاعدمت وجودك وجهودك
صح لسانك صح لسانك
لاهنت
محمد الطهيمي
12-05-08, 03:33 PM
قصيده رائعه
الله يسخر قلبها لك بس يابو عمر اذا رجعت ترجع ولا تقول
الي بيننا انتهى
تحياتي
ناصر بن راكب
12-05-08, 09:46 PM
أبو عمر
صح لسانك
صح لسانك
واشوف اهل القلوب الخضراء زايدين هالأيام لاترفق فيهم تكفى
ابن ردمان
12-05-08, 10:38 PM
صح لسانك يأبو عمر صح لسانك
قصيده جزله من شاعر جزله0
ابوبندر
12-05-08, 11:28 PM
وش اسويبه راح لجبل الدروز وين اللي يدوره عند حزب الله
ههههههههههه
ايوالله وش تبي فيه عقب ماعلق في الجبل بين جنبلاط وحزب نصرالله:p
انحش عنه بس
وصح لسانك يابو عمر مليووون ولايكفون:oبس بدون شيك
علي الجضعان
13-05-08, 01:16 AM
على الجضعان
صح لسانك وإعتلا شأنك
تحياتي للجميع
الاخ غازي ابوزوايد صح بدنك وتسلم على المرور
علي الجضعان
13-05-08, 11:21 AM
الغالي / أبو عمر
صح لسانك على هالجمال والحب اللامتناهي ولو النهاية قطع علاقات
لكن ماشاء الله عليك الحبيب في جبل الدروز . .
والمشايخ يجزون ويبررون لك . .
مشكور وماقصرت والله لايهينك
بس تراي متقهوي عند معقد الشوش البارح . . !!
مرورك أكبرتشريف للقصيده وراعيها مشكور على الاطراء
معقد الشوش عرفت رقمه السري ودواه عندي
شف الواسطه حتى المشايخ خليت قلوبهم خضر هذا الغز والابلاش
عقيد الشعر مرورك تاج
علي الجضعان
13-05-08, 11:26 AM
صح لسانك ابو عمر
شاعر الرومنسية
رائعة عادتك الروائع
اباعزام صح بدنك واعتلا شانك ولاعليك زود شاعر الفصيح والنبط
والعمودي والمقفى لله درك مبدع بكل شئ
الف شكر على المرور لاعدمناك
لك احترامي وتقديري
علي الجضعان
14-05-08, 12:29 AM
ذيبان وش أقول بصراحه أنت بكل شئ رائع
حتى بطرافتك أضحكتني كثيراً
لوكل قصيده تعلق عليها كذا والله لانزل كل يوم قصيده
بس لكي تعلق عليها
اباراكان مرورك اكبرشرف لي اشكرك على الأهتمام
لك مني حبة خشم
علي الجضعان
14-05-08, 12:39 AM
اقول ابو عمر
خله بام درمان احسن
الزول يقول رفعوا منع التجول وعادت الامور الى ...... آآآي ههههههههههههههههههههه
والا انت مشمل مشمل ؟؟؟!!ههههههههههههههههههههه
لا املك الا ان ان اكون الشيخ الثاني الذي يجيز هذا النص الراقي !!!!!!!!!!!!!!!
لكن لا تجيني بكره وتقول
يا زين دام الوفا طبعك××صديت عن كل خلاني
والله لارابط على نبعك××وابيع ربعي والاخواني
هههههههههههههههه
--------------------
دائماً رائع ابا عمر ، مواضيعك وردودك تزيل الهم والغم ، رشات مطر تزيل عنا
غبار الجدب والجفاف
لاعدمت وجودك وجهودك
صح لسانك صح لسانك
لاهنت
اباعبدالعزيز أسمع -- رحنا جنوب والهواء سمالي
ابك كيف ام درمان انت ناوي على شئ الله يكفيني شرك
خلف تصدق اني الى شفتك مع المتواجدين أرتاح يعني أستانس
المجالس في غيابك أحس ناقصها شئ الله يجعلك بالوجود
وصح بدنك لك مني كل الموده والاحترام
نماسكار
علي الجضعان
16-05-08, 12:01 PM
قصيده رائعه
الله يسخر قلبها لك بس يابو عمر اذا رجعت ترجع ولا تقول
الي بيننا انتهى
تحياتي
الطهيمي مثلك عارف والله يستاهل الرجعه
من يمها النفس طواعه
شكر على المرور ياخال
مشعل الجضعان
16-05-08, 03:13 PM
صح لسانك يابوعمر وين انت رايح يابوعمر مالقيت الاجبل وليد بيك (جنبلاط)
مشغل الجضعان
انا عندي اثنين منهم على كفالتي من السويداء
ويعرفونها بالشبر ويعرفون ( قدسيه ) ويعرفون الدانه للشقق المفروشه وادايما حنا ننزل فيها
خلي ابو عمر ,,, ان ااسنع له اموره ان شاء الله
علي الجضعان
17-05-08, 01:07 AM
آه !!! يابوراكان ضاحية قدسيه
عزالله أنكم كفوا ايه هذا الكلام
اللي يصحي من النوم توني طبت
الاخلى ولاعدم عساك في الوجود
انت وعضيدي وتاج راسي عزوتي
مشعل
في مدح ابوباسل تزين القوافي = شرد ولكن لخوا مره يطيعن
متعب بن نومان
18-05-08, 11:38 AM
صح السانك ابو عمر واعتلأ شأنك
لاهنت لاهنت على هالدره الرائعه
دائما ًمبدع والكل ينظر كل جديد . .
علي الجضعان
20-05-08, 10:50 PM
ابا باسل مرورك تشريف وليد صديق لك لاتنساني
الف شكر على المرور
علي الجضعان
27-05-08, 11:21 PM
صح السانك ابو عمر واعتلأ شأنك
لاهنت لاهنت على هالدره الرائعه
دائما ًمبدع والكل ينظر كل جديد . .
FF1493]الاخ متعب النومان : مرورك أكبرشهاده لك مني فائق الاحترام والتقدير
وأبشر وتأمر أمــــر ياقــــمـــــر والجديد بالطريق[/size]
vBulletin® v3.8.7, Copyright ©2000-2026, TranZ by Almuhajir