?> ... بَعْدَ الغياب الطويل ... [الأرشيف] - مجالس الفرده
المساعد الشخصي الرقمي

مشاهدة النسخة كاملة : ... بَعْدَ الغياب الطويل ...

عبدالله بن مغضب الفريدي
25-04-08, 09:14 PM
بسم الله الرحمن الرحيم

السلام عليكم ورحمة الله وبركاته وبعد ...

أعتذر عن مدة الغياب الطويلة التي كانت بسبب ظروف خاصة إضافة إلى ظروف الدراسة

فكتبت( أبيات) إعتذارية لعلها ترضى أبناء العم - أعضاء المجالس -



ياعيال راشد ياكريمين الانساب = ياعز من ضامه زمانه وداسه
ابعتذر عن البطا واذكر اسباب = اشغال وأولها ظروف الدراسه
أنتم ذراي وعزوتي وقت الانشاب = وأنتم هل الميقاف واهل السياسه
وأنتم سنام المجد عكفان الاشناب = من لاذ فيكم مايشوف التعاسه


اتمنى ان تكون سبب لقبول عذري ولو كانت قليلة






هذه أبيات وأتمنى ان تحوز على رضاكم


ليت في وجه الردي فرق وعلامه = لأجل يظهر فارقه بين الرجالي
يالردي تبطي ولاتلقى ملامه = الردى يالشين مالي به مجالي
أدري أن قلبك مثل قلب النعامه = خص لاجات المواقيف العضالي
وإلا أنا من حرب راعين الشهامه = أهل النخوه كريمين السبالي
ينطحون الموت بعزوم وقرامه = ليا غدا للخيل حسٍ وأجتوالي
كم عقيدٍ مارجى منهم سلامه = مرهبين الخصم مروين السلالي
والخوي مع حرب مايشوف الندامه = يرخصون اللي طلب لو كان غالي
حرب راعين الوفاء وأهل الكرامه = مكرمين الضيف من صفر الدلالي
خذ نموذج حيّ من راع العتامه = من تاريخٍ مامحته سود الليالي

عبدالله بن مغضب الفريدي
مرشد
26-04-08, 12:00 AM
الحمدلله على رجوعك سالماً غانماً.


وعوداً حميداً

ليت في وجه الردي فرق وعلامه ** لأجل يظهر فارقه بين الرجالـي
عبدالله بن مغضب الفريدي
26-04-08, 12:10 AM
شكراً أخوي مرشد على مرورك
تقبل تحياتي
خلف الفريد
26-04-08, 07:42 PM
والخوي مع حرب مايشوف الندامه***يرخصون اللي طلب لو كان غالي
حرب راعين الوفاء وأهل الكرامه***مكرمين الضيف من صفر الدلالي
خذ نموذج حيّ من راع العتامـه***من تاريخٍ مامحته سـود الليالـي
إيه ياعصابة راسي صح لسانك صح لسانك !!!!!!!!!
**
عبد الله هلا مليون هلا
معذور ومشكور على هذا السمو والشموخ
حماسية تتقد وحمية تتوهج وشعر يتسامى فيعانق النجوم
اشكرك على هذا الابداع الراقي ولا تحرمنا جديدك
لاهنت لاهنت______
عبدالله بن غنام
26-04-08, 08:15 PM
أخوي / عبدالله بن مغضب الفريدي

حياك وعوداً حميداً والحمدلله على السلامه



وصح لسانك وعلا شانك
ضيف الله بن علي
26-04-08, 11:41 PM
صح لسانك

وطرحك رائع
ناصر بن راكب
27-04-08, 12:21 AM
ياعيال راشد ياكريمين الانسـاب
ياعز من ضامه زمانـه وداسـه
ابعتذر عن البطا واذكر اسبـاب
اشغال وأولها ظروف الدراسـه
أنتم ذراي وعزوتي وقت الانشاب
وأنتم هل الميقاف واهل السياسـه
وأنتم سنام المجد عكفان الاشناب
من لاذ فيكم مايشـوف التعاسـه


صح لسانك يابن مغضب


ومعذور معذور
غازى بن عجاب أبوزوايد
27-04-08, 07:25 AM
عبد الله بن مغضب الفريدى
بعد الغياب الطويل جبت الكنزالثمين فحللت أهلا ياحزامي وتاج رأسي
عذرك مقبول وشعرك سامى وإحساسك راقي

تقبل إعجابي ومرورى



تحياتي للجميع
أبو فيصل
علي الجضعان
28-04-08, 02:18 PM
مع التحيه وفائق الاحترام طال ما أنك قدمت العذر قبل طلبه فأنت قفل الباب

علينا!!! ماعلينا الى القبول ومن طول الغيبات جاب الغنايم




عذرك مقفل قدمنا كل الأبواب = ومعها من المايرنز عده حراسـه

بعض العرب لآغاب يحسب له حساب = مقدام ربعه بالوغى والفراسـه

ومثلك يابن مغضب علينا لياغاب = نحس من فرقاك فينا عماسـه

لآكن عزانا فيك لوطلت بغياب = أنك مدور علم ماهي عساسـه

وانته ولدمغضب على راس مرقاب = والرجل يعرف معدنه من نحاسـه

اسمٍ(ن) على راس العلمٌ تقل مشهاب = لآقلت أبن مغضب تحس بحماسـه


ملاحظه: المايرنز خيرت القوات الامريكيه الله لايقويهم
عبدالله بن مغضب الفريدي
01-05-08, 01:11 AM
أشكر الأخوه الذين وجدت ردودهم وأقول لهم أعذروني على طول الغياب حيث أنني طالب جامعي ولم يعد لدي الوقت الكافي للتواصل معكم


عسى العذر مقبول لعيال راشد= اللي لهم في قمة المجد منزال

أنا ليس غنيّ عن توجيهاتكم خوذوا بيدي حيث أنني شاعر مبتديء وأجهل الشيء الكثير من أساليب الشعر ومعانيه

لكم مني الشكر الجزيل على ردودكم

أخوكم عبدالله بن مغضب
ناصر بن مغضب
01-05-08, 04:33 PM
ولد العم عبدالله بن مغضب

حي هالطلة بعد طول الغياب من رفيقٍ(ن) جايب ندر المعاني

أبطيت عنا ولكنك أجبرتنا على قبول عذرك بهذه الأبيات الرائعة التي أستمدت روعتها من صاحبها ومن ذكر عيال راشد فيها

تقبل مروري وإعجابي
ابن ردمان
01-05-08, 09:31 PM
معذور يابن مغضب وصح لسانك وبيض الله وجهك
ومعذور على طول الغياب والحمدلله على السلامه
مقبل بن نمران
02-05-08, 09:19 PM
ابن مغضب

حياك الله وصح لسانك وإعتلا شأنك

على حسب علمي وصلتك رساله من الإداره فيها كل ماتريد

ودمت بالوجود شاعراً متميزاً ومن أفضل إلى الأفضل إن شاء الله

وصح لسانك يابو عمر وماقصرت علمك غانم

مع فائق محبتي وتقديري
علي الجضعان
02-05-08, 11:40 PM
ابن مغضب

حياك الله وصح لسانك وإعتلا شأنك

على حسب علمي وصلتك رساله من الإداره فيها كل ماتريد

ودمت بالوجود شاعراً متميزاً ومن أفضل إلى الأفضل إن شاء الله

وصح لسانك يابو عمر وماقصرت علمك غانم

مع فائق محبتي وتقديري



صح بدنك / اخوي مقبل النمران والطيب أنتم أهله
عبدالله بن مغضب الفريدي
13-05-08, 11:05 PM
أشكر ابن العم العزيز : ناصر ابن مغضب
وأشكر الأخ : ابن ردمان
وأشكر الأخ : مقبل ابن نمران

عــلــى مــرورهــم