?> طلحه يعل السيل يسقي جنابه [الأرشيف] - مجالس الفرده
المساعد الشخصي الرقمي

مشاهدة النسخة كاملة : طلحه يعل السيل يسقي جنابه

عبدالله علي الطهيمي
16-04-08, 12:31 AM
من قصائد علي بن عبد الله الطهيمي


راكباً من فوق غال المثامين= اسم البريمي بالخليج انتسابه
مزودين امواصفاته بالتحسين=ماكنه الا كاسبينه كسابه
نبي نسير يم دار المسمين=دار الفريدي والاسامي تشابه
دارن حموها ملحقين المخلين=طلحه يعل السيل يسقي جنابه
وعلى عموم بلاد كل المسلمين=مزنن من المنشا يعزل ربابه
ياسامعينن كلمتي قولو امين=منا الدعا والله عليه الاجابه
هل الصخا والطيب ماهم خفيين=دارن لها التاريخ يشهد كتابه
يحمل بصفحاته فعول وبراهين=من لاقراه ينشد الي قرابه
الحق مايزعل ولا يرضي اثنين= والناس مرضاها حديث الصحابه
ناصر بن راكب
16-04-08, 01:41 AM
صح لسانك أبو عبدالله

وآ مين آمين الله يغيث بلاد المسلمين


ويستاهلون الطيب أهل طلحة
منصور الوسوس
16-04-08, 03:37 PM
وصلتني برسالة جوال فكان هذا الرد من الشاعر / منيف الوسوس
ولايسعني الا ان اشكر الشاعرين واخص شاعر المجالس
علي الطهيمي الذي يتحفنا بكل جديد

هلا هلا يامرحبا فيك وهلين=عد الحروف وعد خط الكتابه

بالصاحب إللي غايبن فوق عامين=وحنا نتمنا شوفته واللقابه

غالي وله حشمه ومن ناس غالين=طيب وفوق الطيب وصل وقرابه

طلحه بمثله تفتخر دوم وتزين=علي الطهيمي ياهلا ومرحبابه

وساوسه نفخر بكل العريبين=اهل المكارم والشرف والمهابه

اللي لهم بالطيب فعل وعناوين=ورد الثنإ واجب وهاذا جوابه

اخوك منيف الوسوس
ابو يزن
16-04-08, 05:56 PM
صح لسانك يابو عبدالله
يستاهلون اهل طلحة اهل طيب وعلومن غانمة
ما يمدح الرياجيل الا اطيبهم
خلف الفريد
17-04-08, 03:02 PM
وفاء بوفاء
صح لسان ابو عبد الله على هذه القصيده التي كلها حب ووفاء
وصح لسان ابو راكان ، كان رد الثناء على مستوى الممدوح
ويستاهلون خوالي اهل طلحه محبوبة ابو نواف رحمه الله
.........
عبد الله
اشكرك على هذا النقل الجميل لاهنت
ضيف الله بن علي
18-04-08, 01:28 AM
مشكور عبدالله على النقل

وصح لسان الشاعر علي الطهيمي والوفاء طبعه ومن اهله.