مشاهدة النسخة كاملة : الحداري يثني على الشيخ : نايف بن هديب رحمه الله
منصور الوسوس
02-04-08, 12:23 AM
الشاعر مليح الحداري رحمه الله
يصف احد مشائخ الفرده وهو
الشيخ / نايف بن علي بن هديب رحمه الله والقصيدة لاتحتاج لمقدمة
حيث يقول
يابو سعود البيت تمت مبانيه=لعل ما تغيّر عليه الليالي
بيت المعزه كمّله فعل راعيه=راع الوفاء والطيب باول وتالي
قسم الضيافه ماقفل باب حاميه=مفتوح دايم وجهته للشمالي
والقهوجي دايم اوجاره يحاضيه = والنار مشبوبه بصف الدلالي
الضيف يكرم والمسير يقهويه=بيت الاماره مدهلٍ للرجالي
نايف اليا جاه المسير يحيه=ويقلّطه فوق الكنب والزوالي
ومن جاه باللازم على طول يقضيه=اللي يبي تختيم والا اتصالي
مرحوم عودٍ عقبه من مجانيه=من شام للجزلات عاف الهزالي
ابوه خلاّ القوم ذوده تخليه=يوم المشوّك مثل وبل الخيالي
وعمه محمد يوم جاته حماريه=جب الرشا والدلوا فوق المحاني
ورّا خصيمه يوم شان بتحديه=حيثٍ له قلبٍ من الخوف خالي
والجد نافل يرفع الراس طاريه=بجواره الرملاء تعيّش عيالي
وخاله بجاد اللي شهيره عزاويه=لا طار عن قحص المهار الجلالي
وربعه رجال اتّيه الطرش تتييه=اولاد راشد محتمين التوالي
طيبه وخف النفس ورث من اهاليه=لعل نفسه ما يجيها الزوالي
وعياله الظفران تمشي مماشيه=ماكر حرارٍ بالجبال العوالي
لو ابتل اشرح طيبهم ما اقدر احصيه=ونقول في بيتك كمال وجمالي
اقبل سلام مع التحيات نهديه=سلامٍ احلى من حليب المتالي
ابوبندر
02-04-08, 01:04 AM
رحمة الله على الشاعر/ مليح الحداري
ورحمة الله على الشيخ/نايف بن علي بن هديب
قصيدة جزله المعاني
ولاهنت يابومحمد على هالمجهود السخي وأقبل مني هالبيتين المتواضعه يالبناخي
واعذر على القصور وهن اقل من حقك علينا بمجهود وطيب فعولك:
اتعبت من حلمه يقلد ليمناك=ياجامع الموروث وافي الخصالي
في همتك والله محدا يجاريك=وبالطيب والمعروف مالك مثالي
مقدام قوم،، يفتخر بك بناخيك=وتشهد على طيبك زحول الرجالي
ابوبندر
مبارك بن هديب
02-04-08, 01:39 AM
ابو محمد
بيض الله وجهك على النقل ورحم الله المادح والممدوح
تقبل تحياتي
فهد الهديب
02-04-08, 05:45 AM
اللهم أرحم وأغفر
للشيخ/ نايف بن هديب
وأسكنه اللهم بجنانك مع الشهداء والطيبين
يا أكرم الأكرمين
شكراُ أخي الغالي منصور الوسوس
منصور الوسوس
02-04-08, 03:30 PM
ابو بندر شاعرنا الغائب الحاضر
شكرا لك على هذه الهدية الثمينة المقبولة
التي اعتبرها تاج على راسي من شخص غالي على نفسي
وما كلماتك الا وقود تحرك به مجالس ربعك
شكرا لك من الاعماق ودمت بالوجود يبو بندر
منصور الوسوس
02-04-08, 03:31 PM
مبارك بن هديب
اشكرك على اطلالتك الغالية ودمت لنا متواجدا
منصور الوسوس
02-04-08, 03:32 PM
فهد الهديب : العفوا حياك ربي يبن هديب
مرحبا باشراقتك في متصفحنا
الــــــــــهــــــــاوي
15-04-08, 09:10 PM
رحم الله الشيخ/ نايف بن هديب ومشكور اخوي على النقل
خلف الفريد
15-04-08, 09:38 PM
الخال منصور
هذا الجهد لاشك انه الوفاء بعينه ، بيض الله وجهك
لقد هززت الوجدان وذكرتنا بعلمين غاليين على القلب
شيخنا ابو سعود رحمه الله رجل الكرم والطيب
واخي وصديقي الشاعر مليّح الحداري العمري (ابو بندر) رحمه الله
وقد كان بينهما ود كبير ووفاء
اشكرك من الاعماق واضعك بين الاحداق
لاهنت لاهنت
حصان القوارة
15-04-08, 11:52 PM
ابو محمد
جزيل الشكر على هذه الشامخة بشموخ عَلَميها ( ابو بندر و ابو سعود ) رحمهما الله
ناصر بن راكب
16-04-08, 01:37 AM
منصور الوسوس
بيض الله وجهك
ورحم الله الشيخ نايف بن هديب
ورحم الله الشاعر / مليح الحداري
منصور الوسوس
16-04-08, 03:36 PM
الهاوي
هلابك اسعدني تواجدك وصح بدنك
منصور الوسوس
16-04-08, 03:38 PM
خلف الفريد
لاهنت ومشكور على الاطلالة الكريمة الغالية
منصور الوسوس
16-04-08, 03:39 PM
حصان القوارة
هلابك اخوي عادل لاهنت على مرورك الكريم
ودمت بالوجود
منصور الوسوس
16-04-08, 03:40 PM
مشكور اخي ناصر بن راكب
ووجهك ابيض يالغالي
اشكر اطلالتك البهية
نواف الفريدي
19-04-08, 12:15 PM
بيض الله وجهك على النقل ورحم الله المادح والممدوح
بندر الحطاب
22-04-08, 11:49 PM
رحم الله الشيخ الراحل : نايف بن علي بن هديب .
الذي كان شيخاً شهماً متسامحاً مصافحاً متواضعاً .
قد أكتفي بهذه الخصال التي قل من يمتلكها وخاصةً أؤلئك الذين لهم الجاه .
رحم الله أبا سعود وأدخله فسيح الجنان ..
ورحم الله الشاعر القدير / مليِّح الحداري ..
الــــرهـــــيــــب
23-04-08, 12:07 AM
شكرن على هذه القصيده المليانه والامير نايف بن علي بن هديب الله يرحمه يستاهل
الـــــــرهــــــيب
انا اشهد ...
مشكور ملايين منصور الوسوس على هذه الجزله التي انت جبتها !!!
وصح لسان الشاعر الحداري ,,
هو الشيخ / نايف بن علي بن مخلف بن هديب الفريدي ( رحمه الله )
شيخ الفرده بالقواره قبل وفاتة ,,,
وهو ابن الامير / علي بن مخلف بن هديب الفريدي امير الفرده بالقواره ,(رحمه الله )
وشقيق الامير / عبد الله بن علي بن مخلف بن هديب ( رحمه الله )
وشقيق الامير/ عبيد بن علي بن هديب ( رحمه الله )
ووالد الشيخ / سعود بن نايف بن علي بن هديب ( طول الله عمره ) رئيس مركز ابانات بالقصيم
وعم الشيخ / بندر بن عبيد بن هديب ( شيخ الفرده بالقواره ) ,
وولد الاخ / علي بن نايف بن هديب وبجاد واخوانهم ,,,,
سند بن عبدالعزيز
23-04-08, 12:21 PM
لاهنت ياابى محمد على النقل الجميل لهذه القصيدة الرائعة رحم الله من قالها ومن اهي له .
المشاركات الجيده
والردود الجيده
تستاهل ان ترفع ويعاد تفعيلها
شكرا كثير لمنصور الوسوس
والشكر مووووصول لابو بندر
ولكل من رد على المشاركه
ونجدد الترحم والطلب من الله ان يرحمهم ويحط البركه بالموجودين
وسلامتكم
الشكر و العرفان
لاخي
ابو محمد
دائما متميز
صح لسان
الشـــاعر ومشكور
على
النقــــــل
vBulletin® v3.8.7, Copyright ©2000-2026, TranZ by Almuhajir