?> بين الشاعرين الشابين المربوث وبن نونان [الأرشيف] - مجالس الفرده
المساعد الشخصي الرقمي

مشاهدة النسخة كاملة : بين الشاعرين الشابين المربوث وبن نونان

منصور الوسوس
25-03-08, 07:38 PM
هذه مساجلة جميلة لشاعرين قد
يكونان جديدان على المجالس وان كان التقصير منا لعدم متابعة
جديدهم اليكم هذه المساجلة الرائعة جدا بين الشاعرين الشابين
بجاد المربوث وخالد بن فهد بن نونان
لنستمتع بما جادت به قريحت كلٍ منهما ...

قصيدة بجاد بن حريمل المربوث


لولاالحيا وأدرى من الله وأخافه= لاخذك وعيون الخلايق تشوفي

ماتثني عزومي بعيد المسافه =وعن شوفتك مايلحق النفس خوفي

ياعود موزٍ لينٍ بانعطافه =ومنين ماهب الهوى له يلوفي

حلوٍ كسى زينه حياه وعفافه=أسخيفٍ قلبه عليه عطوفي

ياسعد عين الي من الناس شافه=لاواهني من شاف زين الوصوفي

أنا أشهد أنه سم حالي ولافه= حبٍ سقيته من شرايين جوفي

يابوفهد بعده عليّه كلافه =مالي جدا ياكود صفق الكفوفي

عقبه يابن نونان شفت الكسافه= ليته يابن عمي بحالي يروفي

راع الهوى يا خالد أسند بقافه= عليك يشكي بعد ريم الخشوفي

ياشاعرٍ بالشعر بان أحترافه= حكيم راي وبالقصيد معروفي

-¤-¤-¤-¤-¤-¤-¤-

( الرد)
من الشاعر / خالد بن فهد بن نونان


يا مرحبا باللي لنا صاغ قافه= راع الوفا والطيب جزل الحروفي

الشاعر المبدع وسيع الثقافه= شعره يشدك لين تاقف وقوفي

يصوغ له ابيات فن وحرافه = حتى يجي قافه قوي معسوفي

نفسي على شعره تخط أعترافه= مايلحقه بالقاف شك وخوفي

وراع الهوى يابجاد سهل أنكشافه= مثل القمر ساعة يجيه الخسوفي

تلقى على وجهه شحوب ونحافه =والوان من ضيم اليال مخطوفي

الوقت وأن بين عليك أنتكافه =وصارت على ماقيل بقعا تلوفي

يمكن تزين ايام عقب الكسافه =عقب الجفا يرجع وليفك ويوفي

مصير الأشواق ترخي كتافه= ويجيك من كيفه يهز الردوفي

يجيك ثم يسقيك حالي رهافه= مشتاق لك بالحيل شفق وشغوفي

وأن كان ما بالزين لين ومرافه =والحظ قصر في جميع الظروفي

أنا معك بأول وتالي مطافه= والنفس تامرها على ماتشوفي

أشّر إذا ودك علي أختطافه =لأجيه لودونه رهيف السيوفي

النفس دونك ماعليها حسافه= لجلك يابونايف تهون الحتوفي
¤-¤-¤-¤-¤-¤-¤-¤-¤
ناصر بن راكب
25-03-08, 07:51 PM
صح لسان الشاعرين
بجاد المربوث و خالد بن فهد بن نونان

ولاهنت أبو محمد على هذا الإختيار
منصور الوسوس
25-03-08, 07:56 PM
صح بدنك اخوي ناصر بن راكب
شاكر لك اطلالتك الغالية
لاهنت
مقبل بن نمران
25-03-08, 09:42 PM
ابو محمد

سلمت يمينك على النقل

وصح لسان الشاعرين / بجاد المربوث و خالد بن نونان

قصائد جميله وجزله عساهم بزود إن شاء الله

وبما إنهم شابين أتمنى دعوتهم ليشاركوا ربعهم في مجالسهم

( لأن الكبار عذرهم معهم ماعندهم معرفه بالنشر والنت )

وبالنسبه للعضو الشاعر مانبي منه إلا قصيده كل إسبوعين

وأعتقد إن إسبوعين وقت مناسب للي عنده شغل

وبالنسبه للردود لايرد إلا إذا جاء يضع قصيدته الأخرى بعد إسبوعين

وفي هذه الحال نحتفي بشعراءنا الأفاضل دون التضييق عليهم في مسألة الوقت

وموضوع وجودها بالخاص وهي مساجلة أبد خذ راحتك يابو محمد

خلهن للوقت اللي تبي وإنقلهن متى مابغيت .

ودمت على الخير والمحبة
حد السيف
25-03-08, 10:08 PM
صح لسان الشاعرين
منصور الوسوس
25-03-08, 11:32 PM
الفاضل مقبل النمران لم اكن اريد ان ابوح بذلك ولكن ليس سرا
تم دعوتهم ودعوة مجموعة من الشعراء والايام القادمة سترون
مايسركم من شعراء عيال راشد باذن الله .
اشكر لك اريحيتك وما خطيته بردك سيتم ابلاغهم به واعتقد وجهة
نظر جميلة وما مشاركتهم في مجالس ربعهم الا فخر لهم بالدرجه
الاولى وانعم واكرم برجلٍ يهتم بمنتديات ربعه وهم كذلك .
منصور الوسوس
25-03-08, 11:33 PM
حد السيف صح بدنك
لاهنت على الاطلالة الكريمة
فارس الحرف
26-03-08, 02:13 AM
منصور الوسوس
تسلم على هذا النقل الرائع
تقبل مروري

فارس الحرف
خلف الفريد
26-03-08, 07:17 AM
مساجلة جميله بين شابين موهوبين
صح لسان كل منهما وكان يبون فزعه من العود المشعاب والم والعبارتين
خابره الوسوس ماتلحقه الطيور الطايره ههههههههههههه
عادتك يابو محمد انتقاء الجميل لاهنت
ولاتميّلها واجد يم ابن نمران والا راكزيني فوق عنوان ههههههههههههههه
كما اضم صوتي لصوت ابو ياسر وأأيّده بكل ماقال
شكراً للجميع
الساطي
27-03-08, 12:40 PM
منصور الوسوس
أنت مكسب غالي الثمن لمجالس القبيله
نشكرك على نقل قصائد هذين الشاعرين
وأنني لا أخفي إعجابي الشديد
بقصائد الشاعر بجاد
ولكم جزيل الموده
ابو يزن
27-03-08, 01:42 PM
شكرا لك اخي منصور
قصيدة رائعه جدا
وشاعرين من شباب الفردة االمبدعين
اجمل تحية على هذا النقل الجميل
منصور الوسوس
27-03-08, 03:05 PM
فارس الحرف
صح بدنك
اطلالة غاليه اشكرك عليها
حياك ربي
منصور الوسوس
27-03-08, 03:14 PM
خلف الفريد
الساطي
ابو يزن
هلابكم صحت ابدانكم
اشكر لكم اطلالتكم الغالية
ودمتم بخير وعافية
سبع الغداري
28-03-08, 02:06 PM
صح السان الشاعرين بجاد وابن نومان
ويعطيك العافية منصور
القسومي
29-03-08, 01:54 PM
سلمت يمينك يا ابا محمد
وصح لسان الشاعرين
ابداع في محله
منصور الوسوس
29-03-08, 11:51 PM
سلمت ودمت يالقسومي
شاكر مرورك الكريم
عبدالله بن غنام
30-03-08, 05:39 AM
الفاضل مقبل النمران لم اكن اريد ان ابوح بذلك ولكن ليس سرا
تم دعوتهم ودعوة مجموعة من الشعراء والايام القادمة سترون
مايسركم من شعراء عيال راشد باذن الله .
اشكر لك اريحيتك وما خطيته بردك سيتم ابلاغهم به واعتقد وجهة
نظر جميلة وما مشاركتهم في مجالس ربعهم الا فخر لهم بالدرجه
الاولى وانعم واكرم برجلٍ يهتم بمنتديات ربعه وهم كذلك .


لا هنت أبو محمد لا هنت

وما هي غريبة عليك

أنت رجل جبلت على الحمية

والصراحة أني أعجبت بالقصائد لأنها تكشف النقاب أولاً ، عن شاعرية وتمكن جيل من الشباب جديد .

أرقى التحايا وأسمى التقدير للشاعرين .

وكل الشكر لبو محمد
منصور الوسوس
26-08-08, 02:42 PM
حياك ربي يبو عزام
واما الحمية فما عليك زود انتم اهلها دمت بالوجود
عبدالله بن دغش
27-08-08, 02:36 AM
صح لسان الشاعرين

وتسلم على النقل