?> لو بوقت قيس الملوح موبايل ؟؟؟ [الأرشيف] - مجالس الفرده
المساعد الشخصي الرقمي

مشاهدة النسخة كاملة : لو بوقت قيس الملوح موبايل ؟؟؟

ابن منيديل
18-04-07, 09:13 PM
هذه قصيدة من قصائد بناخيكم الشاعر / سلطان بن بتلاء


جتـنـي بـخـد ٍ فـوقـه الـدمـع سـايــل = تبـغـانـي لـقـيــس الـمـلــوّح مـثـيــلا
تـقـول هـجـرك عـامـل ٍ بــي عمـايـل = ولاعــاد لــي بمسـاهـر اللـيـل حـيـلا
ابــي عـلـى جنـونـك بـحـبـي دلايـــل = وتهيـم بـي فــي كــل صـبـح ٍ ولـيـلا
قلت اسمعـي قيـس انفضـح بالقبايـل = مـانـي بصـايـر عـقـب عقـلـي هبـيـلا
قـيـس المـلـوّح لــو بوقـتـه موبـايـل = ماكـان جــاه هـبـال مــن حــب ليـلـى
هاكالـمـلّـوح راح صــايــل وجــايــل = فــي كــل دار ٍ لـــه مـبـيـت ومـقـيـلا
ولا لقـا مـن طــول صـبـره حصـايـل = واصبـح مـن فـراق الحبـايـب علـيـلا
دقـــي عـلــي وتسمـعـيـن الـهـوايـل = اسـمـعـك حـكــيٍ لـطـيــف ٍ جـمـيــلا
رنـه واجـي باشـواق الاحبـاب مايـل = واشرح لـك اسبـاب الفـراق الطويـلا
وال ( call me ) تالي الليال القلايل = حـلــت مـعـانــاة الـرصـيــد الـقـلـيـلا
اوراسلـيـنـي وازعـجــك بـالـرسـايـل = رســايــل ٍ مـابـيــن خــــل وخـلـيــلا
مـتـعـدده هالـحـيـن كـــل الـوسـايــل = والـلــي يـبــي خـلــه بيـلـقـا سـبـيـلا
لاتشتـكـيـن الـبـعـد يــــاام الـجـدايــل = مــــدام بـيـديــك الـسـنــع والـدلـيــلا
كــم للحـيـا مابـيـن الاحـبــاب حـايــل = وكم لي وانـا اطـا منـك جمـر المليـلا
جـيـتـك ولاحـطـيـت عـقـبـك بــدايــل = لــو راودونــي عـنــك مـيــة بـديــلا
ولاقـلـت ويـنـك قلـتـي الـشـك زايــل = لاوالله الــلــي زال جــســم ٍ نـحـيــلا
امــا ارحـمـي قلـبـي بـرنـة مـوبـايـل = والا ابـعـدي عـنـي وصـبـراً جـمـيـلا
متعب بن نومان
19-04-07, 11:26 AM
ولاهنت بيض الله وجهك ابن منيديل


وصح السان الشاعر / سلطان بن بتلاء


عساك على القوه عطنا من قصايده
سيف الفردة
23-04-07, 12:21 AM
مشكور يبن منيديل وكم هو مبدع سلطان
فعلا كما تفضل بقايا انسان
اتحفنا بجديده لاهنت
ابو ريـــــــم
23-04-07, 12:28 PM
رنـه واجـي باشـواق الاحبـاب مايـل = واشرح لـك اسبـاب الفـراق الطويـلا
وال ( call me ) تالي الليال القلايل = حـلــت مـعـانــاة الـرصـيــد الـقـلـيـلا
اوراسلـيـنـي وازعـجــك بـالـرسـايـل = رســايــل ٍ مـابـيــن خــــل وخـلـيــلا

ابن منيديل

يعطيك العافيه ولاهنت على النقل

قصيده جزله من رجال جزل
ابن منيديل
23-04-07, 10:39 PM
بقايا انسان

سيف الفردة

ابو ريم


شكرا لمروركم العطر اللذي شرفني


وان شاءالله ازودكم بالجديد