?> هاذي يميني [الأرشيف] - مجالس الفرده
المساعد الشخصي الرقمي

مشاهدة النسخة كاملة : هاذي يميني

خلف الفريد
05-03-08, 01:53 PM
اثناء توقف مجالسنا خلال الايام الماضيه
دخلت الى مجالس حرب بعد طول غياب
وكانت هذه المصافحه

هاذي يميني يامساء الخيـر ياحـرب=وحبّة خشم ..هذا صريـح اعتـذاري
ما تهت!! والله عارفٍ سالك الـدرب=فيما مضى ..واستسلـم لكـل زاري
عذري اسوّف واجمع الطرح والضرب=وفي خانة التسويف بايـع وشـاري
ويا مدوّر الوجهه يم الشرق والغرب=انا دليلـك كـان مـا انتـه بـداري
هاذي مجالس حرب يا طالب القـرب=نجم الشمال اللي قـدى كـل سـاري
من اليوم هي زادي وهي طيّب الشرب=وايضا ذرايه عـن هبـوب الـذواري
وهاذي يميني يامساء الورد ياحـرب=يا تاج راسي ..عزوتـي وافتخـاري
اخوكم/ خلف بن عتاق الفريدي
الأصيل
05-03-08, 03:50 PM
( هاذي يميني يامساء الخيـر ياحـرب= وحبّة خشم ..هذا صريـح اعتـذاري )

هذا البيت وافي وكافي ( بليغ جدا )
تضمن الاشار ( هاذي ) بالوصف ( اليمين ) الوقت ( مساء )
التصريح بالمعني ( حرب ) التشبة البليغ ( وحبة خشم ) الخبر

( هذا ) يدل على الحصر ( صريح اعتذاري ) فصيحا في افرادة سالما في تركيبة اللفظي (( فن المعاني ))


(ما تهت!! والله عارفٍ سالك الـدرب= فيما مضى ..واستسلـم لكـل زاري )

النفي _ القسم _ الظرف _ عطف الخبر
عذري اسوّف واجمع الطرح والضرب=وفي خانة التسويف بايـع وشـاري
ويا مدوّر الوجهه يم الشرق والغرب=انا دليلـك كـان مـا انتـه بـداري
هاذي مجالس حرب يا طالب القـرب=نجم الشمال اللي قـدى كـل سـاري
من اليوم هي زادي وهي طيّب الشرب=وايضا ذرايه عـن هبـوب الـذواري


لولا الاطلالة الاوضحت جميع النواحي البلاغية لقصيدة ( الشاعر الكبير ابوعبد العزيز )


فاشكرة على هذه المقطوعة الرائعة

والقادم احلى والهداج يسيح والظمأن يشرب الزلال
مقبل بن نمران
05-03-08, 04:54 PM
أبو عبدالعزيز

صح لسانك قصيدة رائعة صافحت بها أبناء قبيلة حرب في منتداهم

فلك جزيل الشكر ولاهنت

ودمت على الخير والمحبه
ناصر بن راكب
05-03-08, 08:53 PM
أبو عبد العزيز

صح لسانك وبيض الله وجهك


وإن شاء الله تستمر عضو فعال في منتدى حرب وعيال راشد
علي الجضعان
06-03-08, 12:14 AM
:oيالربع والله انها قمه في الروعه والابداع لله دره

النابغه الذبياني

كل يوم تطل علينا بلوحه فنيه من ابداعك
عبدالعزيز العبلان
06-03-08, 02:26 AM
أبــــــو عبدالعزيز
صــــــح لسانك - صـــــح لسانك
قصيــــــدة جزلة ـ ولايجيب الجزل إلا مثلك وشرواك
مجروح الزمن
06-03-08, 03:05 AM
لاتعليق


مجرد مرور وتسجيل إعجاب
عبدالعزيز الفريدي
06-03-08, 01:29 PM
صح السانك يابو عبدالعزيز قصيده من شاعر جزل
ذيبان
06-03-08, 11:45 PM
هاذي مجالس حـرب يـا طالـب القـرب=نجـم الشمـال اللـي قــدى كــل ســاري
صح السانك يابو عبدالعزيز قصيده من شاعر جزل ( عبد العزيز الفريدي)
مجرد مرور وتسجيل إعجاب( مجروح الزمن)
أبــــــو عبدالعزيزصــــــح لسانك - صـــــح لسانك
قصيــــــدة جزلة ـ ولايجيب الجزل إلا مثلك وشرواك( عبد العزيز العبلان)
يالربع والله انها قمه في الروعه والابداع لله دره( علي الجضعان)
أبو عبد العزيز صح لسانك وبيض الله وجهك (ناصر بن راكب)
صح لسانك قصيدة رائعة صافحت بها أبناء قبيلة حرب في منتداهم(مقبل النمران)
والقادم احلى والهداج يسيح والظمأن يشرب الزلال ( الاصيل)
صح لسانك والله يطول بعمرك ويخليك لنا و للقبيله ولعيون ترجاك ( أحمد العود)
متعب بن نومان
07-03-08, 11:32 PM
صح السانك ابو عبدالعزيز

مافيك حيله ابد دائما ً تبهرنا لاهنت لاهنت
خلف الفريد
08-03-08, 04:41 PM
صح السانك ابو عبدالعزيز
مافيك حيله ابد دائما ً تبهرنا لاهنت لاهنت

متعب
صح بدنك وسلمت يمينك
دائماً مرورك عطر جميل
لاهنت لاهنت
فارس الحرف
10-03-08, 02:17 AM
مشيت انا في ساقتك سالك الدرب=ومتأكد انك ياخلف بأنتظاري
ابي اهني حرب في قافك الذرب=واقول لهم اعطوه نوط ابتكاري

خلف الفريد
وجود أرقى ... وتواصل أنقى .. سلمت اناملك .

تقبل مروري وتقديري

فارس الحرف
خلف الفريد
10-03-08, 06:11 PM
لا والله انك ياسعد قايد السرب=في كل موقف لك مكان اعتباري
انا عقدت الحبل وانت اكربه كرب=وما قدّر المعبود لابد جاري

اخي فارس الحرف
مرورك اكثر رقياً .. وتواصلك انقى زياً .. سلم البنان والجنان
لك حبي ومودتي
فهد تركي الفريدي
10-03-08, 07:24 PM
يسلموووووووووووو على القصيده الجزلة
خلف الفريد
10-03-08, 09:40 PM
يسلمووووووووووووووووا على المرور الجيد
الشقاوي
12-03-08, 06:22 PM
فعلا مافيك حيله تحياتي للجميع
خلف الفريد
23-03-08, 05:15 PM
اخي الكريم
الشقاوي
مادمت منكم ولكم فليس هناك اي حيله هههههههههههههه
اشكرك على هذا المرور الجميل كجمال روح كاتبه
لاهنت لاهنت
(( أبوأنس))
29-03-08, 09:45 PM
صح لسانك يا بو عبدالعزيز
ما شاء الله تبارك الله

تحية حب وافتخار
لشاعر لا يشق له غبار
خلف الفريد
30-03-08, 09:21 AM
صح بدنك شيخي الكريم ابا انس
مرورك شذى عطر ٍ فواح لثم هذه القصيدة فزادها طعماً ورائحه
وانت من يفخر به اخيه ومجالس الفرده واهلها
دمت علَماً وعلْماً
لاهنت لاهنت
القسومي
30-03-08, 02:07 PM
ابا عبد العزيز
صح لسانك وبيض الله وجهك
اعتذار صريح لا مجاملة
الشقاوي
01-04-08, 07:38 AM
خلف مافيك حيله
لك إعجابي وتقديري اللا متناهي
تحياتي للجميع
خلف الفريد
02-04-08, 10:27 AM
اخوي الكريمين
القسومي
صح بدنك وانت ابيض الوجه يابن عمي
اشكرك على مرورك ووفاءك
لاهنت
الشقاوي
اشكرك مرة اخرى على الاستجابه والروح المرحه الطيبه
مايرضيكم هو ما يبحث عنه اخيك
لاهنت لاهنت