?> من أجمل قصائد الشاعر الكبير : حمود الدعيس [الأرشيف] - مجالس الفرده
المساعد الشخصي الرقمي

مشاهدة النسخة كاملة : من أجمل قصائد الشاعر الكبير : حمود الدعيس

منصور الوسوس
29-02-08, 03:47 PM
لايهقويك الخداع بعالمٍ موّاجه=يالبيب العقل جوّد كلمتي واكنزها
الصداقه ما تبين الا بوقت الحاجه=والرجال افعالها واذكارها تميزها
لاتصادق غير نشميٍ طليق احجاجه=لانتخا وقت الشدايد نخوته ينجزها
مدركٍ قول النعم في مجلس الهراجه=الحمول الكايده مثل الجمل يحرزها
مثل هاذا ماردن عند الظماء تحتاجه=الصداقة لو جفاك الوقت به عززها
مثل ( ابو تركي ) اليا حط الردي مزلاجه=لا عنزته بالامور الكايده عنزها
فزعة اللي زته الوقت الغبر بامواجه=والسيفينه هرمزت في غيهبٍ حجّزها
اشهد انه باللوازم حربةٍ وهّاجه=حي والله ذا الحجاج اللي لفعله يزها
بيّض الله وجه سالم مع وسيع افجاجه=وخير من سرد القصيده مختصر موجزها
يا خبير النت برمجها على منهاجه=مع محطات الفضاء والعولمه تلفزها

ابو تركي هو أحد اعلام قبيلة حرب في منطقة القصيم
الاستاذ / سالم بن دغيمان بن راضي المخلفي الحربي
مقبل بن نمران
01-03-08, 08:26 AM
منصور الوسوس

صح لسان ابن الدعيس

سلمت يمينك على النقل

ياليت توضح من هو أبو تركي المعني بالقصيدة

ودمت بخير
خلف الفريد
04-03-08, 12:32 PM
دائماً ابو ناصر مبدع وفي جميع مجالات الشعر
صح لسانه وعلا شانه
ابو محمد
اختيار موفق ونقل جميل
لاهنت لاهنت لاهنت
فهد الهديب
04-03-08, 02:15 PM
دائماً ابو ناصر مبدع وفي جميع مجالات الشعر
صح لسانه وعلا شانه
ابو محمد
اختيار موفق ونقل جميل
لاهنت لاهنت لاهنت
*****************
شهاده موثقه من كنز المجلس أبو عبدالعزيز
شكـــــــــــــــــــــرا ً أخي http://up.7cc.com/upfiles/lMx09342.jpg
ناصر بن راكب
04-03-08, 09:25 PM
صح لسان الشاعر / حمود الدعيس

وسلمت يمينك أبومحمد
منصور الوسوس
25-02-12, 12:19 AM
تستحق الرفع
وكل الشكر للشاعر ابوناصر حمود العويني
يستاهل ابو تركي سالم بن دغيمان المخلفي
نواف فارع
25-02-12, 12:41 AM
معانٍ رائعة .. صيغت بجواهر الكلام ..

صح لسان الشاعر / أبوناصر .

وأبوتركي يستاهل .


وسلمت ودمت أبويارا على الإبداع في النقل والاختيار والتنسيق الجميل .

تحيتي وتقديري .
غازى بن عجاب أبوزوايد
25-02-12, 09:48 PM
صح لسان الشاعر ابوناصر حمود العويني
ويستاهل ابو تركي سالم بن دغيمان المخلفي
وكل الشكر لك ابا يارا على النشر لاهنت
تحيتي
ابـن مـطـيـع
26-02-12, 08:45 AM
صح السان الشاعر ابو ناصر
ابدع الشاعر بهذه القصيدة مثل باقي قصائدة  : شاعر علم  
وصح الله بدنك
اخي ابايار بيض الله وجهك  
شاكرين ومقدرين لك الجهود 
تقبل مروري وتقديري 
الفريدي
26-02-12, 12:55 PM
يستاهل ابوتركي ديوان كامل بالمدح انشهد ان علمه طيب ولو مايكفينا منه الا موقفه مع ابو حسن الله يرحم ابوحسن

لكفى من ينسى ذالك الموقف الذي تجلت فيه قوى الصداقة بكل ميزاتها

صح لسان الشاعر ومشكور يابويارا على النقل الموفق
سعد بن هذيل
27-02-12, 11:45 AM
يستاهل سالم الثنا والاغرابه بذالك
وصح الله لسانك يابوناصر
علي الجضعان
27-02-12, 01:21 PM
تسلم ابايارا على الأضافه

وصح لسان حمود الدعيس قصيده جزله


برجل يستاهل


سالم دغيمان الحربي هذا الأسم الامع


ابوتركي راعي الحميه والمواقف الحميده
عبدالله حمد الفريدي
27-02-12, 04:54 PM
صح لسان الشاعر الكبير
حمود بن الدعيس الفريدي على القصيده الجزله
في رجل جزل والله والف نعم ابو تركي كرم وفزعه وحسن منطق
الف شكر ابا يارا على ايرادها لاهنت
علي محيميد الفريدي
01-03-12, 08:07 AM
صح لسان الشاعر والنعم بالمادح والممدح

شكراً ابايارا ع الاضافه