مقبل بن نمران
27-02-08, 10:50 AM
نظراً لأن هذه القصة والقصيدة لفجحان الفراوي هي من موروثات قبيلة الفردة
والتي تنم عن الكرم وحسن الجوار
أردنا وضعها كاملة مع الشكر والتقدير لمن سبوقنا بعرض إضاءات مختصرة عنها
وهي برواية مناور بن علي بن نمران عن والده علي بن نمران رحمه الله
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
الشاعر فجحان الفراوي ( من المريخات من بريه من مطير ) رحمه الله
كان فقيراً ومعه ثمان بنات وزوجته فقط ونصحه أحد أصدقاءه بالنزول عند حرب
فسئل عن حرب فأرشده رجل إلى النزول على الفرده
لأنهم مشهورين بحسن الجوار وإكرام الضيف وهم معه ضد من يضايقه بأي شي ما دام معهم وهذه من عاداتهم
فنزل ضيفاً على الفــردة جماعة الشيخ ضيف الله بن حماد (ابو ذعار )المتوفي سنة 1315هـ رحمه الله
(قال الشيخ ضيف الله بن حماد لجماعته هذا الفراوي جاكم من قل وناصيكم دون غيركم وكلٍ وإستطاعته
راع البل يعطيه بعير وراع الغنم يعطيه ويوم جمعوها عند بيت الفراوي
وقال له أبن حماد البل والغنم اللي تشوف حلالك من الفردة
ولاهي عادة للفردة اللي يعطون ينكسون عليه حط بالبل صبي وبالغنم صبي وأنت جار معزز مكرم
وبعد فترة قصيرة قال ابن حماد لربعه هذا فجحان الفراوي معه بنات مثل ماتشوفون ولو خطبتم منه يبي يزوجكم ولكن ماهي في صالح جارنا
بكره يقال له الفردة عطوك على شأن بناتك وبعد مضي ثمان سنين إستأذن من جيرانه بالرحيل وقالوا : عسى ماشر وإلا جاك اللي ضايقك
قال ماجاني إلا بياض وجيهكم ياعيال راشد لكن البنات كبرن ونبي نزوجهن بنيخيهن
وعندما حل عند قومه وبعد أيام قام عليه ناس من قومه يلومونه على تركـه لجماعته ونزوله مع الأجنـاب
فرد عليهم الفراوي بالقصيدة التالية والتي مدح فيها الشيخ ضيف الله بن حماد وجماعته عيال راشد
ياربعنا رحنا ندور المصاليح = والعبد مايدري بغيب الليالي
قعادٍ بلا حلال من خمدة الريح = وهرجٍ بلا حصيل ياهملالي
رحنا لأبن حماد شيخ المساريح = ماكر حرارٍ من قديمٍ وتالي
الي خلط مع فرسته هبة الريح = والخيل من حسه يجيها الجفالي
بصينيته حيل السمان المفاطيح = وصفيحته بيضاء بياض الهلالي
حلياه حرٍ بالطوال اللواليح = الصيرميً اللي يصيد الجزالي
شيخٍ ينزح عاصي الضد تنزيح = من راح عنده ماعنه من يسألي
مقدم ربوعٍ مأختفوا باللحاليح = تعرف مواقفهم جنوب وشمالي
أولاد راشد كلبوهم ذوابيح = هدامة الجمع الكبير الموالي
يتلون أبن حماد بعيد المصابيح = ضيف الله اللي يحتمي للتوالي
والعلم واضح مايبا العلم توضيح = شجعان تشدأ الصايجات الجمالي
ياولاد راشد يالوجيه المفاليح = يامدلهين الجار عن كل غالي
الجار ذرا له عن سموم الوافيح = بجنابكم ينعم براد الظلالي
ياريف من مر بزمانـه سواميـح=مـن كـدرت مـاكـان بالوقت حـالـي
يأهل الوفاء يامبعدين المشاويح = ريف الخوي والضيف ودروع جالي
دخيلكم يوم الشفايا مكاليح = مثل الجدي وسهيل عسر المنالي
أمضيت ثمان سنين مرتاح ومريح = ولا هو بودي يوم قفن رحالي
فقدت همٍ جرح القلب تجريح = بجنابكم عني صدأ الهم زالي
والتي تنم عن الكرم وحسن الجوار
أردنا وضعها كاملة مع الشكر والتقدير لمن سبوقنا بعرض إضاءات مختصرة عنها
وهي برواية مناور بن علي بن نمران عن والده علي بن نمران رحمه الله
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
الشاعر فجحان الفراوي ( من المريخات من بريه من مطير ) رحمه الله
كان فقيراً ومعه ثمان بنات وزوجته فقط ونصحه أحد أصدقاءه بالنزول عند حرب
فسئل عن حرب فأرشده رجل إلى النزول على الفرده
لأنهم مشهورين بحسن الجوار وإكرام الضيف وهم معه ضد من يضايقه بأي شي ما دام معهم وهذه من عاداتهم
فنزل ضيفاً على الفــردة جماعة الشيخ ضيف الله بن حماد (ابو ذعار )المتوفي سنة 1315هـ رحمه الله
(قال الشيخ ضيف الله بن حماد لجماعته هذا الفراوي جاكم من قل وناصيكم دون غيركم وكلٍ وإستطاعته
راع البل يعطيه بعير وراع الغنم يعطيه ويوم جمعوها عند بيت الفراوي
وقال له أبن حماد البل والغنم اللي تشوف حلالك من الفردة
ولاهي عادة للفردة اللي يعطون ينكسون عليه حط بالبل صبي وبالغنم صبي وأنت جار معزز مكرم
وبعد فترة قصيرة قال ابن حماد لربعه هذا فجحان الفراوي معه بنات مثل ماتشوفون ولو خطبتم منه يبي يزوجكم ولكن ماهي في صالح جارنا
بكره يقال له الفردة عطوك على شأن بناتك وبعد مضي ثمان سنين إستأذن من جيرانه بالرحيل وقالوا : عسى ماشر وإلا جاك اللي ضايقك
قال ماجاني إلا بياض وجيهكم ياعيال راشد لكن البنات كبرن ونبي نزوجهن بنيخيهن
وعندما حل عند قومه وبعد أيام قام عليه ناس من قومه يلومونه على تركـه لجماعته ونزوله مع الأجنـاب
فرد عليهم الفراوي بالقصيدة التالية والتي مدح فيها الشيخ ضيف الله بن حماد وجماعته عيال راشد
ياربعنا رحنا ندور المصاليح = والعبد مايدري بغيب الليالي
قعادٍ بلا حلال من خمدة الريح = وهرجٍ بلا حصيل ياهملالي
رحنا لأبن حماد شيخ المساريح = ماكر حرارٍ من قديمٍ وتالي
الي خلط مع فرسته هبة الريح = والخيل من حسه يجيها الجفالي
بصينيته حيل السمان المفاطيح = وصفيحته بيضاء بياض الهلالي
حلياه حرٍ بالطوال اللواليح = الصيرميً اللي يصيد الجزالي
شيخٍ ينزح عاصي الضد تنزيح = من راح عنده ماعنه من يسألي
مقدم ربوعٍ مأختفوا باللحاليح = تعرف مواقفهم جنوب وشمالي
أولاد راشد كلبوهم ذوابيح = هدامة الجمع الكبير الموالي
يتلون أبن حماد بعيد المصابيح = ضيف الله اللي يحتمي للتوالي
والعلم واضح مايبا العلم توضيح = شجعان تشدأ الصايجات الجمالي
ياولاد راشد يالوجيه المفاليح = يامدلهين الجار عن كل غالي
الجار ذرا له عن سموم الوافيح = بجنابكم ينعم براد الظلالي
ياريف من مر بزمانـه سواميـح=مـن كـدرت مـاكـان بالوقت حـالـي
يأهل الوفاء يامبعدين المشاويح = ريف الخوي والضيف ودروع جالي
دخيلكم يوم الشفايا مكاليح = مثل الجدي وسهيل عسر المنالي
أمضيت ثمان سنين مرتاح ومريح = ولا هو بودي يوم قفن رحالي
فقدت همٍ جرح القلب تجريح = بجنابكم عني صدأ الهم زالي