خليت فظلات الزمن للواحيس**العالم اللي تقتنع بالتوالي/للشاعر [ عبدالعزيز راشد الفريدي] [الأرشيف]

مشاهدة النسخة كاملة : خليت فظلات الزمن للواحيس**العالم اللي تقتنع بالتوالي/للشاعر [ عبدالعزيز راشد الفريدي]

حصان القوارة

26-08-07, 01:02 AM

الشاعر عبدالعزيز بن راشد السدحان الفريدي
أحد الشعراء الشباب المتميزين
نبارك له قبوله في مسابقة شاعر المليون
ونتمنى له التوفيق هو وإخوانه المشاركين من عيال راشد وأبناء قبيلة حرب
أحببت أن انقل لكم هذه القصيدة له
يقول عبدالعزيز:

قامت تدق الفكر دق الهواجيس=وحالي على ماقيل وابري حالي
لو مااذكر الله واتعوذ من ابليس=طقيت من هم الحمول الثقالي
ماهو شقا باللي عيونه نواعيس=ولاضاق من طرد الغنادير بالي
لكن ملبّسني شقا الوقت تلبيس=من كل هم ٍ لين فاحت دلالي
من كثر ماحطيت بالخرج والكيس=ومشيت في دنياي ماني مبالي
جلّسني اليوم اغبر الحظ تجليس=وصرت امعقول وصار حظي عقالي
اخذت بالدنيا تجارب وتدريس=وعرفت معنى الصبر مما جرالي
وخليت فضلات الزمن للواحيس= العالم اللي تقتنع بالتوالي
ومن لايعز النفس عن كل تدنيس=حرام يحسب من حساب الرجالي
ولو ان في هالوقت كل المقاييس=تبدلت لين انهدم كل عالي
الحر صار من الطيور المحابيس=والببغاء يسرح بروس الطوالي
والوقت صار يكرّم الكلب والتيس= والذيب جارت به ظروف الليالي

ابن حميدان

26-08-07, 01:17 AM

مشكووووور اخوي حصااان القواره على النقل الرائع
وصح الله اللسان من قالها
وبإذن الله نشوفة حامل البيرق
والله يوفق ربعه الي معه من شعراء حرب

تحاتي ...

ابوبندر

26-08-07, 01:30 AM

يعطيك العافية حصان القواره على النقل الطيب
وصح لسان شاعرنا عبدالعزيز
ونسال الله له التوفيق

البيت قبل الاخير يوجد به حرف زائد في كلمة البغبغاء ارجو التعديل

وتقبل مرور اخوك

محمدسعودالفريدي

26-08-07, 01:33 AM

صح إلسان الشاعر

وسلمت لنا متميزا

حصان القوارة

26-08-07, 01:40 AM

ابن حميدان
حياك الله وصح بدنك

ابو بندر
شكراً على الملاحظة
تم التعديل

محمد الفريدي
صح بدنك
وشكراً لتعليقك

ناصر بن راكب

26-08-07, 01:41 AM

سلمت يمينك ياحصان القوارة

وصح لسان الشاعر وفاله المليون إن شاء الله

حصان القوارة

26-08-07, 01:55 AM

صح بدنك اخوي ناصر

فارس الحرف

26-08-07, 03:26 AM

ومن لايعز النفس عن كل تدنيس=حرام يحسب من حساب الرجالي
لو كان في هاالوقت كل المقاييس=تبدلت لين انهدم كل عالي
الحر صار من الطيور المحابيس=والببغاء يسرح بروس الطوالي

تسلم حصان القواره على هذا النقل وقصيده جزلة من شاعر مبدع وواعد ... نتمنى له التوفيق في شاعر المليون .. ولكن نبيه هو يكون حاضر معنا هنا ولاينشغل بالتفكير بالمليون فحضوره عندنا يسوى آلاف الملايييييييييييين , ومجالسنا بالأصالة وليست بالأنابة.
تقبل مروري وبلغ تحياتي لعبدالعزيز بن راشد

فارس الحرف

حصان القوارة

26-08-07, 04:18 AM

تسلم حصان القواره على هذا النقل وقصيده جزلة من شاعر مبدع وواعد ... نتمنى له التوفيق في شاعر المليون .. ولكن نبيه هو يكون حاضر معنا هنا ولاينشغل بالتفكير بالمليون فحضوره عندنا يسوى آلاف الملايييييييييييين , ومجالسنا بالأصالة وليست بالأنابة.
تقبل مروري وبلغ تحياتي لعبدالعزيز بن راشد

فارس الحرف

حياك الله اخوي فارس الحرف
أنا لا انوب عن عبدالعزيز او غيره
أنا مجرد ناقل لقصائد له احتفظ بها في جهازي منذ مدة
ستصل تحياتك إلى أبو عاصم إن شاء الله

عماد الفريدي

26-08-07, 06:25 AM

صراااااحه ونعم فيه ولد راشد
انا راهن على هذا الشاعر في شاعر المليووون
قريت القصيده مره رائعه الله يوفق الجميع وخصوصا عيال راشد

مقبل بن نمران

26-08-07, 08:45 AM

حصان القوارة

صح لسانك ولسان الشاعر / عبدالعزيز الفريدي

ومشكور على إتحافنا بهذه الرائعه

جلسني اليوم أغبر الحظ تجليـس
وصرت معقول وصار حظي عقالي

أتمنى أن يجلس على منصات الإبداع والتميز

يهمني كل ماينشر هنا في مجلس شعراء القبيلة ومتابع بشكل مكثف

مع تمنياتي للجميع بالتوفيق

خلف الفريد

26-08-07, 12:13 PM

عادل

سلمت يمينك على نقل هذه الرائعه

وصح لسان عبد العزيز الراشد

ونتمنى له ولبقية اخوته من شعراء حرب التوفيق وفالهم المليون

فارس الحرف

ايماءة مشكوره لك حبي

مع تحفظي على مسأله الاصاله والانابه
فنحن بهذا المجلس نرحب وبقوه بمشاركات عيال راشد أصالة او نيابه
ا

فهد الشملان

26-08-07, 12:38 PM

صح لسآآنـه

ونقـل رآآئع أخ ــوي ح ــصآآن

اتمنى له التوفيق في شآآع ــر المليون والكـل ان شاء الله في شآآع ــر المليون

ودي ووردي

المتابع

26-08-07, 01:44 PM

بيض الله وجهك على النقل الجميل

وبيض الله وجه عبد العزيز على هالقصيده الرائعه

الذى يعتبرها وجهة نظرى انهاء قصيده عصماء

حصان القوارة

26-08-07, 01:56 PM

عماد الفريدي
شاعرنا مقبل بن نمران
مشرفنا خلف الفريد
فهد الشملان
المتابع

شكراً لتعليقاتكم على هذه القصيدة
تحياتي لكم جميعاً

البارق

27-08-07, 11:36 PM

بيض الله وجهك ياعادل

وصح لسان عبدالعزيز الشاعر المبدع دائما

وتمنياتي له بالتوفيق في شاعر المليون

غازي الفريدي

27-08-07, 11:56 PM

لم يكون المرور سهلٍ مع هذه القصيدة الرائعة من شاعرنا عبدالعزيز بل كان لي من بعدها اتمعن في احوال الزمن الجائر على احوال الرجال الذين لايستحقون الجور في وقتٍ كان ينعم فيه من لا يستحقون .
تحية طيبة لشاعر عبدالعزيز ..
كما لا يفوتني الشكر للاخ حصان القوارة الذي دائما يحسن النقل ورواية.

دلهام

28-08-07, 01:15 AM

انا ابقول قول كلن يعرفه وعليه اثبات

شعر النظم للحرب

قصيدة في منتهى الروعه والف شكر لك ياحصان القواره على النقل الرائع

وصح لسان شاعرنا عبد العزيز وتسلم يمينك اخوي

حصان القوارة

28-08-07, 02:21 PM

البارق
شاعرنا غازي الفريدي
دلهام

شكراً لحضوركم وتعليقاتكم

الفــــ Ra7ee5 ـــــريدي

03-03-08, 07:49 AM

عبدالعزيز راشد بن سدحان الفريدي

غني عن التعريف .. ودائماً متألق

عبدالله بن غنام

29-03-08, 09:55 AM

عادل لا هان إختيارك

الف تحية لك على الإختيار العذب

وصح لسان ابو عاصم مليون ، فعلاً كلمات تعبر عن شخصيته الراقية الفذه

عبدالله بن غنام

29-03-08, 10:03 AM

انا ابقول قول كلن يعرفه وعليه اثبات
شعر النظم للحرب

دلهام

لا هنت على الحميا

لكن المسألة هذي ما هي بالحميا يا عصابة راسي ..

شعر النظم في العراق وفي ليبيا وفي الشام وحتى في الهند يوجد شعر نظم وفي الصين كذلك .

المسألة ما هي من حدود دخنة للقصيم ..

في عنزة شعراء تربعوا على قمة المجد ، وفي عتيبة كذلك ، ومطير وشمر .

غير أن الشعر له وجود عند شعوب عربية وغير عربية.

لابد من الإنصاف وإعطاء كل ذي حق حقه .

تقبل مني أرقى تحية

منصور الوسوس

29-03-08, 11:15 PM

صح لسان ابو عاصم
شاعر مبدع ومتألق دائما
شكرا لك اخي الفاضل / عادل
لاهنت على هذا الاختيار الجميل