مشاهدة النسخة كاملة : $$$$ عيال راشد والقبايل لنا شهود $$$$
علي الجضعان
20-08-07, 10:22 PM
أبيات موجهه للاخ /معلاء العنيزان الفريدي والقصيده تعبر عن نفسها
__________________________________________________ _
سلام يارمز الوفاء منبع الجود = ياللي علي أهديت أجمل هديه
يمنىً لبذل الطيب تعطي بلا حدود = أبوك علمك الوفاء والحميه
عز الله انك ماسك ٍ كلمة العود = ياحي والله يا بن عمي وصيه
ونفسك مزكيها عن النقص بالزود = ياسعد والله مانت دايم خويه
وأعطيتنا بالمنتدى كل مجهود = وفي كل ماتعطيه عندك شويه
من طيب ذاتك دايم الدوم موجود = رغم المشاغل والظروف القويه
ولا انقص بحق رجالْ بالمنتدى فهود = مني لهم أزكى سلام وتحيه
عيال راشد والقبايل لنا شهود = ومن اعتزى بالعود نسي المنيه
كم اسهروا بالليل والعالم رقود = من شأن مايلقى عليهم خطيه
ملعون رجل ٍ يخفي الحق ياسعود = والله على ماأقول يشهد عليه
أما أنت يامعلا فانا أقول وأزود = راعي هلا والكبش والشاذليه
والطيب ورث ٍ عقّبه جد لجدود = باق ٍ لنا أيلين تمحى البريه
وصلاه ربي عد ما حجّوا وفود = على نبي ٍ للخلايق سويه
الشاعر /على الجضعان
ابوبندر
20-08-07, 10:51 PM
هذه المشاركة تحتوي على محتوى مخفي
سر ياقلم واكتب ولاتذخر الزود=رد السلام لشاعر النرجسيه
يامرحبا ترحيبة ما لها حدود=ياللي سلامه وصل المزاحميه
تسري من العارض الى منبع الجود=وتاصل لبن جضعان راعي الحميه
ابو عمر يامسندي ياضنى العود=انشهد انك راعي الاوليه
كامل وفى مايلحقك اي منقود=راعى الكرم والطيب والشاذليه
سلم على نفسك وسلم على سعود=وبلغ سلامي لنشامى العزيه
معلا
[/color][/font][/size]
باسل الجضعان
20-08-07, 10:52 PM
صح لسانك
مشعل الفريدي
20-08-07, 10:56 PM
صح لسانك وعساك بالوجود وتجود
مشعل الجضعان
20-08-07, 11:02 PM
صح لسانك
ابو عمر
يستاهل ابوبندر
ياليتني شاعر وأجاريك
ولا كاتب وأدون كتاب بما في داخلي من مشاعر
ابوبندر
20-08-07, 11:34 PM
مشاعرك واصله يابو باسل من غير ماتكون شاعر
والقلوب شواهد والله عليها خير شاهد
هذا من طيب اصلك وكريم معدنك اللي انقى من الالماس..
واقبل الميسور يابو باسل واعذر من القصور وحقك اجزل منهن يالغالي
ولا هن بمقامك عندنا يعلم الله بس هذا فيض الخاطر بساعتها
والله انك غالياً والرب شاهد=والقلوب شهود مافيها قضيه
نفرح بشوفتك يانسل الاماجد=,من عرفك بزود حظه واهنيه
حي ابو باسل بسفر ولا متواجد=سعد من هو مشعل دايم خويه
غازي الفريدي
20-08-07, 11:57 PM
الاخ علي الجضعان صح السانك قصيدة طيبة في راعي الطيب ولا يضيع الطيب بين الرجال
يستاهل ابو بندر شاعرنا القدير ..,
تحية طيبة ابو عمر
ناصر بن راكب
21-08-07, 12:20 AM
علي الجضعان
صح لسانك قصيدة جزله من شاعر مبدع
ويستاهل راعي الطيب أبو بندر
مقبل بن نمران
21-08-07, 08:49 AM
ابو عمر
صح الله لسانك وعلا شأنك
يستاهل أبو بندر والرجال ابدع ورد يعني مالي مجال أرد بالنيابه عنه
شكري وتقديري
عبدالله بن غنام
21-08-07, 12:57 PM
ابو عمر
هذا دليل صفاء الأخوة عسى الله يديمها بيننا
ولايمدح الرجال الا اطيبهم وأبو بندر يستاهل
صح لسانك مليون ومليون نعم بابو بندر
ولايهونون باقي الشباب كل من له جهود في هذه المجالس ولا شك أنك على رأسهم يأبو عمر
تقبل تقديري أبو عمر لك على مشاعر الأخوة السامية منك تجاه أبناء عمك
خلف الفريد
21-08-07, 01:58 PM
بسم الله
ابو عمر
صح لسانك صح لسانك قلت فأبدعت وهاذي عوايدك ايها الرائع
في مجال الغزل هواوي وفي مجال الوفاء وافي وفي الرحلات صياد ماهر!!
ويستاهل المدح ابو بندر صاحب القلب الكبير واسميه (ناثر الحب) على الجميع كمن ينثر الورود
على الماره في الشوارع وقد اسميه (قوس قزح) لانه يظهر ومعه الغيث ويجمع كل الوان الطيف!
ولك الشكر ايضاً ابا عمر لثناءك على ابناء عمك وعلى جهودهم وهذا طبعك ! سحابة ممطره!!
سؤال:
هي بس الجائزه يابو عمر والا معها شي؟؟؟؟؟؟؟؟
اشوف اطار قصيدتك حمر! :)
لكما حبي وودي
حمدان الجضعان
21-08-07, 02:09 PM
[align=center]أبو بندر تستاهل صراحة كنت ناوي أعلق على لقصيدة
لكن ابو عبالعزيز خلف الفريد كفى ووفى [/align
ونعم ببو عمر ماقصرت قلت فابدعت فشكرا من الاعماق
ابو بندر يستاهل كيف لا وهو الرجل الذي على راس القائمة
تواجد ...... ابداع ........ ادب ....... شعر ....
قل ان تجد مجلسا لم يشعل مصباحه فيه هذا مانشاهده في المجالس
هدايا قيمة جعلت اباعمر يتنهد في هذه الرائعة لينثر لنا اللؤلؤ في
ابيات اعجبت الجميع ... هنا لايسعنى سوى ان اقول دمتم بخير
ياعيال العود وسلمت اناملكم على خط الوفاء لمن يستاهله
امثال فخرنا الشاعر المبدع ابو عمر
والكاتب الرائع ابو بندر وللجميع مودتي
علي الجضعان
23-08-07, 04:08 AM
بسم الله الرحمن الرحيم
عيال راشد عزوتي أشكركم جزيل الشكر على تفاعلكم
وهذا ماعودتمونا عليه حتى الذي غاب رده فأني ألتمس له
العذر فكلن بأسمه أقول بيض الله وجوهكم وابو بندر
يستاهل أكثر تقبلوا ردي المتواضع فمهما أعبر فاني أحس
أني لم أصل لمايكنه صدري تجاهكم من أحترام وتقدير
غمرتموني بفيض مشاعركم الجياشه وهذا ينبع من محبتكم لي
وصفاء قلوبكم ........ لكم تقديري وأحترامي
سبع الغداري
26-08-07, 09:11 PM
صح السانك ابوعمر ويعطيك العافية
دائمأ متألق ومبدع وابو بندر يستاهل
صح لسانك ويستاهل ابو بندر
علي الجضعان
27-08-07, 10:16 PM
الشامخ 1 ودلهام أشكرم على المرور وبيض الله وجيهكم
على الثنى وهذا ماتعودناه منكم عساكم دائماُ بالوجود
مروركم عطرني وياهلا
القسومي
27-08-07, 11:02 PM
صح لسانك
ويستاهل ابو بندر
بيض الله وجهك
علي الجضعان
28-08-07, 12:56 PM
القسومي00صح بدنك وجهك ابيض
مرورك عطر قصيدتي لك الف شكر
يا ابن عمي تحياتي لك
ابو يزن
16-10-07, 12:25 AM
علي ابن جضعان سم لمع في سماء الشعر
قصيدة رائعة جدا واكمل جمالها القائل ومن قيلت فيه
يستاهل ابو بندر والله يستاهل ........ شكرا لك اباعمر
ابن منيديل
16-10-07, 09:25 AM
عــــلــــــي الجــضــــعـــــان (( الرجل الفكاهي المحبوب صاحب النخوه ))
ابـــوبـــنــــــدر (( الرجل الذي يحب الجميع ويحبوه ))
ادور عليكم بكل اقسام المنتدى ورحت ودقيت باب الشعر الخاص
وفتح لي ابو عبدالعزيز وقال نعم ؟
قلت ماشفت ابو عمر وابو بندر؟
قال لا ماشفتهم وانت جاي تدق البيبان تالي الليل وهجدت مقبل النمران وفارس الحرف
والقسومي وشباب الشعر الخاص عشأن تسأل عن ناس نائمه ؟
قلت يإبن الحلال خلاص ، خلاص وانسكر خاطري ورجعت لبيتي فضاء الشعر
وإيست اني القاكم وتوني اكتشفت انكم متخفين بالمساجلات دون علمنا
ولكن طيب يابو عمر يعني حنا مالنا كرت ههههههههه
والا بس يارا تقصد فيها <<<< ترى يارا بنت زيد المتعب لاتفهمون غلط
وابو بندر
وابو بندر طنش باسل ماشكره على مروره وراح بقصد بالشايب ابو باسل
بس طيب عمومآ يإبو شنب انت وابو بندر لاعاد اشوفكم مستخبين علمونا
لو تروحون للشعر الخاص انا معكم بس تراني في وجهكم عن خلف الفريد
علي الجضعان
17-10-07, 03:14 AM
قلت يإبن الحلال خلاص ، خلاص وانسكر خاطري ورجعت لبيتي فضاء الشعر
يابن منيديل قبل كل شى فسرلي كلمة (وانسكر) الربع شوفهم شجر أخاف يفسرونها غلط
وخصوصاً يوسف
ثانيا تراي أعطيهم على الرد كل كلمة بريال وكلن وجهده وانت في فضاء الشعر ماعنده غير الرد
الحامي يوسف يطلبني 1500 وابو بندر2345ريال الى الراتب وش نسوي جديد ودي أثبت وجودي
المهله 3شهور من ابوعزام وفيها طرد أو مشرف على ؟
مرورك عطرني عساك بالوجود
ابن منيديل
17-10-07, 11:09 AM
هلا وغلا بإبو عمر
يالغالي ماشاءالله عليك دقيق
قصدي انكسر خاطري يعني تهشّم ههههههههههه
والا السكر الله يكفيكم شره ولايبلاكم ويعافي من ابتلاه ربي
بس ياحلو السكر العاطفي وبعدها تهيض قريحتك بقصيدة تطلع ملحمه شعريه
والا يإبو عمر؟
وسالفة الفلوس اذا انا اطبك 150 ريال بعد رسوم الخدمه 15% ههههههههه
واعذرني لانتعامل مع الآجل الله لايهينك سدد
حمدان الجضعان
18-10-07, 11:13 AM
صح لسان الجميع شكرآ ابو عمر شكرآ ابو بندر
ويعطيكم العافية
علي الجضعان
19-10-07, 02:40 AM
ابو محمد 1562شكر على مرورك
وعيدك مبارك
طلال بن نواف بن حماد
02-08-08, 11:03 PM
صح لسانك وعساك بالوجود وتجود
صح السانك ولسان قايلها
ناصر بن دليله
13-08-08, 02:06 PM
ابو عمر صح السانك
ابو بندر تستاهل المدح
دمتم بود
علي الجضعان
26-08-08, 03:39 AM
ابو عمر صح السانك
ابو بندر تستاهل المدح
دمتم بود
تسلم على الثناء والتعقيب
ابو حمد شكرا على المرور
رفيدان سبيل الفريدي
11-09-09, 04:46 PM
الـردجاهـزبـس ماكنت مـوجـــود ** توي دريت اليوم جتك الهديه
ماهوغريب الطيب يامنقع الجود ** أدعيلك التوفيق وأرفـع إيديه
وإقبل تحياتي مع الهيل والعـود ** ياعلي بن جضعان زبن الونيه
علي الجضعان
09-01-10, 11:03 PM
الـردجاهـزبـس ماكنت مـوجـــود ** توي دريت اليوم جتك الهديه
ماهوغريب الطيب يامنقع الجود ** أدعيلك التوفيق وأرفـع إيديه
وإقبل تحياتي مع الهيل والعـود ** ياعلي بن جضعان زبن الونيه
الله لايهينك والله ماشفت هذا الرد الشعري ولي مرور مره ثانيه
أبو وسيم
13-01-10, 08:33 AM
مع ان هذه المشاركة قديمة ولكن قيمة المحتوى
ابو عمر صح لسانك ودائما مبدع في شعرك
ويستهال ابو بندر هذا المدح لجهوده التى لاتخفى على احد
وتقبل تحياتي
vBulletin® v3.8.7, Copyright ©2000-2026, TranZ by Almuhajir