عبدالله حمد الفريدي
04-10-15, 05:03 PM
مشاركة الشاعر الكبير
حمود محمد الفريدي في حفل
الشيخ محمد بن محسن بن مشرف الفريدي
لرجل الوفاء الشاعر راشد العبيوي المطيري
ياسلامي عد ودانٍ نثر هماله=اكتسى فيه الوطن واحياه عقب محوله
مرحبا في حفل ابن مشرف وحفل عياله=بالضيوف ومن عنا يمه ومن حضروا له
عند ابو فيصل اليا شح البخيل بماله=مجلسٍ يجذب سناه وسفرةٍ مدهوله
الشحم والعود مع بنٍ تفوح دلاله=ورفقةٍ للضيف والعاني ماهي بمملوله
تاج راسي محزمي جعل الردي فداله=لعنبو يمنن بواجب ضيفها مغلوله
افتخر لاجيت ابن عمي وحالي حاله=يرتكي للحمل عن متني واشيل حموله
مرحبا يامطير يافرز الوغى وابطاله=لابةٍ تعرف لها مع القبايل صوله
بيض الله وجه ابن مرشد وجمل حاله=لو قبيلة حرب من غيره ماهي مجهوله
بس راشد بث وارسل للجميع رساله=وجدد التاريخ في عصره وفي مدلوله
نشكره ونقدره ياحرب فيما قاله=والرجال تقدر الرجال حسب فعوله
مايضيع العرف والمعروف عند امثاله=عشت ياراع المروه والكرم والطوله
الرجوله والبطوله ورث ابو وخاله=والعداله والبساله في نباه وقوله
يالعبيوي يامنار الطيب يافعّاله=يعلم الله ماتجيب السالفه مشلوله
من مطير اهل الفخر لا صك جالٍ جاله=حربةٍ تفرا النحر طول الدهر مصقوله
سربةٍ لاجا مجال والخيل والخياله=ادبرت صم الرمك من ضربهم مذهوله
ماكسب بالشر من حمر النواظر فاله=الكلام اللي بلا برهان هو وشوله
قلتها وانا من اللي يحتمون القاله=لابةٍ على الشجاعه والكرم مجبوله
الخوي والجار معنا عاليٍ منزاله= لو غلط على حدينا غلطته محموله
عزوتي حرب الدول لطامة العياله=لو ذكر مجدٍ على سطح القمر وصلو له
والقبايل كلها لها فعول جلاله=مايعارض غير رجلٍ مخته مغسوله
اختصرت القول في ضني واخذت جزاله=وكل شاعر لاتكلم يكشفه محصوله
حمود محمد الفريدي في حفل
الشيخ محمد بن محسن بن مشرف الفريدي
لرجل الوفاء الشاعر راشد العبيوي المطيري
ياسلامي عد ودانٍ نثر هماله=اكتسى فيه الوطن واحياه عقب محوله
مرحبا في حفل ابن مشرف وحفل عياله=بالضيوف ومن عنا يمه ومن حضروا له
عند ابو فيصل اليا شح البخيل بماله=مجلسٍ يجذب سناه وسفرةٍ مدهوله
الشحم والعود مع بنٍ تفوح دلاله=ورفقةٍ للضيف والعاني ماهي بمملوله
تاج راسي محزمي جعل الردي فداله=لعنبو يمنن بواجب ضيفها مغلوله
افتخر لاجيت ابن عمي وحالي حاله=يرتكي للحمل عن متني واشيل حموله
مرحبا يامطير يافرز الوغى وابطاله=لابةٍ تعرف لها مع القبايل صوله
بيض الله وجه ابن مرشد وجمل حاله=لو قبيلة حرب من غيره ماهي مجهوله
بس راشد بث وارسل للجميع رساله=وجدد التاريخ في عصره وفي مدلوله
نشكره ونقدره ياحرب فيما قاله=والرجال تقدر الرجال حسب فعوله
مايضيع العرف والمعروف عند امثاله=عشت ياراع المروه والكرم والطوله
الرجوله والبطوله ورث ابو وخاله=والعداله والبساله في نباه وقوله
يالعبيوي يامنار الطيب يافعّاله=يعلم الله ماتجيب السالفه مشلوله
من مطير اهل الفخر لا صك جالٍ جاله=حربةٍ تفرا النحر طول الدهر مصقوله
سربةٍ لاجا مجال والخيل والخياله=ادبرت صم الرمك من ضربهم مذهوله
ماكسب بالشر من حمر النواظر فاله=الكلام اللي بلا برهان هو وشوله
قلتها وانا من اللي يحتمون القاله=لابةٍ على الشجاعه والكرم مجبوله
الخوي والجار معنا عاليٍ منزاله= لو غلط على حدينا غلطته محموله
عزوتي حرب الدول لطامة العياله=لو ذكر مجدٍ على سطح القمر وصلو له
والقبايل كلها لها فعول جلاله=مايعارض غير رجلٍ مخته مغسوله
اختصرت القول في ضني واخذت جزاله=وكل شاعر لاتكلم يكشفه محصوله