ابـن مـطـيـع
29-03-15, 05:22 PM
مشاركة الشاعر تركي فواز العنزي في حفل زواج أبناء عبيد بن جغيثم بن راكب
يالله ياسامع دعاء عبدن يسال =ياعالم باأحوال كل الخليقه
منك استمد العوون يالله ياعال =واجيب قافي والمعاني دقيقه
جملة مشاعر حركت وادي وسال =تروي معاليق الجذور العميقه
في ليلتن فيها الفرح داخلي جال =وطير السعد رفرف وزان تحليقه
لاياهجوس الشعر وقفاتك جزال =لاجيت والمضمون نجني رحيقه
حبيت ابارك وانت لي غاية وصال =ببيوتن اصفى من الذهب مع عقيقه
تنصى عريبين السلايل وتختال =الطيبين اهل الفعول الطليقه
لعبدالعزيز اللي بنى مجده ونال =نال المكان اللي نواه ويليقه
ماجاب قولة نعم من ضمن الاقوال =ألا بفعلن له شهود ووثيقه
وعزعوز اخوه اللي على اخطاه مازال =الين بان النور وأعلن بريقه
مبروك ياعزعوز ياطيب الفال =يالنادر اللي يفتخر به رفيقه
يامكسبه ياذخره وراس الاموال =يافزعته لامن زمى فيه ضيقه
حطيت لك في وسط الاعماق منزال =لأنك خوي الطيب مدري شقيقه
والطيب جبته ورث من راس رجال =يمناه دايم للمكارم سبيقه
عبيد بن راكب وللطايله طال =عند الجزيله ماش شي يعيقه
من لابتن بالطيب مضرب للامثال =حرب العريبه والاصول العريقه
نعمن ونعم بلابته ساس الابطال =للخل ظل وللمعادي حريقه
حروب روس جبال واتجابه جبال =ماتلتفت صوب الردي واللحيقه
أفعالهم تصدح على مر الاجيال =يفخر بها شاعر يعد الحقيقه
من روس وايل لاأحتمى الموقف وطال =ناقف بصكات الزمان الغليقه
الكل منا بالمهمات مامال =وعدونا من قونا جف ريقه
وكل القبايل له تواريخ وافعال =ومن يجحد الوافين محدن يطيقه
تمت وصلو عد ماهل همال =على الرسول اللي سلكنا طريقه
يالله ياسامع دعاء عبدن يسال =ياعالم باأحوال كل الخليقه
منك استمد العوون يالله ياعال =واجيب قافي والمعاني دقيقه
جملة مشاعر حركت وادي وسال =تروي معاليق الجذور العميقه
في ليلتن فيها الفرح داخلي جال =وطير السعد رفرف وزان تحليقه
لاياهجوس الشعر وقفاتك جزال =لاجيت والمضمون نجني رحيقه
حبيت ابارك وانت لي غاية وصال =ببيوتن اصفى من الذهب مع عقيقه
تنصى عريبين السلايل وتختال =الطيبين اهل الفعول الطليقه
لعبدالعزيز اللي بنى مجده ونال =نال المكان اللي نواه ويليقه
ماجاب قولة نعم من ضمن الاقوال =ألا بفعلن له شهود ووثيقه
وعزعوز اخوه اللي على اخطاه مازال =الين بان النور وأعلن بريقه
مبروك ياعزعوز ياطيب الفال =يالنادر اللي يفتخر به رفيقه
يامكسبه ياذخره وراس الاموال =يافزعته لامن زمى فيه ضيقه
حطيت لك في وسط الاعماق منزال =لأنك خوي الطيب مدري شقيقه
والطيب جبته ورث من راس رجال =يمناه دايم للمكارم سبيقه
عبيد بن راكب وللطايله طال =عند الجزيله ماش شي يعيقه
من لابتن بالطيب مضرب للامثال =حرب العريبه والاصول العريقه
نعمن ونعم بلابته ساس الابطال =للخل ظل وللمعادي حريقه
حروب روس جبال واتجابه جبال =ماتلتفت صوب الردي واللحيقه
أفعالهم تصدح على مر الاجيال =يفخر بها شاعر يعد الحقيقه
من روس وايل لاأحتمى الموقف وطال =ناقف بصكات الزمان الغليقه
الكل منا بالمهمات مامال =وعدونا من قونا جف ريقه
وكل القبايل له تواريخ وافعال =ومن يجحد الوافين محدن يطيقه
تمت وصلو عد ماهل همال =على الرسول اللي سلكنا طريقه