عبدالله حمد الفريدي
19-01-15, 01:27 AM
مشاركة الشاعر والاديب خلف بن محمد بن عتاق الفريد
في حفل الاستاذ خالد المصلح
...
ربيع قبلي هرجة الغانميني=لاجوا مساييرٍ وبالبيت خطار
بيتٍ فريدي وانتم العارفيني=من قول ابن نومان بيطار الاشعار
شيخٍ ينومس لابته كل حيني=لا جاء مجال الطيب وعلوم الاخيار
كنه يعبّر بالكلام الثميني= عن حبنا للضيف وملاطف الجار
يوم السنين عجاف والوقت شيني=ربعي عيال العود وافين الاشبار
واليوم خالدنا عريب الثنيني=اخطاه للعليا سريعات وكبار
يمشي بدرب جدوده الاوليني=وعن خالد المصلح حفظ كل الادوار
يوم انتحو عن دارنا الطيبيني=بين الاجانب شرفونا بالاخبار
من جاور الهيلا لقا الميزتيني=ومن ناسب الاحرار يطلع للاحرار
واليوم يجمعنا ندّي اليديني=ماله مراد الا محبه ومقدار
وده يشيل الكل بالراحتيني=والا يحط الكل في نون الابصار
دايم مقامه يتعب المادحيني=ويغيض سودان النوايا والاشرار
مايقدم الا الطيبه والسميني=والعود سامك والمباهر على النار
وهلا هلا مرسومةٍ بالجبيني= وحلو البشاشه فيه عنوان وشعار
ومن طيب ذاته ليّن الجانبيني=ماحط حفله للمناعير بالدار
قال بضريه ملتقى الوافييني=خلا المسافه من بينهم نصف مشوار
ونيابةٍ عن حرب والحاضريني=نرفع لك البيضا على راس سنجار
ويابو محمد لك من الشاكريني=من بعد شكر اللي عليمٍ بالاسرار
ومنا الشكر موصول للعاضديني=اللي على يمناك واللي على يسار
اشهد رفعتونا على القمتيني=روس الجبال وقمة المجد والكار
وعلى النبي الهاشمي الاميني=صلوا عدد ما مالت غصون الاشجار
في حفل الاستاذ خالد المصلح
...
ربيع قبلي هرجة الغانميني=لاجوا مساييرٍ وبالبيت خطار
بيتٍ فريدي وانتم العارفيني=من قول ابن نومان بيطار الاشعار
شيخٍ ينومس لابته كل حيني=لا جاء مجال الطيب وعلوم الاخيار
كنه يعبّر بالكلام الثميني= عن حبنا للضيف وملاطف الجار
يوم السنين عجاف والوقت شيني=ربعي عيال العود وافين الاشبار
واليوم خالدنا عريب الثنيني=اخطاه للعليا سريعات وكبار
يمشي بدرب جدوده الاوليني=وعن خالد المصلح حفظ كل الادوار
يوم انتحو عن دارنا الطيبيني=بين الاجانب شرفونا بالاخبار
من جاور الهيلا لقا الميزتيني=ومن ناسب الاحرار يطلع للاحرار
واليوم يجمعنا ندّي اليديني=ماله مراد الا محبه ومقدار
وده يشيل الكل بالراحتيني=والا يحط الكل في نون الابصار
دايم مقامه يتعب المادحيني=ويغيض سودان النوايا والاشرار
مايقدم الا الطيبه والسميني=والعود سامك والمباهر على النار
وهلا هلا مرسومةٍ بالجبيني= وحلو البشاشه فيه عنوان وشعار
ومن طيب ذاته ليّن الجانبيني=ماحط حفله للمناعير بالدار
قال بضريه ملتقى الوافييني=خلا المسافه من بينهم نصف مشوار
ونيابةٍ عن حرب والحاضريني=نرفع لك البيضا على راس سنجار
ويابو محمد لك من الشاكريني=من بعد شكر اللي عليمٍ بالاسرار
ومنا الشكر موصول للعاضديني=اللي على يمناك واللي على يسار
اشهد رفعتونا على القمتيني=روس الجبال وقمة المجد والكار
وعلى النبي الهاشمي الاميني=صلوا عدد ما مالت غصون الاشجار