?> Vxr [الأرشيف] - مجالس الفرده
المساعد الشخصي الرقمي

مشاهدة النسخة كاملة : Vxr

فارس الحرف
29-07-07, 03:47 AM
بدون مقدمات القصيده تعبر عن روحهااااااااااااا


ابعدي ياضيقة الصدر عنـي واغربـي=عن محيا سمح لاضاق للمولـى سجـد

لاذكرت الله من الخوف عزّي لركِبـي=كيف اكابر والله الواحد الفـرد الصمـد

لنّي ادري تالي العمر وشهـو مكسبيـ=ياتجـرّع مــر ولا اتـلـذذ بالشّـهـد

ياهجوس الشعر غني بصوتي والعبـي=بين ديرة جابر الخيـر والعاهـل فهـد

للعرب مذهب وانا فالشعر لـي مذهبـي=وكل واحد شيخ روحه نزل ولاّ صعـد

دامني من بحر الاشعار عارف مشربي=سجلونـي للجزالـه وكيـل ٍ معتـمـد

ويش عاد اقول وانـا محـدّد منصبـي=مابقى الا لمحة البـرق لاحـن الرّعـد

راكب اللي لستوى الخط مايدبـي دبـي=منـوة السـواق فالقـار ولاّ فالجـلـد

اسمه ال(vxr) ولاّ عريـب المنسبي=يـوم غيـره لاذكرنـاه تِكمالـة عـدد

جابه الساير يغيض الفطيمي فـي دبـي=كاتـب ٍ فـي دفتـره كافلينـه للابـد

ان نطحته قلـت لبيـه ياوجـه الظبـي=وان قفيته قلـت حـر ٍ يبشّـر بالهـدد

طلتـه طلـة حليمـه وريمـا مكتبـي=ماعلي امن الطبايع علي امـن الجسـد

كن صوت محركاتـه تـردّد ياصبـي=الله اللي عزنـا ويـن وابشـر بالسعـد

صانعه ماقال ضيّعت جِهـدي واتعبـي=لأنّه اصلاً سهم رابـح ومكسـب للبلـد

صانعه ملعون كوثر وكافـر واجنبـي=مايفكّـر فالقبـر والنصايـب واللّحـد

لو اقول انه غبي كيف يصنع ذا غبي؟؟=مااعتقد ان الغبا من صفاتـه مااعتقـد

ان تكلّم جات الاحرف ذليلـه وتحبـي=من كلامه كن عنـده مشاكـل فالغـدد

الوكاد انه تفـوّق علـى كـل أعربـي=لاتعهـد لـك بحاجـه تمسّـك بالعهـد

ولا حنّا والنعم بـس فـي كلمـة ابـي ابي=هذي وابي هذي وابي هـذي بعـد

شغلنا الشاغل لا ذعذع نسيم المغربـي=إلبس عقالك وحافظ على الغتـره هـدد

نفتخر ونقول حنا علـى نهـج النبـي=ونتفاخـر بالقصايـد ولا فينـا جهـد

الولد لامن سألتـه عريـض المنكبـي=قال انا شوق الغناديـر مَنّـور وشهـد

اعـرف mbc فيهـا رزان المغربـي=واعرف اللمبي بطولتك يامحمـد سعـد

ولا سئلت العود غنى ياكنـزي وذهبـي=التجـاره عندنـا فالنعـيـم وفالنّـجـد

ويوم جات قريش تبغي تخون اليثربـي=وين راح العود ولاّ الولد وين الولد؟؟!!

الله اكبر يازمان ٍ سبـى حالـي سبـي=الوعد مدري متى ويـن لكـن الوعـد

كان عمري طال والله لحقّـق مطلبـي=وعقّب اللـي فالشدايـد يمينـه ترتعـد

والهنوف اللي تحاكت وقالت وش تبـي=قلت انا قالت نعم انت وش عندك بعـد

دون مااشعر جات يمناي من فوق اشنبي=وابتسمت وقلت ياجعـل مافيهـا بـرد

ان طفت نار الغلا ماطفت نار حطبـي=والدليل اني باصرح ولا عنـدي فحـد

دامني مرتاح واشوف زول امي وابـي=جعل عيـن ٍماتبينـي يطاولهـا الرّمـد


,,,,,,,,,,,,,,,,,,,,,,,,,,,,,, دمتم بخير
.................................................. ... فارس الحرف.
ابوبندر
29-07-07, 04:23 AM
بارك الله فيك فارس الحرف
وصح لسانك
ابن منيديل
29-07-07, 01:32 PM
فارس الحرف

قصيدة رائعه

لكن من هو الشاعر ؟

دائمآ نريد ان نكتب قائل القصيدة قبل كتابتها لإجل حفظ حقة الادبي

وتوصيف رائع للجيب الفكس آر ولكن اعتقد بإنه اجمل من ريما مكتبي

لك جزيل الشكر
خلف الفريد
29-07-07, 03:27 PM
بسم الله

فارس الحرف
اختيار جزل من صاحب ذوق رائع والقصيده مشهوره

لاهنت وسلمت يمينك
عـايـد الـفـريـدي
29-07-07, 03:35 PM
يعطيك العافية
منصور الوسوس
30-07-07, 12:22 AM
لاذكرت الله من الخوف عزّي لركِبي+++++كيف اكابر والله الواحد الفرد الصمد


بيض الله وجهك فارس الحرف

اختيار رائع وقصيدة جميلة وصوتي مع ابو تركي بضرورة

كتابة اسم الشاعر او التساؤل فقد يعرفه احد الاعضاء .

لك ازكى تحية من محب
فارس الحرف
02-08-07, 05:22 PM
ابو بندر
ابن منيديل
خلف الفريد
عايد الفريدي
منصور الوسوس
اشكر لكم مروركم ومشاعركم الطيبة
تقبلو تحياتي........
................................................. فارس الحرف
الفريدي
02-08-07, 10:56 PM
اخي فارس الحرف

اختياراتك جميله لكن هناك اشكاليه

لماذا لاتنسب القصيدة لصاحبها لك ثلاث قصائد لا تذكر صاحبها

ان كانت لك فحي هلا وان كانت لغيرك فمن باب الحق انسبها له
مشعل الفريدي
02-08-07, 11:45 PM
فارس الحرف بيض الله وجهك
علي الجضعان
03-08-07, 03:16 AM
قصيده رايعه بالفعل بس من صاحبها سؤال يبي اجابه فعلاً
ظاهر
03-08-07, 03:25 PM
http://www.l22l.com/l22l-up-1/f2d6874adf.gif

صح لسانك طال عمرك ..

قصيدة جميلة جداً ..

وأبدعت في الوصف حقيقة ...


|:: ظاهر الفريدي::|