?> خابر انك في غيابي ما تهنى [الأرشيف] - مجالس الفرده

المساعد الشخصي الرقمي

مشاهدة النسخة كاملة : خابر انك في غيابي ما تهنى


عبدالله بن وسيمه
09-03-14, 10:44 AM
لوعة المشتاق وفراق الاحبه
ضيقة صدر الشمالي يوم غنى

هب نود الشوق والتعت بمهبه
من عصوفه ضاق به قلب المعنى

الهوى جرحه عطيب ووين طبه
يا هلا الاخبار ردو العلم عنى

ساعة بالحزن تحرق من مشبه
كل ضلعً من ضلوعي لين جنى

شاعر غاص البحور وكل غبه
ما سلى منها عن البعد المكنى

نكمي الاحزان والخافق لعبه
كل جرحً في ضميره ما تونى

الهوى ماله امورً مستـــتبه
يودع الاحوال كالشخص المسنى

من دلال الشوق فنجاله يصبه
جمرة اركت عليه ايلين ونا

يا عشير الروح هجرك دون سبه
من فراقك ويش صرنا ووين كنا

سراً بقلبي كــنيته للمــحبه
خابر انك في غيابي ما تهنى

عودلي يا جعل تنفاك المســبه
ينتظرك الشوق والشخص المجنى

فزااااع
10-03-14, 01:08 AM
صح السانك وعتلا شااانك قصيدة انسجمت معها بارك اللة فيك

عبدالله بن وسيمه
15-03-14, 02:26 AM
صح الله بدنك اخي فزاع وشرفني مرورك واعجابك يزيدني شرف تقبل تحياتي

عبدالله حمد الفريدي
26-03-14, 01:34 PM
صح لسانك اخوي عبدالله

علي محيميد الفريدي
11-05-14, 08:11 AM
لوعة المشتاق و فراق الاحبه
ضيقة صدر الشمالي لين غنا
والقصيده كلها جزله صح لسانك اخوي عبدالله
تقبل تحياتي

نواف بن هلال
29-05-14, 08:07 AM
صح لسانك ياعبدالله
بارك الله فيك