?> يابوي ودعتك بديع السموات،، اللي بحفظه ماتضيع الوداعه [الأرشيف] - مجالس الفرده
المساعد الشخصي الرقمي

مشاهدة النسخة كاملة : يابوي ودعتك بديع السموات،، اللي بحفظه ماتضيع الوداعه

سعد بن هذيل
23-02-14, 08:24 AM
في يوم الخميس الموافق8/ 3 /1435.
انتقل الى رحمة الله تعالى والدي رحمه الله رحمة واسعه.
واسكنه فسيح جناته
ارجو.ان تكون هاذي المرثية
(( تذكركم بالدعاء له.))
. ﻻتبخلون$$


يوم الخميس سهوم الاحزان بالذات=في قلبي المحزون والهم ﻻعه
داخل فؤادي له صروح و علامات=في خافقي ماينكشف باﻻشاعة
باسبابها جفني عن النوم مابات=والحزن خيم في ضميري شراعه
حر الفراق وزاد بالقلب حسرات=قطع معاليق الحشى في نزاعه
على الفقيد اللي نهج درب الاموات=في ساعة ما تجل العمر ساعه
مانعترض ﻻمر المقادير ﻻجات=ماقدر المولى على العبد طاعه
،،يابوي ودعتك بديع السماوات=اللي بحفظه ماتظيع الوداعه
أكرم من المخلوق جزل الحسانات=يغنيك من فضله بخير البضاعه
.يارب يامولاي يامنزل آيات=تجعل مقره مع نبي الشفاعه
في جنة الفردوس.باعلاء المقامات=وتجعل له الحسنات ترجح بصاعه
مرحوم ياعود السعد والمروات=من طلعته لين ادرك القبر قاعه
ماقالو الكذبه واﻻ نمته جات=وعلى حقوق الجار مامد باعه
ماينقل العوجاء وﻻقيل شمات=وبين اﻻقارب ما سعى بالقطاعه
سمح الجناب ومدهلن للقرابات=ينصى ويافي في حقوق الجماعه
نشاء على الفطره مقيم الصلوات=وحب اﻻقارب في محله أزراعه
يارب ياموﻻي يامنزل ايات=عسى مقره مع نبي ااشفاعه...

اميين
الشاعر
سعد هذيل
فزااااع
23-02-14, 09:21 PM
اللة يجبر عزاك اخى سعد ويرحم والدك رحمتنا واسعة انة هو السميع العليم
عبدالله حمد الفريدي
24-02-14, 09:14 AM
الله يغفر له ويرحمه

مشاعر صادقه ومرثيه جزله والبقاء براسك يابو فهد


صح لسانك ولاهنت. ابشر بالتنسيق طلباتك اوامر طال عمرك
سعد بن هذيل
24-02-14, 04:43 PM
اخواني ..فزااااع.....أبو حمد.....الله يجزاكم خير.ويبارك فيكم.وشكرا على مروركم ودعواتكم