?> خلك على زﻻت ربعك شمالي [الأرشيف] - مجالس الفرده
المساعد الشخصي الرقمي

مشاهدة النسخة كاملة : خلك على زﻻت ربعك شمالي

عوض الفريدي
26-08-13, 02:36 AM
خلك على زلات ربعــــــك شمالي=و خلك على فعــل الجمايل جنوبي
وخلك حبيب الله عزيـــــز الجلالي=رب المشـــارق والفلك و الغروبي
وخلك على طاعــــــة وليك موالي=وخل المعاصي ترى منت مغصوبي
وخلك حريــص على كسب الحلالي=وخلك لزلاتــــــك سريــــع تتوبي
وخلك على الشـــدات صبر الجمالي=الصبر مفتـــــــاح الفرج يامحبوبي
وخلك مــــــــع الخلان منساح بالي=وخلك بشوش للنشامــــى عجوبي
وخلك على جارك حبيــــب و حالي=الجار من ضمن الوصايا محسوبي
وخلك وســــط لاتــدعي بالكمالي=وأترك عيــوب الناس عندك عيوبي
وخلك على كسب النواميس غالي=واحذر شواذيب القفى و الكذوبي
وخلك شمــــوخ للشرف بالعوالي=وارفع جنابك عـن ردي الدروبي
وخلك إليا جاء للسوالف مجالي=سولف سوالف طاهرين الجيوبي
وخلك عـن الزلات تمشي عدالي=وأهرب عن اسباب المشاكل هروبي
وخلك على كسب المراجــــل مثالي=واحرص على العليا وحسن السلوبي
يا الله يامـــــولاي تلطــــف بحالي=يوم القيامــــة والخــرع والكـروبي
وثبــت جوابي عند وقت السؤالي=في حفــرة ظلمى وسكر هبوبي
وفارقت ربعــــي واسرتي والعيالي=ياغافــــــر الزلات تغفر ذنوبي
وصلوا على المعصــــوم أول وتالي=عدد مايفرز الشجـــــــر من حبوبي

____________________
____________________

الشاعر جزاع بن عوده بن طوعان السويدي رحمه الله
عبدالله حمد الفريدي
26-08-13, 11:23 AM
صح لسان الشاعر.

وسلمت اخوي عوض على الاختيار الجزل لاهنت
عوض الفريدي
26-08-13, 12:45 PM
اشكرك على مرورك على موضوعي بيض الله وجهك ﻻهنت