?> قولت نعم ميراث جده وخاله [الأرشيف] - مجالس الفرده

المساعد الشخصي الرقمي

مشاهدة النسخة كاملة : قولت نعم ميراث جده وخاله


ابـن مـطـيـع
15-04-13, 06:47 PM
خلوني استانس مع البر واجول=يفضي به المشحون عما اباله
سج القدم في مهمن تو مسيول=متعاقبن فيه الزهر من جماله
خال(ن) من الاوناس مابه ولا زول=إلازعاجيل القطا في سهاله
بيمنك نشمين على الطيب مجبول=قولت نعم ميراث جده وخاله
اخير من مجلس مساكين وخبول=هتول الرجال اللي تشيل النقاله
مالي ومال مجالسة كل مهبول=شجعان الالسن جاحدين الجماله
البعد عنهم هو دوا كل معلول=لو كان يشري بعدهم من حلاله
ومن لايجيد القول يبعد عن القول=قبل انتقاد الناس يترك مجاله

(حمود محمد الفريدي)

علي الجضعان
15-04-13, 11:03 PM
تسلم على النقل يابوصالح قصيده تستاهل المدح

والأشاده

والشاعر الكبير / حمود بن محمد الفريدي

غني عن التعريف ابوناصر علم من أعلام الشعر

مشعلنا الف شكر على النقل والأضافه

ابـن مـطـيـع
16-04-13, 05:57 AM
بيض الله وجهك يا ابو عمر/ أشكرك بنيابه عن الشاعر
شكراُ على التواجد العطر

نواف بن هلال
17-04-13, 07:04 AM
سلم لنا عليه اذا واجهته وقله صح لسانك مدد بلا عدد في ماكتبت وماستكتب
بيض وجهمك يابن مطيع على نقل الجزيل وجزل الاختياﻻ
لك اجمل تحيه

منصور الوسوس
19-04-13, 02:14 AM
صح لسان الشاعر العلم حمود الفريدي
وسلمت يا مشعل المجالس على النقل
تقبل وافر التقدير

عبدالله حمد الفريدي
19-04-13, 10:51 PM
صح لسان ابو ناصر على القصيده الجزله

وبيض الله وجهك ابو صالح على الاضافه لاهنت ياغالي

علي محيميد الفريدي
26-04-13, 06:13 AM
صح لسان الشاعر المخضرم حمود الفريدي

شكراً لك يابن مطيع على الا ضافه

وحسن الا ختبار