?> قصيده غزليه لشاعر :علي بن عبد الله الطهيمي [الأرشيف] - مجالس الفرده
المساعد الشخصي الرقمي

مشاهدة النسخة كاملة : قصيده غزليه لشاعر :علي بن عبد الله الطهيمي

عبدالله علي الطهيمي
27-07-07, 04:33 PM
بسم الله الرحمن الرحيم

قصيدة للشاعر :علي بن عبد الله الطهيمي

وعذابي منك يازين الوصايف = ذقت من عقب الغلا رمح المطنّي

جرح حبك بالحشا ماهو امسايف =والعيون سهومهن ما يرحمني

والله إني من افراق الشمل خايف = خايفٍ لو صاحبي ماصد عني

دونها ربعٍ يحدّون الرهايف=ويتمنون الخطا مني تمني

شبه وضحاً درهمت مع ذود نايف=تتلي القعده على صوت المغني

ودرهمن مع دربها وضحٍ ولايف =غير وسم الراكبي ما وسمني

وسمهن معروف مع سبع الطوايف =وسمهن وفعول اهلهن يعرفني

شالن المرباع بالحد المحايف =في ديارٍ شعبها شيعي وسني

مع تحيات
الطهيمي
مشعل الفريدي
28-07-07, 12:17 AM
الطهيمي ...صح لسان القائل وسلمت أنامل الناقل ......دمت بود
علي الجضعان
28-07-07, 12:59 AM
دونها ربـعٍ يحـدّون الرهايـف
ويتمنـون الخطـا منـي تمنـي



صح لسانك اباعبدالله قصيده اكثر من رائعه

اتحفنا بالمزيد ......تقبل تحياتي
القسومي
28-07-07, 09:17 AM
الطهيمي
صح لسانك على هذه القصيدة الرائعة .
ومنك الاكثر
مقبل بن نمران
28-07-07, 01:24 PM
الطهيمي

سلمت يمينك على النقل وصح لسانك ولسان الشاعر / علي الطهيمي

غزل جميل عفيف متميز

شكري وتقديري
حمدان الجضعان
28-07-07, 01:41 PM
صح لسانك أبو عبداللة قصيدة أكثر من رائعة شكرآ لك ويعطيك العافية
ابن منيديل
28-07-07, 04:40 PM
صح لسان الشاعر
علي الطهيمي

قصيدتك جميلة وخفيفة وتتسم بالهدوء مع قوة الجزالة

تقبل مروري البسيط
خلف الفريد
30-07-07, 10:49 PM
بسم الله


جرح حبك بالحشا ماهو مسايف=والعيون سهومهن ما يرحمني

الله الله يابو عبد الله جزاله وغزل جميل نظيف بعيد عن المباشره الممله

صح لسانك وشفى الله جرحك !!

وتسلم عبد الله العلي على نقل الجميل والمتميز
تستاهل التنسيق

شكرا
عبدالله علي الطهيمي
03-08-07, 08:26 PM
صحت أبدانكم جميعاً
عبدالله علي الطهيمي
04-08-07, 03:29 AM
هذه القصيد لشاعر /علي عبد الله الطهيمي



وعذابي منك يازين الوصــــــــايف = ذقت من عقب الغلا رمح المطنّي

جرح حبك بالحشا ماهو امسايف =والعيون سهومهن مـــــــا يرحمني

والله إني من افراق الشمل خايف = خايفٍ لو صاحبي ماصـــــد عني

دونها ربعٍ يحدّون الرهـــــــــــــايف=ويتم ون الخطـــــــا مني تمنــــي

شبه وضحاً درهمت مع ذود نايـــف=تتلي القعده على صـــــوت المغني

ودرهمن مع دربها وضحٍ ولايــــف =غير وسم الراكبي ما وســـــــــمني

وسمهن معروف مع سبع الطوايف =وسمهن وفعول اهلهن يعـــــرفني

شالن المرباع بالحد المحـــــــــايف =في ديارٍ شعبها شيعي وســـني





وجاراها الشاعر /عوض ناصر الفريدي

بهذه الأبيات

ياعلي مافادني كثر الحسايف =كد عقبت البيض والبيض اعقبني

لوبلني وضحكن لي بالرهايف=ماعديت اللي بها عشــــرين جني

لاتذكرني بعسلات الشفايــف =بعد تبت من الهـــــــــــوا لاتمتحني

يوم لذات المحبه والطرايــــــف=بالزمان الي مضـــا وين أنت عني

الشباب اليوم مالقيو وضـــايف =وين هنه ماهوهــــــــــــا يم هني