المجال مفتوح [الأرشيف]

نايف بن مياس..

03-04-13, 01:43 AM

مادام سنة محمد تبتدي بالسلام=من واجب اللي سمعها رد تسليمها
الملعبه فن والتقدير والاحترام=شعارها في بدايتها وتختيمها

نواف بن هلال

12-04-13, 06:03 AM

وعليكم السلام ورحمة الله
.
.
.
.
.

نواف بن هلال

12-04-13, 02:33 PM

وين الصفوف

علي الجضعان

13-04-13, 02:02 PM

جاهزين عندك الطاروق يابو وافي

نواف بن هلال

13-04-13, 05:01 PM

من يقتدي في رسول الله خير الآنام = يتبع تحية هل الاسلام ويقيمها
اهلين يانايف المياس بعد السلام= يبقى احترام الاوادم من مفاهيمها

نايف بن مياس..

17-04-13, 10:58 AM

هلا بالجميع توي اشوف رد نواف هلابك ييا ابو وافي

نايف بن مياس..

17-04-13, 11:09 AM

اللي جهل وش فعل عبددالعزيز الامام:هذاك طبق حدود الله ويقيمها
الا انت ماعاد يسجع فيك فرخ الحمام:مانته مضرا ع الهيبات وتريمها

علي الجضعان

17-04-13, 12:15 PM

متابع ---------

نواف بن هلال

17-04-13, 04:36 PM

وبك المهلا يابو ارجوان وبكل المتواجدين اعضاء وزوار....
مجالسنا الغاليه على قلوبنا
الحقيقه انا شفتك متواجد هنا فتوقعت فيه رد ومتابعه ولكن كنت مجبر في الخروج للعمل

كما احب ان اشكر اخي ابو عمر على المتابعه وكل من مر من هنا

نواف بن هلال

17-04-13, 04:51 PM

عبد العزيز البطل كلمة مافيها كلام=على الشريعه حكم نجد وصواريمها
قبل مئة عام لين الامس كلش تمام=تُرسم حدود ارضها وامياه اقاليمها

نايف بن مياس..

18-04-13, 04:32 PM

الله يرد الشمال اللي تسوق الغمام: من شان تستبشر البدوان في غيمها
المشكله بالصغار للي بسن الفطام:ان كان بكره ندمنا يوم تفطيمها

نواف بن هلال

18-04-13, 05:15 PM

اليوم يوم الزخم والزيف والازدحام...اهل المحازم تبرت من محازيمها
كم شيخ قوم طلع ماهو بقد المقام...كانك مكلف على القصه وترهيمها

نايف بن مياس..

18-04-13, 06:26 PM

اليوم نبكي على الاطلال كله كلام : وش عاد تملك يدينا عند تقديمها
الصوت لو ترفعونه ماتقوم النيام :لاكن بكره يجيها الموت في نيمها

نايف بن مياس..

18-04-13, 06:28 PM

الف الف شكر لابو عمر على المتابعه والتشجيع يعلم انا انك وقود

منصور الوسوس

19-04-13, 02:41 AM

صحت السنتكم شعرائنا الكرام
وهكذا نستفيد نحن كمتذوقين للشعر من تواجد الشعراء
دمتم بخير

نتااااابع

نواف بن هلال

19-04-13, 05:46 AM

يانايف انت ابدويٍ مابحلقك عظام=في كل حفله تصير اول معازيمها
ذنبٍ على الاقتصاد وجاهلٍ بانظام=همك تعرف البهايم وين برسيمها

نواف بن هلال

19-04-13, 05:48 AM

ياهلا بك ابو يارا نعتز بهاذا المرور المشرف.....

نايف بن مياس..

19-04-13, 07:19 PM

يبدو لي نك يا ابن نومان فيك انفصام:ضيعت حتى حدودك عند ترسيمها
انا مسكت الرسن وانته مسكت الخطام :ماودي اضغط على العالم وتحطيمها

نواف بن هلال

19-04-13, 11:06 PM

خلك من النرفزه والغيض والانتقام=بالملعبة ..كان ماتجهل تعاليمها
اما تمثل عرب والا تمثل مقام = وعلى الجماهير مبداها وتقييمها

نايف بن مياس..

20-04-13, 05:17 PM

انته حزام وظهر لاكن الد الخصام : مع كل سين ن تسابقني على جيمها
لاكن بعض الصخور السود وقت الضلام : سمعت صجة مصادمها وتلطيمها

نايف بن مياس..

20-04-13, 05:21 PM

اشكر المشرف العام الاخ الاكبر منصور الوسوس ع التشجيع والمتابعه والشكر موصول لابو عمر وجميع من تابع واشكرك يانواف مافيك حيله وعساني قدرت اجاري هامتك الشعريه والختام عندك

نواف بن هلال

21-04-13, 09:33 AM

كل اجوديا" وعينه للشحم بالسنام =لو ماروي من مواخرها واقاديمها

الف شكر على المتابعه والتواجد اعضاء وزوار مجالسنا الغاليه وبيض الله وجهك يابو ارجوان حركت الجمود والملل هنا
بارك الله فيك

عبدالله بن راشد

21-04-13, 10:21 AM

الله يعطيكم العافيه
.
أمتعتونا

عبدالله حمد الفريدي

21-04-13, 10:34 PM

الله يعطيكم العافيه ابدعتم ونحن استمتعنا

نايف بن مياس..

21-04-13, 11:56 PM

الله يعطيكم العافيه
.
أمتعتونا

الله يعافيك ويمتعك بالعافيه

نايف بن مياس..

22-04-13, 12:04 AM

الله يعطيكم العافيه ابدعتم ونحن استمتعنا

الله يعافيك شرفني مرورك