حـــــرب [الأرشيف] - مجالس الفرده

ابـن مـطـيـع

17-03-13, 04:25 PM

حــــــــــرب
قصيدة مدح في حرب قصيده الشاعر (محمد الربيق )
وصلتني على الجوال من الشاعر القدير رشيد الفريدي
حرب كلمه ولو هي من ثلاثه حروف =بس تعطي عن الامجاد علم وخبر
الهنادي دلايلها وحدب السيوف =والاماكن تعلم عن علوم الظفر
في نهار نعده للجميع معروف =ماعلينا بحضرة زيد والاعمر
فعل يرضي ليا عدوه كل الشفوف=ورايه في مقادمها يلوح النصر
وحرب تعرف مواقفها بكل الضروف=كلما تكبر القاله سهمها كبر
فيه ثنتين مانبغى خبرها يطوف=لين تاخذ منها جميع الناس منها عبر
من مزايا رجال تستحق الوقوف =وسوقه الطيب مع فنجال دله بكر
يوم جات الحمايا والتحام الصفوف=من زهمناه يمسينا وصلنا عصر
ماشكا من يشاهد جمعكم بالالوف=لاهزيمة رجال ولاهزيمة دهر
وكل فعل مايسند للدليل محذوف =مدته كان طول في مكانه شهر
والمكارم عليها من المعادين خوف=واجد اللي ليا سولف بهرجه طمر
بس طمر السوالف غير طمر الجروف =ان تركته تطاول وان صفقته ذكر
جعل شمس تغطي مجدكم للكسوف =وجعل نجم يطاول عزكم ماظهر
وكل فعل مهو للمجد مهو مخلوف =والفعايل تفرق بين بيض وسمر
يوخذ العرف من راس الحكيم العروف =والليالي تراها بين كسر وجبر
ومن عطاه الولي حكمه وعين تشوف=يعرف ان العلا تحتاج عزم وصبر
الشاعر / محمد بدر بن هنود الربيق

عبدالله حمد الفريدي

22-03-13, 01:39 AM

وحـرب تـعـرف مواقفـهـا بـكـل الـضـروف = كـلــمــا تـكــبــر الـقــالــه سـهـمـهــا كــبـــر

المصدر : حـــــرب - مجالس الفرده (http://www.alfredah.net/forum/threads/alfredah39358/#ixzz2ODUMnHIF) http://www.alfredah.net/forum/threads/alfredah39358/#ixzz2ODUMnHIF

صح لسان الشاعر محمد بن ربيق

وسلمت ابو صالح على الاضافه الجزله لاهنت ياغالي