ذعذاع الشمال
13-02-13, 04:48 PM
الشامري عدا على راس مرجود = عسر مذبه هالني يوم همته
يوم اعتليته قام يومي بي النود = حتى شماغي يالله اني لزمته
وكبرت من يرجع له الامر ويعود = علام مايخفى علي ماعلمته
وجلست ادير افكار والشوف مجرود = وما طاب من زين المثايل نظمته
مثايلن جتني تفاريد وضمود = ماينكسر طاروقها لا رسمته
اتعب واصونه لايجي فيه منقود = ومن شان يعرف بالوسيمه وسمته
هيضت شي وشي لازال مرصود = وخاف اتاثر وانفجر لو كتمته
خففت ما فالنفس والسر ملحود = فاقصى الحشى تحت الحنايا ردمته
اخاف لا يدري بها كل مقرود = اللي على الاجواد غيضه وشمته
جاني طرف علمن موجه ومقصود = وبدد حقايق حلمي اللي حلمته
واللاش لو تبذل معه كل مجهود = ينكر وفاك ووقفتك لاخدمته
وافهم ترى حجمه مع الناس محدود = وليا عطيته فوق حجمه ظلمته
بعض البشر ماله مواثيق وعهود = ومهما تضاهر بالوفاء ماهضمته
والا السنافي تفتخر فيه وتزود = وليا بذلت الطيب عنده حكمته
وليا بغيته فالمواجيب ماجود = مايعتذر عن حاجتي لا زهمته
هذا الذي عرفه وشرواه محمود = وهذا مناي ورغبتي لا عدمته
وعندي على قدره مواثيق وشهود = ومن حشمته من يتصل به حشمته
وليا دريت انه من القل مضهود = اللي معي بيني وبينه قسمته
راجح الشــــــــــــامري العجمــــــــــي ..
يوم اعتليته قام يومي بي النود = حتى شماغي يالله اني لزمته
وكبرت من يرجع له الامر ويعود = علام مايخفى علي ماعلمته
وجلست ادير افكار والشوف مجرود = وما طاب من زين المثايل نظمته
مثايلن جتني تفاريد وضمود = ماينكسر طاروقها لا رسمته
اتعب واصونه لايجي فيه منقود = ومن شان يعرف بالوسيمه وسمته
هيضت شي وشي لازال مرصود = وخاف اتاثر وانفجر لو كتمته
خففت ما فالنفس والسر ملحود = فاقصى الحشى تحت الحنايا ردمته
اخاف لا يدري بها كل مقرود = اللي على الاجواد غيضه وشمته
جاني طرف علمن موجه ومقصود = وبدد حقايق حلمي اللي حلمته
واللاش لو تبذل معه كل مجهود = ينكر وفاك ووقفتك لاخدمته
وافهم ترى حجمه مع الناس محدود = وليا عطيته فوق حجمه ظلمته
بعض البشر ماله مواثيق وعهود = ومهما تضاهر بالوفاء ماهضمته
والا السنافي تفتخر فيه وتزود = وليا بذلت الطيب عنده حكمته
وليا بغيته فالمواجيب ماجود = مايعتذر عن حاجتي لا زهمته
هذا الذي عرفه وشرواه محمود = وهذا مناي ورغبتي لا عدمته
وعندي على قدره مواثيق وشهود = ومن حشمته من يتصل به حشمته
وليا دريت انه من القل مضهود = اللي معي بيني وبينه قسمته
راجح الشــــــــــــامري العجمــــــــــي ..