?> ( البارحه دكت علي الهوآجيس )  [الأرشيف] - مجالس الفرده
المساعد الشخصي الرقمي

مشاهدة النسخة كاملة : ( البارحه دكت علي الهوآجيس ) 

أبو مهند العفري
22-09-12, 09:47 PM
( البارحه دكت علي الهوآجيس )






البارحه دكت علي الهوآجيس=خافي كنيني ما املكه عقب ما بان
بالحبر الأسود فوق بيض القرآطيس=ترجمت بعض احسآس من بات سهرآن
ماسهرت عيني بفقد من يعشقه قيس=ولأني على زين التماثيل طربآن
يآرآكب الي ماركبوه المفآليس=ما يركبه يآكود من يدفع اثمان
من مصنعه ممنوح هيبه وترييس=مصنوع بامريكا ماهو صنع يآبان
قم يا نديبي فوق حام الكناديس=جمس جديد(ن) لنج ماهو بخربآن
أحمر يوكن ما اشبهه كود بالعيس=النآدرآت إلي ورآ سآحل عمان
وجهتك لديآر الوفا والنواميس=فيها بني عم(ن) وخال(ن) وخلان
وليا وصلت احمل صدوق الاحآسيس=ملفاك بيت الوايلي ابو دعسان
تلقى الدلال مبهره من طرف كيس=بريت(ن) وبجمبهآ حب خولان
تلقى الرجال محرقين المحاميس=مقدمه للضيف حيل(ن) وخرفان
أولاد وائل يوم الآريآق يبييس=في يوم دورآت الرحى شآنهم شآن
الوايلي لو ينطحنه كراديس=قلبه صميدع يوم روعات الاذهآن
بالسلم هامات(ن) وبالحرب فريس=ولاخير في علم(ن) على غير برهآن
مدحي لهم مافيه كذب(ن) وتدليس=الرجل يفخر بفعل خاله اليآ بان
قلته وأنا من لابت(ن) كالمتآريس=حرب الحرآيب وان على الجو دخآن
وإزكا سلام(ن) مع هبوب النسآنيس=أعداد ما غنى القميري على الزان
وإعداد ما رفعت يدين المحابيس=لك بالدعى يالله في سجن سجان
على الرسول الهآشمي قآهر إبليس=شفيعنا يوم الحشر نسل عدنان



الشآعر / تركي قبلان الفريدي
خيال
22-09-12, 10:18 PM
تسلم على هذا الاختيار الرائع وانت اروع ,,,
عبدالله حمد الفريدي
22-09-12, 10:36 PM
صح لسان الشاعر
تركي قبلان الفريدي
وسلمت على الاضافه الجزله لاهنت
عبدالعزيز العبلان
23-09-12, 09:53 PM
صح لسان الشاعر تركي بن قبلان الفريدي

ويعطيك العافيه يابو مهند على النقل

تحيتي لك
علي محيميد الفريدي
23-09-12, 10:29 PM
صح لسان الشاعر تركي قبلان

شكراً ابومهند على الاضافه
فهد الطميشاء
29-09-12, 09:33 PM
نقل موفق جداً .. وقصيدة رائعة

كل الشكر لك أبو مهند وصح لسان المبدع تركي

سلمت
أبو مهند العفري
30-09-12, 01:29 AM
صحت أبدانكم بالنيابةالله يحفظكم ويسعدكم


تحياتي وأشواقي لكم أيها الأحباب