?> (((( خلك مع اهل الخير تلقى البشـــــاااااااااير )))) [الأرشيف] - مجالس الفرده
المساعد الشخصي الرقمي

مشاهدة النسخة كاملة : (((( خلك مع اهل الخير تلقى البشـــــاااااااااير ))))

هابس العلوي
17-09-12, 03:04 PM
تحيه وتقدير للجميع
والجديد امل ان ينال استحسانكم وذائقتكم الشعريه
================

ياناس ياللي تشــــــربون الزقايــــر = دخانها منحوس ماهــو بناموس
اضرار بالصـــحه وتحــــــرق ضماير = وزود ٍ على ذلك خسارات بفلوس
لاتعترض لامــراض وايضا خســــايـر = واسنانك البيضا يجي وسطها سوس
وتحرق ثيابك جمرها بالشــرايـــر = وتبوسها وتدوسها بالقدم دوس
وش فــايدة دخانها لا تطـــــــايــــر =من صار بالموقف من الحظ منحوس
ونوب ٍ تجيب الضغط والدم فايـــــر =وكد نوهوا عنها من الخبث مدسوس
ورسولنا وصى بزيــن البرايـــــر = جليسك الصالح هدايات ودروس
اما جليس السوء تاتي مرايـــــر= اما تجيك النار او تطمن الروس
خلك مع اهل الخيرتلقى البشاير = الصالحين اللي بهم دين مغروس
وختامها هجوا عن اهل الزقايــــر = ترى الزقاير شـر ماهي بناموس
عيسى ابن احمير
17-09-12, 04:31 PM
صح لسانك وقصيده جزله

ونصيحه على طريقه رائعه

اسأل الله ان يحمينا من هذا المرض ويحمي جميع المسلمين

لاهنت ولاتحرمنا من جديدك
فهد الطميشاء
17-09-12, 08:54 PM
خلك مع اهل الخيرتلقى البشاير $$$$ الصالحين اللي بهم دين مغروس

صح لسانك .. وما اجمل النصائح اذا ارتسمت بأبيات من الشعر ..

فهي أحد أنواع الدعوة إلى الله سبحانه ..

كل الشكر لك أبو عبدالله عودتنا على الابداع .. لا هنت
منصور الوسوس
17-09-12, 11:45 PM
وختامها هجوا عن اهل الزقايــــر $$$$ ترى الزقاير شـر ماهي بناموس

صح لسانك ابا عبدالله
هكذا الشاعر عندما يؤدي رسالته نحو المجتمع
بذكر مثل تلك النصائح الثمينة
شكرا لك لاعدمنا تواجدك الراقي واضافتك الجميلة
تقبل خالص التقدير
علي الجضعان
18-09-12, 12:38 AM
صح لسانك يابوعبدالله

قصيده أجتماعيه تعالج آافه خطيره على المجتمع

الف شكر على الاضافه

ومن ناحية التنسيق فيه أشكاليه مؤقته اباعبدالله
ابـن مـطـيـع
18-09-12, 03:10 AM
صح الله السانك .نصحية جميلة من شاعر حريص على توصيل رسالتة الى كل مدخن
أشكرك مرة اخرى قصيدة تستحق الاقتباس جميعاُ
تقبل مرروي يبو عبد الله
عبدالله حمد الفريدي
18-09-12, 09:25 AM
ابو عبدالله
صح لسانك مليون
قصيده جزله من شاعرٍ جزل عودنا على الابداع
نفع الله بها ودام لنا ابداعك لاهنت
خلف الفريد
18-09-12, 01:37 PM
قصيدة رائعة بمعانيها واهدافها السامية
وهي داعية الى مكارم الاخلاق ومجالسة الصالحين
والتدخين ابتلاء يرفعه الدعاء والخوف والعزيمة
صح لسانك ابو عبد الله على رائعتك
وشكرا لك على الاضافة الجميله كما تعودنا منك
لاعدمتك
سعد بن هذيل
18-09-12, 03:29 PM
لاتـعـتـرض لامـــراض وايـضــا خـسـايـر

احسنت
وصح الله السانك
نصيحه تشكر عيلها
وانشالله توجر عليها
تحياتي
علي محيميد الفريدي
18-09-12, 07:10 PM
اخوي هابس صح لسانك

نصيحه اجتماعيه تناقش موضوع ابتلابه

اكثر الناس الله يكفينا شره وخونا المسلمين

الله لايهينك
الجديد
18-09-12, 10:51 PM
اخونا ابوعبدالله نصيحه متراميت الأطراف . صح لسانك مليون تقبل تحياتي
هابس العلوي
19-09-12, 02:54 AM
صحت ابداانكم واشكر كل من مر على متصفحي وهدفنا وسعينا اختيار الاجمل والافود
اللذي يليق بمستوى منتدانا الغالي لاعدمناكم جميعا وكذلك الشكر موووصول
لاخي أبن مطيع :140::140::140::140:
على الجهود اللامحدوده والتنسيق تحياتي لكم .....
مبارك بن ناصر بن حديد
20-09-12, 11:08 PM
الاخ/ هابس العلوي


صح لسانك على هذه القصيدة الجميلة

في نضمها وطرحها المفيد




لك مني تحياتي وتقديري
هابس العلوي
23-09-12, 04:01 AM
اخي الغالي الشاعر مبارك
مرورك شرف كبير وصح بدنك تحياتي وتقديري لشخصك الكريم ,,,,,,,,