?> رسالة محب .... [الأرشيف] - مجالس الفرده
المساعد الشخصي الرقمي

مشاهدة النسخة كاملة : رسالة محب ....

خلف الفريد
30-08-12, 05:24 PM
بعد زواج الابن عبد العزيز جائتني هذه الرسالة الغاليه من الاخ والزميل
الغالي المقدم/ ياسر بن صالح السحيباني مدير جوازات منفذ الخفجي :



الى العود العزيز:
من ديرة الخفجي ازفّ التباريك=وارج السموحه ياكريم السبالي
عزالله اني كنت جازم وناويك=والنيه النيه اجيكم بحالي
ياصاحبي ماحدنا بعد اراضيك=تدري بعذري ما لذكره مجالي
لو جاك ذودي في ربوعك مباريك=ما اوفيك حقك لا بالاول وتالي
عزالله انك وافي في مماشيك=وتدري بقدرك عندنا وانت غالي
الله يبارك له ويبارك مساعيك=وبحسابكم مدّيت من حر مالي
واسلم وسلم ياخلف جيت راجيك=ابيك تغفر زلتي وانت غالي
00000000



وهذا ردي :
الله يبارك في جنابك ويحييك=ويسعد ايامك هو عزيز الجلالي
ياللي على بيض الفعايل مباديك=ورثتهن عن عم وامجاد خالي
انته يابو علياء شموخك معلـّيك=لا عدّوا اصحاب الفخر والمعالي
الشك زايل والوفا عادة فيك=ومجرّبٍ بالطيب اول وتالي
وتبا الحقيقه صعب من هو يجاريك=ولا اقول شيٍّ ما اعرفوه الرجالي
ندري عن المانع عساالله يبقّيك=ذخر لنا في مقبلات الليالي
ومعونتك وصلت عسى الرب يغنيك=ويمـدّ في يمناك ياراسمالي
00000
ابـن مـطـيـع
30-08-12, 05:56 PM
صح الله السان ياسر بن صالح السحيباني
وصح بدنك على الرد الجزل والشاعرية العاليه
وعلى ماقال الاوليين( الاعتذار دية الكرام )
وانت كــــريم وتستاهل من يلبي طلبك وتستاهل الاعتذرا اذا لم تسمح الضروف
دائماً نجد من الاحبه في قصائدهم الشكر وتقدير المقامك الكريم
ادام الله المحبه بينكم
وشكر على الاضافة الجميلة ياعندليب المجالس.
F1
30-08-12, 07:37 PM
صح لسانك الشاعر المقدم/ ياسر

صح لسانك يابو عبدالعزيز

هو راعي وفا وانت راعي كرم
نواف بن هلال
30-08-12, 07:38 PM
صح لسان ياسر السحيباني ولسانك يابو عبد العزيز
تستاهل كل خير ياعودنا الفاضل
احترامي
منصور الوسوس
30-08-12, 08:00 PM
صح لسان السحيباني
وسلمت لنا ذخراً وفخراً أبا عبدالعزيز
دمت بالوجود ونشكرك على تلك الاضافات الجميلة
التي نحن بإنتظار المزيد منها
تقبل وافر التقدير
عبدالله حمد الفريدي
30-08-12, 10:39 PM
صح لسان المقدم الشاعر
ياسر صالح السحيباني وفى وكفى
وهذي عادات الطيبين الاوفياء وصح لسانك
يابوعبدالعزيز تستاهل الطيب ياطيب عاداتك العلم الغانم
شكراً مليون لاعدمناك
فهد الطميشاء
31-08-12, 12:22 AM
صح لسانك يا أبو عبدالعزيز ولسان المقدم / ياسر السحيباني

قصائد جزلة تشكرون عليها .. وننتظر دائماً جديدكم ..

كل الشكر والتقدير
الجديد
31-08-12, 03:47 PM
أبوعبدالعزيز عندليب المجالس تستاهل الحضور و المشاركه .
و صح لسان الشاعر المقدم/ياسر صالح السحيباني . الذي فتح لنا مجال العذر .


يابوعزيز عذرنا اليوم ناصيك=و عذر الفتى مقبول عند الرجالي

فتح لنا منفذ عذر يوم اناديك=ياسر ولد صالح كريم السبالي

و النعم بالممدوح و اللي قصد فيك=وقدرك كبير(ن)فوق روس الجبالي

ماغبت من قصدي على شان ماعطيك=لاوالذي فوق السموات عالي

عنده خبر نواف يوم أتصل فيك=.خارج حدود المملكه يم مالي

وأسلم سلمت ولا يجي فيه تشكيك.=يالصاحب اللي عندنا دوم غالي


مع تحيات الجديد ..
هابس العلوي
31-08-12, 04:46 PM
صحت السن الشعراء جميعا بماقدموه لمشاركة زواج ابنك اخي ابا عبدالعزيز
وتستاهل كل خير والله يوفقه بحياته الزوجيه والعمليه تقبل مروري وشعوري تحياتي
خلف الفريد
31-08-12, 10:54 PM
ايها القامات العاليه
ايها القلوب البيضاء الصافيه
مررت على كلماتكم وقرأتها حرفا حرفا فوجدت صدق المشاعر وصفاء الود
وكبير الثقة وعمق المحبه
كنتم ولا زلتم لي النور الذي يضيء مشاركاتي ويعطر كلماتي
شكرا لكم مدد بلا عدد
سلمتم لي دوما وابدا
لاعدمتكم
خلف الفريد
01-09-12, 12:10 AM
أبوعبدالعزيز عندليب المجالس تستاهل الحضور و المشاركه .


و صح لسان الشاعر المقدم/ياسر صالح السحيباني . الذي فتح لنا مجال العذر .


يابوعزيز عذرنا اليوم ناصيك=و عذر الفتى مقبول عند الرجالي

فتح لنا منفذ عذر يوم اناديك=ياسر ولد صالح كريم السبالي

و النعم بالممدوح و اللي قصد فيك=وقدرك كبير(ن)فوق روس الجبالي

ماغبت من قصدي على شان ماعطيك=لاوالذي فوق السموات عالي

عنده خبر نواف يوم أتصل فيك=.خارج حدود المملكه يم مالي

وأسلم سلمت ولا يجي فيه تشكيك.=يالصاحب اللي عندنا دوم غالي


مع تحيات الجديد ..





نصيتني وانا الذي كنت حاسيك=بعشرة ابياتٍ بالوفا والكمالي
بنيتهن على معاني وتكتيك=وابرمتهن ابرام رشي المحالي
لكن معانيهن حروفٍ تسلّيك=يامعرّبٍ مافيه شيٍّ يقالي
انته يابو فايز لنا غالي الشيك=مصدّقٍ من عند بنك المعالي
صحيح عشنا ليلةٍ في حراويك=وكنا نتمنى شوف قرم العيالي
والعذر من الطيّب ليا صار يغليك=مثل العسل طعمه على الكبد حالي
الجديد
02-09-12, 11:56 PM
نصيتني وانا الذي كنت حاسيك=بعشرة ابياتٍ بالوفا والكمالي
بنيتهن على معاني وتكتيك=وابرمتهن ابرام رشي المحالي
لكن معانيهن حروفٍ تسلّيك=يامعرّبٍ مافيه شيٍّ يقالي
انته يابو فايز لنا غالي الشيك=مصدّقٍ من عند بنك المعالي
صحيح عشنا ليلةٍ في حراويك=وكنا نتمنى شوف قرم العيالي
والعذر من الطيّب ليا صار يغليك=مثل العسل طعمه على الكبد حالي


عندليب المجالس أبوعبدالعزيز
صح لسانك مليون و المسامح كريم
علي محيميد الفريدي
03-09-12, 09:51 PM
صح لسانك ولسان المقدم ياسر السحيباني

ومن إعتذر عن القصور ماقصر بيض الله وجهك ووجهه

شكراً على الاضافه يابو عبد العزيز
خلف الفريد
05-09-12, 02:20 PM
ووجهك ابيض يابو محيميد
صح بدنك وسلمت مشاعرك الطيبه
اشكرك جزيل الشكر
لاعدمتك