?> من جديد ابن محماس [الأرشيف] - مجالس الفرده
المساعد الشخصي الرقمي

مشاهدة النسخة كاملة : من جديد ابن محماس

خلف الفريد
27-08-12, 07:38 PM
جائتني هذه الرسالة الرائعه :


يالله يا منزّل تبارك والانفال=ياناصر الاسلام والمسلميني
ياعالمٍ بالحال في كل الاحوال=فيك التجي ياخالقي واستعيني
عفوك لو ذنوب البشر تازن جبال=من يشمله يكتب مع الغانميني
نسألك يارب الملا خوف واذلال=تلطف بنا وانت ارحم الراحميني
وتجعل لنا في جنة الخلد منزال=مع النبي واصحابه الاكرميني
انت العليم بغيب تصريف الآجال=بامرك تميت وتحيي الميتيني
واشملني بعفوك اليا قيل رحال=واجمعني بجنتك مع والديني
انا ادري ان العمر مادام لو طال=واللي خذا شيبانّا مقتفيني
لابد من يومٍ على القبر نزال=لو بالحياة اتجاور الفرقديني
ماينفعك منصب ولا كثرة اموال=ينفعك مجلاسك مع الطيبيني
اللي مجالسهم بها شرحة البال=كسابة النوماس دنيا وديني
تلقا بها عن كثرة القيل والقال=ذكر الأله وخاتم المرسليني
واختامها بيتٍ قديمٍ ولازال=معناه من درّ الجواهر ثميني
(والله مدري ويش يرمي به الفال=والموت ماني ضامنه لايجيني)
وصلاة ربي عد ماهل همال=على الامين وقدوة المهتديني
0000000


صالح بن محماس الفريدي
غازى بن عجاب أبوزوايد
27-08-12, 07:58 PM
عندليب المجالس
خلف بن عتاق الفريد
صح لسان الشاعر صالح بن محماس الفريدي
وكل الشكر لك على النقل والنشر الجزل
تحيتي
ابـن مـطـيـع
27-08-12, 08:58 PM
واخـتـامــهــا بـــيــــتٍ قـــديــــمٍ ولازال =مـعـنـاه مــــن درّ الـجـواهــر ثـمـيـنـي
(والله مـدري ويـش يـرمـي بــه الـفـال=والـمــوت مـانــي ضـامـنـه لايجـيـنـي)

صح الله السان شاعرها قصيدة جزله 
وصح بدنك عندليب المجالس ومراقب بيت القصيد 
على هذه الاضافه الرائعه والجزله 

تقبل مروري ممزوج بأجمل الاحترام والتقدير 
الشخصك القدير. 
عبدالله حمد الفريدي
28-08-12, 01:59 AM
صح لسان الشاعر صالح بن محماس
وسلمت يابو عبدالعزيز على الاضافه لاهنت
خلف الفريد
29-08-12, 04:36 PM
الاجلاء
ابو فيصل
ابو صالح
ابو حمد
شكرا للمرور وطيب الشعور
طبتم وطابت كلماتكم
تحياتي
عبدالعزيز العبلان
30-08-12, 12:08 PM
صح لسان صالح الفريدي

وسلمت ودمت يابو عبدالعزيز

على نقل الجزله

تحيتي وتقديري لك
هابس العلوي
31-08-12, 04:04 PM
صح لسان شاعرها ابو تركي وسلم بناان ناااشرها ابو عبدالعزيز
وقصيد بمفرداتها جزله ومن شاعر جزل يختار الجزاله .. تحياتي وتقديري
خلف الفريد
31-08-12, 10:58 PM
الاحبة
ابو مهره
ابو عبد الله

شكرا على المرور وطيب الشعور
صحت ابدانكم وارواحكم
لاعدمتكم