?> من ألغاز / الشاعر رشيد محمد الفريدي [الأرشيف] - مجالس الفرده
المساعد الشخصي الرقمي

مشاهدة النسخة كاملة : من ألغاز / الشاعر رشيد محمد الفريدي

عبدالله حمد الفريدي
16-07-12, 06:54 PM
يا اهل الذكاء علموني منهو السارق=اللي سرق سرقته وانتم تشوفونه
الناس عنده سوا مابينهم فارق=والمشكله كل هالعالم يهابونه
جانا من الغرب مدري من جبل طارق=واليا مشى عادته يمشي على هونه
عبدالله بن راشد
16-07-12, 07:21 PM
مشكور يابو حمد على عرض هذا اللغز هنا ؛ والحل والله أعلم إنه شركات اﻹتصالات.
عبدالله حمد الفريدي
16-07-12, 08:30 PM
شكراً ابو راشد على المداخله
ولالك لوا
عاشق البر
17-07-12, 12:11 AM
مشكور يابو حمد على طرح هذا اللغـــــــــــــــــــــ ــــز وش رايك ماهو القمر الصناعي (عرب سات) :084::073:
عبدالله حمد الفريدي
17-07-12, 12:40 AM
حياك الله ياعاشق البر
مالك لوا
نواف بن هلال
17-07-12, 11:21 AM
ابو حمد ماهو الانتنا حق الواير لس <<<<اما عاد لو اقولها عند الشيبان بروح فيها
وش رايك واير لس الفا الحرامي يسمونه
ابو الرجال
17-07-12, 03:37 PM
ابو حمد والله اني ااكد ان مافيه احد يسرقنا وحنا نشوف
غير الوقت
يعني العمر يمشي بهوينه
ويأخذ كل الحيل ويسرق
الصحة
يعني باختصار
الوقت أو العمر
مشكور ابو حمد
عبدالله حمد الفريدي
17-07-12, 04:57 PM
الشاعر نواف هلال
الرائع ابو الرجال

مالكم لواء
بس تبون الصراحه رميكم رائع جداً
خطيرين واكيد راح تحلونه شكراً لكم
نواف بن هلال
18-07-12, 06:11 AM
ايابو حمد جبت لغزاً به ذكى خارق=صعباً ولو كل خلق الله يعرفونه
ينساه منهو بجنة دنيته غارق=الموت وشلون خلق الله ينسونه

اعتقد انه الموت يابو حمد عساه مايجيك والله يحسن خاتمتنا اذا جانا
عبدالله حمد الفريدي
18-07-12, 06:24 AM
صح لسانك يابوافي ولالك لوا
طلال الحمـاد
18-07-12, 06:31 AM
مشكور على اللغز
وجوابي مع نواف
نواف بن هلال
18-07-12, 05:33 PM
اخوي طلال يقول ابو حمد مالنا عميد قصدي لوا
يمكن النوم وش رايك
عبدالله حمد الفريدي
18-07-12, 06:04 PM
ابوافي انت خطير خطير
ولالك لوا
عبدالله بن راشد
18-07-12, 06:56 PM
قد يكون الظلام
عبدالله حمد الفريدي
18-07-12, 07:40 PM
ابو راشد مالك مالك لواء
طلال الحمـاد
19-07-12, 08:22 AM
سلم لي يانواف على ابوحمد
وقله طلال يقول ماهي الثوره(الديرقراطيه)
نواف بن هلال
19-07-12, 08:29 AM
هه ......الدي.... الديمقراطيه ؟
والله الظاهر انك جبتها...نرجع للغز
نواف بن هلال
19-07-12, 08:32 AM
لا لا الدعوا فيها سرق ما أتوقع الا وش رايك
التبرع بالدم او التحليل
نواف بن هلال
19-07-12, 08:45 AM
الباقي عندك ياطلال
انا قلتها ثلاث مرات وهاذي الرابعه واللغز يقولن العرب مثل النيشان(الشّاره)لك ثلاث طلقات ذبحونا فيها وحنا اصغار اذا جاي يوم العيد
يحطون نيشان ويقلون لك ثلاث طلقات وحنا اخر ناس يرمون ههههه
المرات الجايه عندك يابعد راسي
عبدالله حمد الفريدي
19-07-12, 01:45 PM
طلال الحماد ........... مالك لوا

نواف هلال ............ وصلت مابقي الا هو:098:
شكراً لكم
نواف بن هلال
19-07-12, 08:11 PM
ابو حمد انا خلاص استخدمت الفرص كلها بحل اللغز
لكن يسلم عليك طلال الحماد ويقول البنج ,والا المرض
اما انا لو عندي فرصه كان قلت ساهر
عبدالله حمد الفريدي
20-07-12, 01:36 AM
وافي يابو وافي لاهنت بيض الله وجهك
اثريت الموضوع بمداخلاتك الرائعه

وسلملي على ابن حماد وقله صح لسانك (البنج)
شكراً للجميع
طلال الحمـاد
20-07-12, 02:33 AM
كفو يانواف والله إنك لها
وإستمتعنا بـ اللغز
وياليت ابو حمد يدور لنا واحد غيرهـ
مشكوريابو حمد على اللغز
عبدالله حمد الفريدي
21-07-12, 01:37 AM
كفو يانواف والله إنك لها
وإستمتعنا بـ اللغز
وياليت ابو حمد يدور لنا واحد غيرهـ
مشكوريابو حمد على اللغز

تامرون بس نبي لغز من ابوافي
وبيض الله وجيهكم على تفاعلكم
فزااااع
21-07-12, 02:47 AM
السلام عليكم وكل عام وانتم بخير
عبدالله حمد الفريدي
21-07-12, 02:51 AM
السلام عليكم وكل عام وانتم بخير
وعليكم السلام ورحمة الله وبركاته عطنا لغز يابو ريان
فهد الطميشاء
24-07-12, 07:56 AM
وافي يابو وافي لاهنت بيض الله وجهك
اثريت الموضوع بمداخلاتك الرائعه

وسلملي على ابن حماد وقله صح لسانك (البنج)
شكراً للجميع


ما شاء الله عليك يا ابو وافي ..

وصراحة اللغز خطير جداً ..

تسلم يا ابو حمد .. فقد امتعتنا