?> بس أعرف كـل وجـه ولـه شبيـه [الأرشيف] - مجالس الفرده
المساعد الشخصي الرقمي

مشاهدة النسخة كاملة : بس أعرف كـل وجـه ولـه شبيـه

عبدالله حمد الفريدي
25-06-12, 11:13 PM
أعترف أنـي قبـل جرحـي .* نبيـه=أثرنـي هاضـم حقـوق الأغبيـا .!
كـل جـرح يخلـي العاقـل يتـيـه=وأغبيـا هالوقـت هـم الأنقـيـا .!
أنت طيّـب؟ صيـر طيّـب ماعليـه=خل قلبك لإحتضر طيبـه .* حيـا .!
بس أعرف كـل وجـه ولـه شبيـه=والوفـا سبّـه جـروح الأوفيـا .!
يا سنيني كـل مـا جانـي .* عطيـه=مـن جروحـي موعظـه للأتقيـا .!
كان يامـا كـان فيـه وكـان فيـه=أظلمت دنياي .* من نفس الضيـا .!
أحترانـي عنـد موعـدنـا أجـيـه=وجيت بآخر موعد بــ نفس الحيـا .!
كنت أحس ب شيء من لمسـة يديـه=شيء بارد يشبـه أحسـاس النيـا .!
كنت أحسّه مو معي .* مدري شفيـه=وأسترد الأمـس بـــ عيـون أبريـا .!
وشال فرحي وقال : برحل قلت : ليه=وضحكتي صلّت على وجهي ريـا .!
وقام منّـي كـن مالـي حـق فيـه=وقال : يا مطلق .* وكان يقول : يا ...
مو حبيبي .* صرت درب وصار تيـه=أشحذ من الحزن .* ضحك الأثريـا .!
بس عـادي .* لأ مـو عـادي أبيـه=لا يحسب إني مع الفـرح .* أخويـا .!
ويعتبرنـي مرحلـه مــرّت علـيـه=مرحله فيهـا الأحاسيـس أغنيـا .!
لا ذكرتـه أبتسـم وأقـول : إييييـه=ودمعتي في محجري ماتـت حيـا .!



لـــ .. مطلق آلجبعآء آلدويش http://www.5foq.com/vb/smail/rose.gif
اتمنى ان ترتقي لذوقكم..
سكر زياده
25-06-12, 11:29 PM
مـو حبيبـي .* صـرت درب وصـار تـيـه أشحذ مـن الحـزن .* ضحـك الأثريـا .!
بــس عــادي .* لأ مــو عـــادي أبـيــه لا يحسب إنـي مـع الفـرح .* أخويـا .!
ويعـتـبـرنـي مـرحـلــه مــــرّت عـلـيــه مرحـلـه فيـهـا الأحاسـيـس أغـنـيـا .!
لا ذكـرتــه أبـتـسـم وأقـــول : إييـيـيـه ودمعتـي فـي محجـري ماتـت حيـا .!


المصدر : http://www.alfredah.net/forum/threads/alfredah36947/#ixzz1yq4TE8AU
ابيات اعجبتني جدا
ابوحمد
يا مبدع
شكرا
عبدالله حمد الفريدي
25-06-12, 11:42 PM
الابداع في تواجدك المميز
ياتعاند من يعاندها
شكراً على المرور
ابو الرجال
26-06-12, 01:35 PM
ابو حمد لك في الانتقاء بــــــــــــــــاع
واختيارك ينشرى ولا يُبـــــــــــــــــاع
تقبل مروري واعجابي بها
وصح لسان قائلها
نواف بن هلال
26-06-12, 03:05 PM
فعل الله ابرك يابو حمد شكراً على الانتقاء
مبدع مافيك حيله
لك اجمل تحيه
عبدالله حمد الفريدي
26-06-12, 03:13 PM
ابو الرجال
اعجابك وسام لاهنت
عبدالله حمد الفريدي
26-06-12, 03:18 PM
الشاعر
نواف هلال
الابداع في مرورك وتواجدك
ووجهة نظرك شهاده اعتز فيها لاهنت
علي محيميد الفريدي
26-06-12, 05:45 PM
صح لسان مطلق الدويش

شكراً يا بو حمد على جمال الاختيار

والحضور المميز

تقبل خالص تحياتي
عبدالله حمد الفريدي
26-06-12, 09:35 PM
الشاعر
علي محيميد
اعتز بمرورك واشادتك لاهنت ياغالي
غازى بن عجاب أبوزوايد
26-06-12, 10:00 PM
اخوي
ابو حمد
صح لسان الشاعر مطلق بن الجبعاء
ولاهنت على النقل والنشر
تحيتي
عبدالله حمد الفريدي
27-06-12, 03:54 AM
وصح بدنك يابو فيصل سلمت ودمت
مرورك وسام لاهنت