?> خاب الأمــل عنـــدي [الأرشيف] - مجالس الفرده
المساعد الشخصي الرقمي

مشاهدة النسخة كاملة : خاب الأمــل عنـــدي

غازي الفريدي
20-07-07, 08:52 PM
اخواني اهديكم هذه القصيده:


البارحة كني هدف للرماتي=جتني تفاكير الزمن واسهرتني
كني نطيح الزير والا الزناتي=هذي على قلبي وهذي بمتني
للي خياله بالصحو والمباتي=نوبٍ يصحيني ونوبٍ سبتني
حبه نبت بعروق قلبي نباتي=وبصعب مراقيب الموده رقت بي
ياكامل الاوصاف زين الصفاتي=ترى المشاعر بالهوى مالكتني
ياسيد انا بوصيك وافهم وصاتي=انت الدوا يوم الليالي بلتني
اذهبت حالي بالبكا والشماتي=حسره عليك وراحتك ماخفتني
انا مريض وقرب شوفك شفاتي=يامن شفاه شفاي يامن شمتني
يازين انا ضاقت علي الجهاتي=مع الفضاء ونار الغرام الهفتني
ون كنت عاتب ياحبيبي انا آتي=اطلب رضا واشرط عليّه بحتني
واعرف تراك انته جميع امنياتي=وفي جيتك كن النعيم وصلتني
خاب الأمل عندي بطول الشتاتي=اخاف تنسى والمشاعر كوتني


غازي الفريدي
حمدان الجضعان
20-07-07, 10:49 PM
الأخ غازي تحية طيبة لصفحة بيضاء فية مشكلة عندك
غازي الفريدي
21-07-07, 06:02 PM
شكرٍا على الملاحظة اخوي حمدن آسف على هذا الخطاء الغير مقصود
منصور الوسوس
21-07-07, 06:40 PM
بيضاء كبياض قلبك

بيض الله وجهك ياغازي

اي خدمه تراي مستعد على الخاص
خلف الفريد
22-07-07, 06:48 PM
بسم الله
الاخ غازي
لو اختفت نلقاها
تشكر على هذه الرائعه واقبل تنسيقي لها هديه:confused:
وانا لم اكن متواجد عند نزولها واعتذر عن التاخير
وارجو الانتباه عند محاولة التعديل فاحيانا تضيع القصيده خلاله وليكن التعديل على( الوضع المتطور)
لك حبي
مقبل بن نمران
23-07-07, 09:05 AM
غازي الفريدي

لقيت الصفحه بيضاء وطلعت حتى تحل المشكله وماقصر ابو عبدالعزيز

واليوم نرى ونبتهج بقدوم شاعر ليس حديث عهدٍ بشعر

وأقول له صح لسانك يابطل والجميع بإنتظارك

وفقك الله
غازي الفريدي
23-07-07, 07:55 PM
وجهك ابيض اخوي منصور الوسوس :. والفزعة من عادة عــيال راشـــد
غازي الفريدي
23-07-07, 08:06 PM
مـشـكـور خـوي خـلف . على التنسيق وتعبناك الله لا يهينك
غازي الفريدي
23-07-07, 08:10 PM
مقبل بن نمران

صح بدنك وماعليك زود وفتخر بشاعر مثلك
وشاهدتك وســــام سلمك اللـه