?> يامود وش سويت !! [الأرشيف] - مجالس الفرده
المساعد الشخصي الرقمي

مشاهدة النسخة كاملة : يامود وش سويت !!

خلف الفريد
17-06-12, 02:03 PM
يقول روبرت مود النرويجي رئيس مراقبي الامم المتحده في سوريا انه علقّ مهمة البعثه
لكون العنف قد زاد وانا اقول له :





بسم الله الرحمن الرحيم

علقتها يامود وانته معلّق=مهمةٍ صارت على الشام علقه!!
من يوم جيت الشام رجلك تزلّق=تبي تطبّق خطةٍ برض زلقه
حكومة " التقيه" تجيد التملق=ومراقبينك يازرق العين شلقه!!
الناس تذبح وانت عينك تبلّق=والموت حولك صار حلقه وحلقه
يضيمنا والناس حولك تحلّق=وانته ماتملك في مخابيك طلقه!!
عقب صلاح الدين تنخاك "جلّق" =ارادة المعبود وذنوب خلقه!!
يامود وش سويت والوقت غلق=الق "العنان" اللي تجوّد به القه!!
غازى بن عجاب أبوزوايد
17-06-12, 02:14 PM
عقب صلاح الدين تنخاك "جلّق
" ارادة المعبود وذنـوب خلقـه!!


اخوى الكبير بقدره
خلف بن عتاق الفريد
صح لسانك يابو عبدالعزيز ولاهنت عودتنا
على الجزاله وإرادت ربك نافذه رضينا ام أبينا وحال الاشقاء
بسوريا يكسر الخاطر الله يرفع الضر عنهم
تحيتي
عبدالله حمد الفريدي
17-06-12, 02:38 PM
هلا وغلا ابو عبدالعزيز

طال انتظارنا لجديدك واتيتنا بهذه الدرة الشامخه

صح لسانك مليون جزله من شاعرٍ جزل تعودنا الجزاله في نصوصه

والله يكون لاخواننا في سوريا وينصرهم على عدوهم

شكراً مليون لاعدمناك
عيسى ابن احمير
17-06-12, 02:59 PM
أولأ: اللهم انصر أخوانا المستضعفين في سوريا

ثانيآ: شكرآ على مشاعرك أتجاه أخوانا المسلمين في سوريا

وصح لسانك قصيده جزله من شاعر ليس مستغرب منه الشعر الجزل وهذا الأبداع الذي عودنا عليه خلف الفريد

لاعدمناك وبيض الله وجهك

و
؛؛ فهد الفريدي ؛؛
17-06-12, 03:25 PM
القدير والشاعر الجزل / ابو عبد العزيز


يسرني التواجد في هذا المتصفح المميز


وصح اللسااااااانك ولاهنت وسلمت ودمت



واااااااافيه من راس ٍ واااااافي


لاعدمتك
ابو الرجال
18-06-12, 01:46 AM
الجود جودك
والجزل منك وهاذي عهودك
صح لسانك ابو عبد العزيز وسلمت
ابـن مـطـيـع
18-06-12, 02:11 AM
بارك الله فيك على القصيدة
نسأل الله أن يفرج عن اخواننا في سوريا .آمين
دائماُ في الحدث ابا عبد العزيز
اما (مود) يستاهل ماجاه منك ههههههه
صدقت بما قلت به
لن يفي بالغرض المطلوب منه
يجب ان يخرج
فليس كفواُ للمهمة
حتى لم ينجح في الدفاع عن نفسة ههه
تقبل مروري ومداخلتي لك
خلف الفريد
18-06-12, 10:57 AM
ايها الوافون دوما
اشكركم على طيب المشاعر وصدق اللهجه وعمق المحبه
تواجدكم في متصفحي اعلمه مسبقا لانكم الاكرم
صحت ابدانكم وارواحكم
لاعدمتكم
علي الجضعان
18-06-12, 02:08 PM
الشاعر خلف الفريد

صح لسانك ومشاعر تشكر عليها

الله يفرج كربهم وينصرهم على عدوهم

ولكل ظالم نهايه ساره
نواف بن هلال
18-06-12, 05:41 PM
مبدع الحرف ابو عبد العزيز صح لسانك مليون
لك اجمل تحياتي
علي محيميد الفريدي
19-06-12, 11:18 PM
صح لسانك وعلى شانك يابوعبد العزيز


الله يقوم بعون اخوننا في سوريا وفي كل مكان

الله يمهل ولايهمل مامر على معمر يبي يمرعليه

عن قريب إن شاء الله

تقبل اجمل واكمل تحياتي
خلف الفريد
19-06-12, 11:31 PM
شكرا لكم احبتي على طيب المشاعر
مروركم اسعدني وعطر متصفحي
وصحت الابدان
لاهنتم
أبو وسيم
22-06-12, 12:07 PM
صح لسانك وبيض الله وجهك ابو عبدالعزيز

الله يكون مع اخواننا في الشام
خلف الفريد
04-07-12, 11:59 PM
ابو وسيم
شكرا على مرورك العطر
وصح الله بدنك يالغالي
لاعدمتك