?> الله على اللي شهر عبداللطيف الجميل=اللي بدونه وش افعاله وش ثروته [الأرشيف] - مجالس الفرده
المساعد الشخصي الرقمي

مشاهدة النسخة كاملة : الله على اللي شهر عبداللطيف الجميل=اللي بدونه وش افعاله وش ثروته

نواف المريبيث
06-06-12, 01:31 AM
السلام عليكم ورحمة الله

اقدم هذه القصيده وان شاء الله تنال استحسانكم


إيو الله اني حزين ومستمل وعليل=وهموم قلبي على شوف الحبيب اشوته
الله على اللي شهر عبداللطيف الجميل=اللي بدونه وش افعاله وش ثروته
فل ابشن مكمل التوصيف وآخر موديل =شاصن عسى الربع واللي يركبه فدوته
بين المواتر بعيني مال لشكله مثيل=كنه بعير الطهيمي لاعرض نقوته
ياما حلا تلته من دار عرعر بليل=لديره اللي تريح البال من شقوته
مبطن عن الشهد والنعناع والسلسبيل =والكادي اللي يرد الروح من شوفته
ماغير اسامرك ياليل العتيم الطويل=الي نديمك تجيب العيد في هقوته
لوكان عرعر براد وهب نوده عليل=منها الشمالي يدور الحول في فروته
ماهو لدار الغريب اللي عملبه بديل=لوه برادن وداره بسموم اكوته
عبدالله حمد الفريدي
06-06-12, 01:46 AM
الله الله يانواف
صح لسانك وعلا شانك وافيه من راسٍ وافي لاهنت
غازى بن عجاب أبوزوايد
06-06-12, 10:38 AM
اخوى الشاعر
نواف المريبيث
لوكان عرعر براد وهب نوده عليـل
منها الشمالي يدور الحول في فروتـه
لاهنت وصح لسانك وعلى ماقيل المربى قتال
والله يبلغك اللي ببالك
تحيتي
منصور الوسوس
07-06-12, 01:05 AM
صح لسانك
قصيدة جزلة تستحق الاشادة
علي الجضعان
07-06-12, 01:28 AM
صح لسانك قصيده راقت لي من بحور السهل الممتنع

سجل أعجابي وأجمل التحايا

والف شكر ع الاضافه
فهد الطميشاء
07-06-12, 06:07 AM
صح لسانك ولا هنت يا نواف ..
ابـن مـطـيـع
07-06-12, 01:04 PM
صح الله السانك اخوي نواف قصيدة جميلة جداُ
من جمالة اختيارك بنتظار جديدك
تحية لحضورك الشعري
علي محيميد الفريدي
08-06-12, 10:06 AM
صح لسانك يانواف

قصيده في قمة الروعه

سجل إ عجابي بها مع اجمل تحياتي