سكر زياده
11-05-12, 07:07 PM
المجلس اللي مايقدرك راعيه ** خلك عزيز النفس مالك وماله
لاصار ماحطت لجنبك مراكيه ** تلقى من خيار المجالس بداله
مغنيك ربك عن قهوته وشاهيه ** دام المعزب مايسرك قباله
دور على مجلس لاجيت ناصيه ** حصلت خمسه من شروط الرجاله
تقدير في قلبه وترحيب يبديه ** عقل وادب ومبهراتن دلاله
مجلس رجال العرف كل الفخر فيه ** عنه الرخوم يقدمون استقاله
بعض المجالس محكم العقل توذيه ** يلقى بها شخص كثير جداله
يفضح لسانه مايكنه بخافيه ** زود على جهله سريع انفعاله
في رايه ان العلم عنده وحاويه ** لوكان غرق في محيط الجهاله
وفي رايه ان الناس لازم تباريه ** ولوفيه فرصه كان كبه ضلاله
شخصاً بليا دين لاتعتزي فيه ** واسمع كلام مجرب الوقت قاله
كتاب حالات الرجاجيل قاريه ** وحصل بها اكثر من ثلاثين حاله
وصور بعضها ماتطرق لباقيه ** ولو يشرح الحالات طول مجاله
وسلامتكم
للشاعر فهد بن هجاج البشري الحربي
لاصار ماحطت لجنبك مراكيه ** تلقى من خيار المجالس بداله
مغنيك ربك عن قهوته وشاهيه ** دام المعزب مايسرك قباله
دور على مجلس لاجيت ناصيه ** حصلت خمسه من شروط الرجاله
تقدير في قلبه وترحيب يبديه ** عقل وادب ومبهراتن دلاله
مجلس رجال العرف كل الفخر فيه ** عنه الرخوم يقدمون استقاله
بعض المجالس محكم العقل توذيه ** يلقى بها شخص كثير جداله
يفضح لسانه مايكنه بخافيه ** زود على جهله سريع انفعاله
في رايه ان العلم عنده وحاويه ** لوكان غرق في محيط الجهاله
وفي رايه ان الناس لازم تباريه ** ولوفيه فرصه كان كبه ضلاله
شخصاً بليا دين لاتعتزي فيه ** واسمع كلام مجرب الوقت قاله
كتاب حالات الرجاجيل قاريه ** وحصل بها اكثر من ثلاثين حاله
وصور بعضها ماتطرق لباقيه ** ولو يشرح الحالات طول مجاله
وسلامتكم
للشاعر فهد بن هجاج البشري الحربي