?> :: ابيات لم تكتمل :: [الأرشيف] - مجالس الفرده
المساعد الشخصي الرقمي

مشاهدة النسخة كاملة : :: ابيات لم تكتمل ::

؛؛ فهد الفريدي ؛؛
11-05-12, 03:58 PM
بسم الله الرحمن الرحيم

الاعزاء رواد مجالس الفرده الشامخه ، اداره , اعضا , زوار

السلام عليكم ورحمة الله وبركاته

اردت ان تكون هذه الصفحه هنا , لكي تكون متنفس لنا جميعا في كتابة الابيات

الكيبورديه

كما تسمى ..

وكتابة مابقي يتيمآ من ابيات لم تكتمل لتكون قصيده .

ففي عرف الشعراء قديما وحديثا , وفي الشعر الفصيح والنبطي اذا وجدت ابيات لم

تصل

الى سبعة ابيات فهي لاتسمى عندهم قصيده .

وحرصآ منا ومنكم جميعآ اتينا بهذا الموضوع ليكون متنفس للابيات اللتي لم يصل

عددها سبعة ابيات

بل كثيرآ مانجد بيت او بيتين يغنيان عن قصيده كامله .

وبهذا نحفظ لكم هذه الابيات هنا ..

تنويه مهم / يجب ان تكون الابيات المدونه هنا من ابيات الشاعر نفسه .ويمنع المنقول .

آمل ان ينول هذا الموضوع اعجابكم .



اخوكم / فهد جنب الفريدي
؛؛ فهد الفريدي ؛؛
11-05-12, 04:13 PM
نمشي بدنيانا على طيف الاحلام=من مرها ياما شربنا وذقنا
تمشي بنا الايام عام ٍ بثر عام =واثر الزمن ياحسين جار وسرقنا
تزين مره يوم .. وتشين بايام= وياما ضحكنا يوم فيها ورقنا


فهد الفريدي ..
؛؛ فهد الفريدي ؛؛
13-05-12, 01:11 PM
عش قد ماتقدر من ايام وسنين=بين الفرح والحزن ومخاصم الذات
والله لو تملك قصور وملايين=ماتنفعك لاصار بالدين هفوات
ترى العمر محصور مابين قوسين=لحظة وداع ٍ فيه شهقه وسكرات
لابد من يوم ٍ ترى منزلك وين=والرابح اللي نال جنه ولذات



فهد الفريدي
نواف فارع
17-05-12, 12:43 PM
لا هنت أبومشاري .. وصحت معانيك .

وهذه أبيات لم تكتمل .. ولن تكتمل ..




يامل قلب بالهوى فيه مافيه=يشكي عناه وعلته من حبيبه
ما عاد له جيّه ولا القلب ناسيه=ولله كتب يلقى نصيبي نصيبه
بلسم حياتي بالمودّه طواريه=وبين الرجا والياس جيش وكتيبه
وانا مع الياس الشقاوي وامانيه=أموت واحيا والموارد قريبه
راح وترك قلبٍ يحبه ويغليه=ولازلت أعاني من روابع مغيبه
عبدالله حمد الفريدي
17-05-12, 01:17 PM
الشاعر القدير ابو مشاري
صح لسانك مليون وسلمت على الفكره الراائعه جداً
اتمنى من شعرائنا امتاعنا بمداخلاتهم
وصح لسان ابوعبد السلام على مداخلته الررائعه كعادته
نواف بن هلال
18-05-12, 07:02 AM
الف شكر اخي فهد على الفكره الرائعه

ابيات لم تكتمل ؟؟


مواقفٍ فيها حرام الرياء حل=خلت ضعيف النفس يشرب وياكل
ويقول يارجال بعد الاكل حل=بعيون ناس اجذاع نخل وهياكل
الذل بنفوس الاوادم اليا حل=اصبح بعضها مع بعضها يتواكل
ولو كل مشكلةٍ لقينا لها حل=ماشيبت روس الرجال المشاكل

ووجدت العجز به كلمه تكررت واختلف معناها


ولكن لم تكتمل




الف شكر فهد على هالمتنفس الرائع
تقبل تحياتي
نواف بن هلال
18-05-12, 07:17 AM
وش يقول اللي عنا الوقت جبره
بتركته هاذا لجل ذاك وهذا
لين كذب كل شيٍ بنظره
من كثر ماهو يشوف من الاذى
مايقول اخطيت والا المعذره
سيرة الايام سوت به كذا
آدميٍ غشته زين ادبره
لانه أعطى كل شي ولاخذا
كل.....جزء من النص مفقود
وكل غصن ويتغذا بشجره
ومن سعى لقطعه قطع عنه الغذا
نواف بن هلال
18-05-12, 08:29 AM
الزعل ياحبيبي والعتب والسؤال=عن سبايب غيابي جعل عمرك طويل
من عطاني على سود الليالي مجال=يعتبرني مع الايام عابر سبيل


والسبب عدم الفراغ للكتابه وكل يوم تقول بعدين اذا فضيت اكملها وتبقى هكذا حتى تندثر
نواف بن هلال
18-05-12, 08:37 AM
انا وش اللي معنيني وليه اشره=لاشفت ماعفت باللي خوته قشرا
عن التفاصيل يكفي موجز النشره=البعد عن شوفته ومفارقه بشرا
الحرص والله بخوت طيب العشره=اللي مجارا هواه وخوته تشرا
نواف بن هلال
18-05-12, 08:47 AM
هاذي الرخصه ومعك الاستماره=وعجل ابسري ترا ليلي طويل
لا تأخرني وانا عندي زياره=مايعاقب بالخلا عابر سبيل
وكانك مصمل فلا اخاف الخساره=اكتب اللي تكتبه ماني بخيل
ياكثر حذف القسايم بالغماره=القسايم بالغماره كوكتيل
بين سرعه والحزام وقطع اشاره=والوكيل الله ولاغيره وكيل

طبعاً هاذي من ايام الجاهليه .قصدي العزابيه
ابن عمليط
15-06-12, 04:26 PM
نشكرك ياشاعرنا يابو جنب على هالفكره الاكثر من رائعه واللتي ستجد القبول باذن الله

لما فيها من متنفس لنا ونرحب بالنقد الهادف لكي نستفيد

وهذه بيوت متواضعه مني ارجوا ان تنال اعجابكم


شفنا الحياه بشوفة الناس حلوه = يومن بعض الناس خابت هقاويه
وشفنا الرجال انواع والطيب نشوه = والا الردى يرجع على اللي يسويه
نسعى بفعل الطيب لو هو تشوه = شروى الرجال ومثلهم مانخليه
وليا حصل نرقى عن الناس خطوه = اسم القبيله لارقينا نعليه
حنا الذهب واصل الذهب مايتموه = عاداتنا وأخلاقنا يعرقن فيه


وانشالله تكتمل
والمعذره من عدم التنسيق عليمي ومغيب عن الاعلام :089:
وتقبلوا تحياتي :123:
عبدالله حمد الفريدي
15-06-12, 05:59 PM
نشكرك ياشاعرنا يابو جنب على هالفكره الاكثر من رائعه واللتي ستجد القبول باذن الله

لما فيها من متنفس لنا ونرحب بالنقد الهادف لكي نستفيد

وهذه بيوت متواضعه مني ارجوا ان تنال اعجابكم


شفنا الحياه بشوفة الناس حلوه = يومن بعض الناس خابت هقاويه
وشفنا الرجال انواع والطيب نشوه = والا الردى يرجع على اللي يسويه
نسعى بفعل الطيب لو هو تشوه = شروى الرجال ومثلهم مانخليه
وليا حصل نرقى عن الناس خطوه = اسم القبيله لارقينا نعليه
حنا الذهب واصل الذهب مايتموه = يبقى على اصله واصله محليه


وانشالله تكتمل
والمعذره من عدم التنسيق عليمي ومغيب عن الاعلام :089:
وتقبلوا تحياتي :123:

ابن عمليط صح لسانك مليون
وتقبل هالقافه مني اعتقد الشطر الاخير مكسور :066:
ابن عمليط
15-06-12, 07:27 PM
ابن عمليط صح لسانك مليون
وتقبل هالقافه مني اعتقد الشطر الاخير مكسور :066:




صحت ابدانك لانخلى ولانعدم

واشكرك على التنويه :140:

انضمامنا اليكم يابوحمد لنتعلم وجرى التعديل
عطني رايك بعد التعديل يابو حمد
وتقبل شكري وامتناني :123:
عبدالله حمد الفريدي
16-06-12, 01:37 AM
صحت ابدانك لانخلى ولانعدم

واشكرك على التنويه :140:

انضمامنا اليكم يابوحمد لنتعلم وجرى التعديل
عطني رايك بعد التعديل يابو حمد
وتقبل شكري وامتناني :123:

هههههههههههه الله لايهينك يابن عمليط انا كلتلك
لقافه والا ماني شاعر ولاكن محب لشعر
ولاكن مادامني تلقفت اعطيك رايي بكل صراحه
( يبقى على اصله واصله اللي محليه ))
ابن عمليط
16-06-12, 10:46 AM
هههههههههههه الله لايهينك يابن عمليط انا كلتلك
لقافه والا ماني شاعر ولاكن محب لشعر
ولاكن مادامني تلقفت اعطيك رايي بكل صراحه
( يبقى على اصله واصله اللي محليه ))



جعلك ذخر يابو حمد تعديللك على العين والراس :004:

بس غيرت الشطر كله لكي نتحاشى الكسر


لكن لا تحرمنا من رأيك ترا مرورك الرائع تحفيز ودافع ومعنويه



تحياتي وتقديري يابو حمد :175:
منصور الوسوس
16-06-12, 12:15 PM
انا وش اللي معنيني وليه اشره=لاشفت ماعفت باللي خوته قشرا
عن التفاصيل يكفي موجز النشره=البعد عن شوفته ومفارقه بشرا
الحرص والله بخوت طيب العشره=اللي مجارا هواه وخوته تشرا


صح لسانك يبن هلال ابيات راقت لي بغير قصور بالموجود

شكرا فهد على هذا التصنيف الجميل

وللجميع خالص الود
علي الجضعان
16-06-12, 01:56 PM
عقب البطاء سمعت صوته وفزيت = أنتي ( ------ ) ياناس ماهو بمعقول

حاولت أعبرله عن الوضع وأزريت = وعقب الفصاحه صرت مدري وش أقول

وردت بصوتٍ فيه فحه وتنهيت = قالت غيابك ياعلي ضيق الجول

وحلفتله باللي فرض حجت البيت = ماني عنه ساهي ولاني بمشغول
عبدالعزيز العبلان
16-06-12, 04:13 PM
دراة رحاة اسنيننا والصواديف=واقفت بحرن معتلى بالنوايف
ستين عام اسمومها والعواصيف=ماليننه ينتوي للنكايف


ابيات تكتمل إن شاء الله

وإنا لله وإنا إليه راجعون
عبدالله حمد الفريدي
16-06-12, 04:41 PM
صحت السنتكم جميعاً
وشكراً لصاحب هذا المتصفح الرائع بفكرته
ابن عمليط
16-06-12, 07:52 PM
وهذه ايضا بيوت متواضعه ارجوا أن تحوز على رضاكم .....



عزي لمن يومه قضى بالهواجيس = يذكر حياتن مالها بالرجوعي
راحت حياته لعبتن في يد ابليس = لو هو يعرف الصح ماهو قنوعي
قلبي مجرد من مشاعر واحاسيس = اهون علي ولا حياة الخنوعي
دنيا الغثا دايم تجيب المتاعيس = وانا احمد الله ماتغير طبوعي
؛؛ فهد الفريدي ؛؛
17-06-12, 03:40 AM
عمر القمر ماكان بالنور يسطع= كتلة ظلام ٍ فيه حقل وتجارب
والفيلم لامنه بدأ منه مقطع= يبين لك من كان بالفيلم خارب
والسيف لاورد به الحق يقطع= يضرب على الاعناق من فوق غارب


فهد بن جنب..
؛؛ فهد الفريدي ؛؛
17-06-12, 03:33 PM
الاخوة الاعزاء عيال راشد لاهنتم على هذا التواجد الجميل


والاضافات الاكثر من رائعه


وهذا المتصفح وضع لاجلكم وهو منكم واليكم ..


فلا تبخلو علينا بمايمتعنا حفظكم الله جميعا ..




( كيبورديه من الارشيف )



الليله الجو يامحمد=كنه مع البرد متعبني
ان قلت لك حيل متجمد= وان قلت لك نار تحرقني
الشوف من صوبهم رمًد= والحرف ماعاد يسعفني
؛؛ فهد الفريدي ؛؛
21-06-12, 03:38 PM
لم تكتمل ::: او انه مؤجل ظهورها



لماز هماز ويعذرب=كوبان ماشاف عذروبه
في (دكة) العصر والمغرب=واليا خلص نفض اجيوبه
غازى بن عجاب أبوزوايد
21-06-12, 06:08 PM
إجابه وتسائل قد تكتمل و ترى النور وقد لاتراه



إن هانت إتهون ولا ياعسى ماتهون=مليت من زايد التفكير والانتظار
عندي قناعه وأعرف إن المقدر يكون=وأسهل عذر للعرب هذا المقدر وصار
لكن ابا اسألك يومنك عليّه تمون=ليه الخطاء منك جاني . ليه كثر العذار؟؟
علي الجضعان
29-06-12, 01:55 PM
تدري وش اللي خافني ليه صديت = ابوك يومنه على الباب واقف

غصب(ن) عليه يوم مرت وأقفيت = من شوفته ضاقت علي المواقف
سعد بن هذيل
29-06-12, 03:10 PM
مشكور يابن جنب على الفكره الطيبه


صدق المشاعر حركة حبر الاقلام=على جبين الطرس والشعر ظمه
الفكر قام وهاجس القلب مانام=هيج ظميري كل علم ن يهمه
روابع على النقى ماهي اوهام=وسط الحنايا والهواجيس جمه
منهاشجوني روحن ورد واحيام=وفكري تولع بالعلوم المهمه
حي العلوم وحي من جابها اشمام=وحي الزوم وحي من راح يمه


سعد هذيل
لم تكتمل
؛؛ فهد الفريدي ؛؛
22-08-12, 10:35 PM
كل عام وانتم بخير .. تحياتي للجميع



كل الحروف اللي بها شوق وعتاب=ادري بها وانتي تعرفين قصدي
ابعتذر وان كان عذري له اسباب=كفي عتاب الامس ماعاد يجدي



لم تكتمل ..
؛؛ فهد الفريدي ؛؛
22-08-12, 10:54 PM
البارحه شفت البدر في سما (طي) = شفته وحياني وانا قلت لبيه
كل الكواكب بيمنه مابها ضي = واللي يساره لو بها نور تخفيه
سامرني البارح وانا غايتي هي=هي غاويه حبي وانا صرت غاويه

لم ولن ..تكتمل
؛؛ فهد الفريدي ؛؛
22-08-12, 11:24 PM
ياللي دخلت القلب من غير تصريح= واخذت لك من خافق الروح قطعه
واجبرتني في حب خدراتك اطيح= طيحة كسير ٍ فاقد ٍ عز ربعه


ايضآ..لن ..
؛؛ فهد الفريدي ؛؛
22-08-12, 11:33 PM
من الكيبورديات ..



ياجنونك كيف تمشي وانت هذا منظرك=ماتخاف اللي خلقك ولاتهاب اللي معاك
الهوى وان هب ضدك .. ضيع العالم نحرك=والمصيبه لاقفت الريح والعالم وراك
؛؛ فهد الفريدي ؛؛
23-08-12, 02:29 AM
تمايلت باغصانها تعزف على صوت الحمام=لاغنت الورقا لحن ! نومي تبعثر وانسرق
اضحك وانا ياصاحبي روحي بقايا من حطام=اخايل انجوم(ن)سرت واتوه مع برق(ن) برق
والبارق اللي غيمته هي الدواء للمستهام=تقفي وتقبل غيمته !! مايدري انه لي سرق
؛؛ فهد الفريدي ؛؛
25-08-12, 12:38 AM
لم تكتمل ..



ياشحيح الوقت ياعمر التعب =ياتعب حالي على وقت ٍ شحيح
يازمان ٍ فات واحلامه لعب=ياخفوق ٍ في جروحه مايبيح
يالسان الصدق في وقت ٍ صعب=عن يمينه نار ويساره فحيح
عبدالله حمد الفريدي
25-08-12, 12:59 AM
لم تكتمل ..


ياشحيح الوقت ياعمر التعب =ياتعب حالي على وقت ٍ شحيح
يازمان ٍ فات واحلامه لعب=ياخفوق ٍ في جروحه مايبيح
يالسان الصدق في وقت ٍ صعب=عن يمينه نار ويساره فحيح


صح لسانك ابو مشاري على هادرر
وبيض الله وجهك على هالمتصفح الرائع
تحياتي واعجابي لاهنت
؛؛ فهد الفريدي ؛؛
25-08-12, 01:13 AM
صح بدنك يابو حمد .. ووجهك ابيض واعجابك يكفيني لاعدمتك ..
نواف بن هلال
26-08-12, 01:31 PM
راح ظني بعيد وقلت له وين رايح=وكان خانك زمانك وين ودك تروح
ليه ياظن قلبي ماحفظت النصايح=تحسب ان قلبٍ مثل طبعك نصوح
كل شيً تظنه لاأكتشفته فضايح=وان ماتبت مادري ماأتعبتك الجروح
بالزمان اختلاف ورتم الاحلام طايح=وانت بين الامور الجاده والمزوح
التعبير ماترضي جميع الشرايح=لو مجرد معاناه ..وتداعي ...وبوح
نواف بن هلال
26-08-12, 01:54 PM
ياصاحبي بعدك وقربك معاناة=دخلت في حبك متهات وابطيت
رغم اختلاف الأزمنه والمسافات=لاأبطيت عن شوفت اديارك تعنيت
في حيكم عاملت كل المحلات=امشي ولا جت لفت البيت لفيت
مع شارعك اخذت كل المطبات=عيني لبابك والتفت لاتعديت
متجاوزٍ تقاطعات وإشارات=ولا التفت مثل التفاتي بهالبيت
خلف الفريد
28-08-12, 06:06 PM
المبدعين
ابو مشاري
ابو وافي

بارك الله بدستور المجالس الذي يجبر على سادس الابيات !!!!
خلجات لم تكتمل هنا شكلا لكنها استعبدتنا مضمونا !!!
هنا تختلط الآهات والعبرات ، الاوضاع والاوجاع
هنا فن الابداع وابداع الفن!!
هنا صناعة الشعر بحرفية خرافية لوجود الموهبة والخبرة !!!
هنا ابيات لم تكتمل بل لم تكمل عمداً والا لم نكن لنراها هنا كشعلة الاولمبياد الابديه !!!
هنا لامجال لمن يخطو لاول مره!!!
شكرا لكما على الارواء
تحياتي
خلف الفريد
28-08-12, 06:22 PM
اتعذّر لجل حبك واتصبر=واحتسب طعن المهونه في ضلوعي!!
ورغم هذا لا استفيد ولا اتعبّر=ليه؟ مدري!! لو تزايد منك جوعي!!
كان قلبي لك مراية مير غبّر=حرّ هجرك !!او تأثر من دموعي!!
لو تمانع لو تجبّر لو تكبّر=والله اني عارفٍ كوعي وبوعي!!
نواف بن هلال
30-08-12, 12:22 PM
مرحباً مليون ابو عبد العزيز
اضافه جميله صح لسانك مدد بلا عدد
نواف بن هلال
30-08-12, 12:29 PM
ياطواري مجالسنا ضماد الجروح=ماتساعد على تخفيف نزف الجريح
لا اقبل الليل وبروق العواصف تلوح=آآآه لو مايصح الا الكلام الصحيح
وكل مالاح برَاقه نرا في وضوح=في دجى الليل لحظة كل وجهٍ كليح
نعرف الناس والقلب الغشش والنصوح=نكشف الدرب والجسر المعلق يطيح
نواف بن هلال
30-08-12, 01:24 PM
ليه ياحبي من اللي علمك تنساني=من هو اللي ياحبيبي صد قلبك عني
كيف تطعني ولاتدري وش اللي جاني=الله انه عنك ياريم الفلا يطعني
قبل اغني لك وكنت تقول صح لساني=ومن بعد ماغبت عني فيك كيف اغني
تحسب انك كل مادورتني تلقاني=مادريت ان الليال السود ماخلني
خلف الفريد
30-08-12, 02:47 PM
كل ما لاح الشفق واللون دامي=اتذكر نزف قلبي والغروبي!!
ليه!! ياقلب العنا تفلت زمامي=وانت تجهل ويش قدمي من دروبي!!
الجفا خلفي ونكرانه امامي=واحسب اني مستمرٍ في هروبي!!
الله اكبر!! الجحود اطول ظلامي=ورغم هذا كم تحرّك به قلوبي!!
ابو الرجال
31-08-12, 02:26 AM
متصفح رائع
وفن وابداع
صحت الألسن
التي تجود بالأحسن
يعطيكم العافية
عبدالعزيز العبلان
01-09-12, 02:15 PM
الحمد لله من بغيته خذيته=والعيد عقبه يصبح العيد عيدين
واللي حكا لايحسبني نسيته=في عيده ..المبروك يكفيه بيتين
لوكان مفروض اشكره لو لقيته=دامي عقب حسده لقيت البساتين
لقيت بالبستان ريمن نقيته=فيه الصبا خلاه في قمة الزين
يوم اعترض هم الظماير نسيته=يجلي جماله همي اللي من اسنين





قد تكتمل القصيده وقد يأتي غيرها
؛؛ فهد الفريدي ؛؛
16-11-12, 12:51 AM
صباح الخير ..


الله من قلب ٍ به الهم خيًم= شيًد خيامه والمحاني مراسيه
من عام الاول فيه جو ٍ مغيًم=ازريت لو حاولت بالصبر اواسيه
مدري ظماه الوجد والشوق هيًم=والا بعد ماقفيت بيديك ناسيه
ياقاضي العشاق بالعدل قيًم=واشهد شهادة حق واذكر مآسيه
الطرف الخجول
23-11-12, 08:33 AM
شعراءنا الافاضل
تسلمون و صح الله ألسناتكم ملايين
قصائد رآآآئــعه وأبيآتهآ جزله
أبـــدآآآآع بمعني الكلمه
بيض الله وجيههكم
احترامي و تقديري ....ْ~