فارس الخيال
11-05-12, 10:32 AM
قصيدة للفقيد الشاعر عايد بن ضواي الفريدي (أبو طلال) يوصي ابنه بعدة وصايا رحمة الله عليه
طلال أنا بوصيك وحفظ وصاتي= خلك عزيز النفس عن كل مغرور
وحافظ على دينك وفرض الصلاتي= ترا الصلاة تشع شع الوجه بالنور
وخلك على الجيران سكر نباتي= ترا الذي يدرا على الجار ماجور
الجار وصابه نبي الهداتي= نبينا المعصوم عن كلمة الزور
جازه بحسنه وحشمة شفاتي= تراك من ناسن لهم بالوفاء دور
أدمح له الزلات ما فات فاتي= لو شفت مايزعلك جازه بمشكور
وأيضى الخوي والضيف لهم ألتفاتي= لهم الوفاء ياعزوتي ما بها شور
خلك وفي وخل عندك ثباتي= وحفظ لسانك لاتسمى بثرثور
أغنم زمانك قبل وقت المماتي= تكسب رضاء المعبود وتعيش مسرور
وحذراك لاتنقل كلام الوشاتي= تصيرمثل اللي يولع بدافور
يشبها من بين ذاتا وذاتي= ويصير بين الناس بالشر مشهور
هذي وصاتي وحفظه ياغناتي= شيِّن صحيح وبالتواريخ مذكور
عايد بن ضواي الفريدي رحمة الله
وجعل مثواه الجنة
طلال أنا بوصيك وحفظ وصاتي= خلك عزيز النفس عن كل مغرور
وحافظ على دينك وفرض الصلاتي= ترا الصلاة تشع شع الوجه بالنور
وخلك على الجيران سكر نباتي= ترا الذي يدرا على الجار ماجور
الجار وصابه نبي الهداتي= نبينا المعصوم عن كلمة الزور
جازه بحسنه وحشمة شفاتي= تراك من ناسن لهم بالوفاء دور
أدمح له الزلات ما فات فاتي= لو شفت مايزعلك جازه بمشكور
وأيضى الخوي والضيف لهم ألتفاتي= لهم الوفاء ياعزوتي ما بها شور
خلك وفي وخل عندك ثباتي= وحفظ لسانك لاتسمى بثرثور
أغنم زمانك قبل وقت المماتي= تكسب رضاء المعبود وتعيش مسرور
وحذراك لاتنقل كلام الوشاتي= تصيرمثل اللي يولع بدافور
يشبها من بين ذاتا وذاتي= ويصير بين الناس بالشر مشهور
هذي وصاتي وحفظه ياغناتي= شيِّن صحيح وبالتواريخ مذكور
عايد بن ضواي الفريدي رحمة الله
وجعل مثواه الجنة