?> لاتعتذر [الأرشيف] - مجالس الفرده
المساعد الشخصي الرقمي

مشاهدة النسخة كاملة : لاتعتذر

ذعذاع الشمال
23-03-12, 03:48 AM
.+[ لاتعتــــــــــذر ]+.


لاتعتذر مال الهجر منك تبرير=صدك بليا ذنب والله ظليمه
ماصارلي بعدك يفوق اي تصوير=تجددت كل الجروح القديمه
بعدك لعبي هاجسي والتفاكير=وقلب (ن)جريح وروح صب(ن)مهيمه
ماغير اسلي خاطري بالمشاوير=اروح وارجع والهواجس مقيمه
ياحبي اللي بين بيض الغنادير=لك في عروش القلب قدر وقيمه
ان كان صدك ماخذك عني لغير=روّح ولو ان الخساير وخيمه
وان كانها عني خذتك المقادير=فالعفو عند المقدره فيه شيمه
يامرحبا والحب كله معاذير=تشفع لك ايام الغرام القديمه
يوم الهوى لازارني منك أعصير=أضم في صدري من اجلك نسيمه
واليوم اصبر خاطر الوجد تصبير=واقول صدك عقب وصلك جريمه
ولاجاك مني ياهوى البال تقصير=مواقفي وياك والله عظيمه
صخرت لك مشاعر الشوق تصخير=وامطرتك بحبن تقفاه ديمه
وظللتك بجفني وصارت مسافير=يوم الغلا بين النديم ونديمه
واليوم ماتنفع كثير المحاذير=تفاغمت بين النفوس الحشيمه
عسى سنينك روض عشب ونواوير=محد لنفسه يرتضي بالهزيمه
اما تخاويني على الشر والخير=والا السلامه منك راس الغنيمه


الشاعر زايد المرى00
ابو الرجال
23-03-12, 11:27 AM
اضافة رائعة جدا
مشكور ذعذاع الشمال
ذعذاع الشمال
24-03-12, 02:27 PM
الله يحييك ياهلا بك ,,
غازى بن عجاب أبوزوايد
24-03-12, 03:39 PM
صح لسان الشاعر زايد المري
ولاهنت اخوي ذعذاع الشمال على الاضافه الجميله
تحيتي
ذعذاع الشمال
24-03-12, 05:51 PM
ياهلا بك ,,
عبدالله حمد الفريدي
24-03-12, 06:18 PM
اختيار رائع
شكراً ذعذاع وصح لسان الشاعرزايد المري
ذعذاع الشمال
25-03-12, 08:16 AM
هلا بك الله يحييك