مشاهدة النسخة كاملة : عباة الكتف !!!
خلف الفريد
19-03-12, 07:35 PM
بسم الله الرحمن الرحيم
ليس من رأى كمن سمع ....
ويسعدني نقدكم وملاحظاتكم
اللي عباة الكتف من فوق متنه=سوادها ما اخفى لهيب الذوايب!!
هو يدري انه للمخاليق فتنه=وانه بنظراته عطيب الصوايب
وانه بصوتٍ فيه رقـّه ولتنه=يسلب عقول الناس حاضر وغايب
وانه يجي للسوق دايم بـ حتنه=وان بالقلوب اللي تحرّى لهايب!!
وان له مكانٍ فيه مكتوبٍ..اتنه=وليا وصل مرّت صفوف وكتايب
وعند انتهاء(عرضه)يصوّت لـ نتنه=سواقه الهندي لعين الصلايب!!
......
عبدالله حمد الفريدي
19-03-12, 07:45 PM
قصيده غزليه فاتنه
صح لسانك ابا عبدالعزيز
لاهنت ياغالي
نظرة .. فأعجااب . فانصباب مشاعر
والا لماا حرمت ,,, تلك الفاتنة..
صح لسانك عمي الغالي ..
قصيدة جوهرية ... رائعه
ولاتعودها,, تنزل للسوق
هههههه
غازى بن عجاب أبوزوايد
19-03-12, 07:57 PM
اخوى الكبير بقدره
خلف بن عتاق الفريد
صح لسانك اباعبدالعزيز وفعلاً ليس من رأى كمن سمع
لاهنت لاهنت على الاضافه الجزله كما هي عادتك
اعجبني وصفك للموقف ولابارك الله بالهندي
تقبل إعجابي بشعرك وشخصك
تحيتي
نواف فارع
19-03-12, 08:57 PM
مشاعر .. وأحاسيس رائعة .
صحت معانيك .
شاعرنا القدير / أبوعبدالعزيز .
تحيتي وتقديري .
علي الجضعان
19-03-12, 08:59 PM
قصيده جمعت الجزاله والطرافه وتحريك القلوب الخضر
الله الله الله
يابوعبدالعزيز دوبك علينا مع هالبرد ذبحتنا بها الوصف
صح لسانك وعلاشانك وعسنا ماعندمك
تقبل أجمل التحايا
ابـن مـطـيـع
19-03-12, 11:07 PM
هـــو يـــدري انـــه للمـخـالـيـق فـتـنــه=وانـــه بنـظـراتـه عـطـيـب الـصـوايــب
صح الله السانك ابو عبد العزيز على القصيدة الجزلة التي لها طابع خاص عندي اشكرك
عدد احرف الكتابة على الاضافة لنا هنا
تقبل مروري وخالص محبتي وتقديري
بنتظار جديدك هههههه:176::176::176:
؛؛ فهد الفريدي ؛؛
19-03-12, 11:56 PM
ابو عبدالعزيز
صح اللساااااااانك ولاهنت وسلمت ودمت
وااااافيه من راس واااافي
جزل كما عودتنا
لاعدمتك
خلف الفريد
20-03-12, 02:26 PM
اهل القلوب الخضراء والمشاعر الورديه
ابو حمد ، الغاليه ريم ، ابو فيصل ، ابو عبد السلام
ابو عمر ، ابو صالح ، ابو مشاري
لا الومكم على هذه المشاعر الجياشة وليس عندي شك ان اول ماجذبكم هو العنوان هههههههه
اعانكم الله على هذه القلوب :144:
على كلٍّ قد وصلتني رسائلكم من خلال حروفكم واعجابكم كما اسعدتني ثقتكم الكبيره كالعاده ...
وهنا تستعصي الكلمات اما فيضكم الاخوي وحبكم الدايم
صحت ابدانكم وقلوبكم لاعدمتكم...
العود
.........
مبارك بن ناصر بن حديد
20-03-12, 02:56 PM
هو يدري انه اللمخاليق فتنه = وانه بنظراته عطيب الصوا يب
ابو عبد العزيز
دوبك على الشباب واللي قلوبهم مازالت خضر
وانتبه من العودة لسوق مره ثانيه خذ الحذر
انت مبدع في جميع مواضيعك
لك تقديري
هابس العلوي
20-03-12, 03:17 PM
ابو عبدالعزيز
عشاان كذا فهمت السالفه ... يومي اعلق البوري عليك عند ستي بلازا وعيونك طايره يم الذوااايب ههههههه
معذوووووور صح لسااانك يا العندليب قصيده جزله من شاعر جزل تحياااااتي
ابو الرجال
20-03-12, 03:28 PM
اخوي ابو عبد العزيز
لااستطيع قول ألا انها قصيدة قوية
رفقا بربعك
المرة الثانية لا تطلع لسوق الحريم
خلك بسوق الخضار حتى ما تبلش رووحك مع الربع
صح لسانك وعلا شانك على هذه القصيدة الجزلة
خلف الفريد
21-03-12, 02:41 PM
ههههههههههههه
الاحبه
ابو ناصر* ابو عبد الله* ابو الرجال
مروركم كالمطر وشعوركم كالعطر
اسعدتني تعليقاتكم اللطيفه
وابهجني انني حركت قلوبكم ولو حاولتم وحاولتم :089:
وصحت ابدانكم لاعدمتكم
نواف بن هلال
21-03-12, 03:16 PM
ابو عبد العزيز .. انت كلك على بعضك ابداع ..
صح لسانك والله صح لسانك ملايين ..
الجديد والقديم من قصايدك يحمض ...
ومن ليرى ذالك فهو يا أعمى؟ يامغمض !
ان على هذه السمفونيه ختمك وجودتك لاعدمناك
ولك اجمل التحاياْ
عندليب المجالس ابو عبدالعزيز
صحيح من رأى ليس كمن سمع
العود وليس العود
اول مايبرض العود من شمال
صح لسانك مليون
ارفق على الربع لاهنت
تقبل مروري
خلف الفريد
21-03-12, 05:09 PM
الورديين
ابو وافي
ابو فايز
،،،
هكذا تعبر مشاعر الشعراء
وهكذا تتفتح القلوب الخضراء
قد اكون سمعت ولم ارى ... ولكن كتبت على عجل :089:
تخجلني هذه الثقة الكبيرة من اعمدة الشعر بكل انواعه وامتاعه
اشكركما على المرور الفاره جدا ..
لاعدمتكما
.........
سكر زياده
21-03-12, 11:07 PM
الشاعر القدير
خلف العتااااااق
صح منطوقك
بس ليتك هجيتها ما مدحتها اعتبر قصيدتك هذي تشجيع وانا اعوذ بالله :089:ههههههه
على العموم شكرا
و مره ثانيه ياعمو
سوق الحررررررررررررررررررريم خلك عنه بعييييييد
وانا اهديكم هالابيات في عباة الكتف لست من كتبها ولاكن مما لامس احساسي
-------
ماهي عباية ستر هذي فضيحه=يابنت ضيعتي الحيا في زمنها
شفّت تفاصيل الجسد مستبيحه=وجه الطهاره في غياهب فتنها
يابنت هذا الزي دعوه صريحه=ترمي بعرض المسلمه في عفنها
يابنت من حولك نوايا قبيحه=تسـعى لبيعـك في مـزابل مــدنها
كثير من همه حجابك يزيحه=ناسٍ تلاقي في الرذيله سكنها
يابنت يازهرة وطنا وشيحه=مافيه زيك جوهره في وطنها
لاتخدعك موضات هذي الشريحه=اللي غدت باريس قبلة سفنها
الدين عزك في شريعه صحيحه=لاهي غلو ولا انحراف بسننها
تدرين كيف البنت تبقى مليحه؟؟= تعيش بالحشمه مليحة زمنها!!
مع تحياااات
العنيييييييييييدة
خلف الفريد
23-03-12, 07:28 PM
الغاليه العنيده
لعلك استعجلتي شوي !!
انا وصفت واقع حال ، لم امدح ولم اذم وهذا طبعي ...
كما ان الحالة هي تصرفات تلك الفتاة وما عباة الكتف الا عنوان فقط لانها من ضمن لباسها !!!
اشكرك على المرور الجميل والاضافة الرائعه ، وقد عدلت بها بعض الاملائيات ...
وصح البدن والمشاعر
لاهنتِ
..........
نايف بن مياس..
23-03-12, 09:33 PM
صح لسانك كما عوتنا رائع
خلف الفريد
23-03-12, 11:05 PM
صح بدنك نايف
اشكرك على المرور والاشاده
لاهنت
....
vBulletin® v3.8.7, Copyright ©2000-2026, TranZ by Almuhajir