?> ليت الشوارع تجمع اثنين صدفه [الأرشيف] - مجالس الفرده
المساعد الشخصي الرقمي

مشاهدة النسخة كاملة : ليت الشوارع تجمع اثنين صدفه

ريم
03-03-12, 07:09 PM
يطيح جفن الليـل واهـز كتفـه
نجم يفز، وباقي الليـل مطفـي


واحاكي الجدران عن مثل غرفـه
ماتشبه الجدارن ويطول وصفـي


وتملني الجدارن واظهر لشرفـه
تحت السماء واسكر الباب خلفـي


ريحٍ تهب وتسكن العظـم رجفـه
وتموت ريح وتسكن اوراق نزفي


على الروابي تهطل دموع وطفه
ويصب لمع بروقها وسط طرفي


ياطاري الغدران ، والعمر رشفه
مع قلّها ، ياليتها ييـوم تصفـي



ليت الشوارع تجمع اثنين صدفـه
لا صار شباك المواعيد مجفـي



الحب واجد مير الأقـدار صلفـه
والارض واجد لكن العزم منفـي


والي اعرفه راح مانيب اعرفـه
ولااظن يذكرني اليا أقبلت مقفـي

ماهو حبيبي مورد القلـب حتفـه
ولاهو حبيبي يفرح بوقت ضعفي


مُّر ثمر هالليل ، وامـر قطفـه
يالحنظل الي صرت اذوقه بكفي
هذا وتّو الليـل مـاراح نصفـه
ياليل بعض اللي مضى منك يكفي


مهنـدس الكلمة الشعـرية
بدر بن عبد المحسن


ريم
غازى بن عجاب أبوزوايد
03-03-12, 07:44 PM
صح لسان الشاعر
الامير بدر بن عبدالمحسن
ولاهنتي اخيتي ريم على الاضافه الجميله
تحيتي
ريم
03-03-12, 08:06 PM
يسلم حضورك اخوي غازي
عبدالله حمد الفريدي
03-03-12, 09:49 PM
صح لسان الشاعر الامير
وشكراً ريم على الاختيار
علي محيميد الفريدي
03-03-12, 11:13 PM
صح لسان الامير الشاعر بدر ابن عبدالمحسن

وشكراً اختي ريم على حسن الاختيار ولاضافه
ابو الرجال
04-03-12, 05:38 PM
رائعة في اختيارك ريم
دمتي متألقة
ريم
04-03-12, 09:32 PM
الف شكر لمروركم
سكر زياده
04-03-12, 10:01 PM
ليت الشوارع تجمع اثنين صدفـه
لا صار شباك المواعيد مجفـي



الحب واجد مير الأقـدار صلفـه
والارض واجد لكن العزم منفـي



المصدر : http://www.alfredah.net/forum/threads/alfredah34977/#ixzz1oAzGPYk6


راقت لي اشكرك ايتها المبدعه
ريم
05-03-12, 05:22 PM
ليت الشوارع تجمع اثنين صدفـه
لا صار شباك المواعيد مجفـي



الحب واجد مير الأقـدار صلفـه
والارض واجد لكن العزم منفـي



المصدر : http://www.alfredah.net/forum/threads/alfredah34977/#ixzz1oazgpyk6


راقت لي اشكرك ايتها المبدعه






ي رب يحييك ي الغلا منوره ..:042: