?> دوحة الحمـّاد ..... [الأرشيف] - مجالس الفرده
المساعد الشخصي الرقمي

مشاهدة النسخة كاملة : دوحة الحمـّاد .....

خلف الفريد
01-03-12, 09:44 PM
بسم الله الرحمن الرحيم
بدعوة من اخي الحبيب الشيخ / هادي بن محمد بن سلطان بن حماد
رئيس مركز النقره كان لي شرف حضور زواج اخي الشيخ النقيب / ذعار بن محمد بن سلطان
على كريمة الغالي الشيخ / نجا بن بشيبش بن حماد "ابو فهد" كما كان لي شرف
القاء هذه الكلمات المتواضعه في ذلك الحفل المهيب الذي اقيم في قصر كريستال ببريده في
شهر ذي القعدة 1432هـ ....


الدوحه اللي قراح الطيب يسقيها=وفروعها كنها نجومٍ سماويه
شموخها دايم وتفخر بماضيها=الماضي اللي اساساته وراثيه
في ظلها يستظل اللي حواليها=ومن دونها رماح وسيوفٍ يمانيه
ثباتها من ثبات اخصالها فيها=صاف الذهب ماهو بضاعه تجاريه
واليوم هادي يذكرنا بهاديها*=شيخٍ مازالت علومه جذوةٍ حيه
له دعوةٍ من غلاها مانعديها=ماياسع العذر للروس الفريديه
وياذعار مبروك باولها وتاليها=عسى شموع الفرح ماينطفي ضيه
كسبت لك مهرةٍ من راس قانيها=ابو فهد طيّبٍ والمهره اصليه
مشاعرٍ من غلاك ارسم معانيها=على النقا والوفا والحب مبنيه
حضرت اهنيك واللابه اهنيها=واهني شيوخنا واقول منقيه
وختامها المسك والعنبر وكاديها=والورد واغلى العطورات الفرنسيه


* يقصدالشاعر هنا المرحوم الشيخ " هادي ابا البرَّد" من اشهر شيوخ الحماد
عبدالله حمد الفريدي
01-03-12, 09:52 PM
وافيه من راسٍ وافي
والوفا طبعك ومنهاجك لاعدمناك
يستاهلون شيوخنا الحماد دام عزهم لاهنت ياغالي
نواف فارع
01-03-12, 10:08 PM
مبدعٌ دائما أبوعبدالعزيز ..

ولنا العتب في تأخر النشر لهذه الدرة أو الدوحة .

أبيات حماسية والحماد يستاهلون .

وصحت معانيك ومباديك .

تحيتي وتقديري .
غازى بن عجاب أبوزوايد
01-03-12, 10:44 PM
اخوى الكبير بقدره
خلف بن محمد بن عتاق الفريد
صح لسانك يالبناخي ويستاهلون الحماد الحظور
والمدح وانت راعي الواجب وافي دائماً وابداً صح لسانك
ولاهنت ومشكور على الاضافه الرائعه
تحيتي
مبارك بن ناصر بن حديد
01-03-12, 10:56 PM
اخوي ابا عبد العزيز


صح لسانك وعلى شانك ومشكور على حضورك ومشاركاتك


في جميع مناسبات القبيله لتي تسموا بمشاركاتك الطيبه

ولحماد شيوخنا و يستاهلون وحقهم علينا كبير

لك مني كل تقدير ودمت
سعد بن هذيل
01-03-12, 11:23 PM
اباعبد العزيز
وافي ورئيتك عاليه دايم
بالصداره والحماد
يستاهلون
تحياتي
الجديد
02-03-12, 12:30 AM
ابوعبدالعزيز / صح لسانك ونعم بالمادح والممدوح . وشيوخنا يستاهلون .
ابن حميدان
02-03-12, 02:37 PM
صح لسانك يابو عبدالعزيز

والجزاله ليست بغريبه عليك
فبينك وبينها مواثيق وعلاقه وطيده
تكتب حروفها بماء الذهب لمن هم اهلٌ لها

لا عدمناك

تقبل فائق تقديري
فهد الطميشاء
02-03-12, 03:27 PM
صح لسانك يا صاحب الوفاء يا عندليب المجالس على هذه الرائعة

ويستاهل المادح والممدوح
خلف الفريد
02-03-12, 09:02 PM
احبتي الكرام
ابو حمد ، ابو عبد السلام ، ابو فيصل ،ابو ناصر
ابو فهد ، ابو فايز ، ابو حمود ، ابو عبد الملك

تعجز الكلمات عن الرد على مروركم العطر ومشاعركم الكريمه
اشكركم على كل كلمه وعلى هذه الثقة الكبيره باخيكم
ولم نفعل الا الواجب ولم نقل الا الصحيح بشيوخنا الكرام
صحت المشاعر والابدان
لاعدمتكم
.........
أبو وسيم
03-03-12, 02:07 PM
صح لسانك ابو عبدالعزيز

قصيدة رائعة ودائما وافي

دمت مبدعا
خلف الفريد
04-03-12, 07:01 PM
ابو وسيم الغالي
حياك الله وصح بدنك
مرورك جمال وكمال
لاعدمتك
....