?> أبيات ورد [الأرشيف] - مجالس الفرده
المساعد الشخصي الرقمي

مشاهدة النسخة كاملة : أبيات ورد

عبدالله بن مغضب الفريدي
22-02-12, 04:17 PM
السلام عليكم ورحمة الله وبركاته
أسعد الله أوقاتكم بكل خير
أبيات أرسلتها للشاعر / نايف العبيد العتيبي


سلام يالروقي سلايل كحيلان
راع الصفاة اللي فعوله مجيده
رتبت لك من صافي الفكر قيفان
وأنا أعتبرها من قصيدي فريده
لأنها في مدح ذربين الأيمان
أهل الوفاء وقت الليال الشديده
أولاد روق أساعده شأنهم شأن
أمجادهم مثل الجبال العنيده
يكفيهم اللي صار للشعر عنوان
نايف عسى سنينه طوال" مديده
يقطف ثمار الشعر من كل بستان
قطف الورود وكل كلمة سديده
تستاهل التقدير ياطير حوران
وتستاهل التمجيد هو والقصيده

رد علي أبو فهد
جتني رسالة صادق الود به بان
من وافي التعبير راعي بريده
قريتها من طيب راعيه بإمعان
وابحرت معها والمشاعر سعيده
يالشعر هيا ودنا نمدح انسان
انسان يفرق عن جميع البديده
يالشعر حضر لي من اسطبلك حصان
آبرسله يم البلاد البعيده
آبرسله يم الفريدي بليهان
أبوخلف راعي الخصال الحميده
عبدالله الحربي سنافي وشيهان
خويي اللي باللوازم وليده
هاك الفريدي كل ماصاغ الاوزان
جاته على مايشتهيه ويريده
يالله عسى دنياه في خير وآمان
لأنه نزيه ولا مشى بالمكيده
غازى بن عجاب أبوزوايد
22-02-12, 05:33 PM
اخوى
الشاعر عبدالله بن مغضب الفريدي
صح لسانك ولسان الشاعر نايف عبيد العتيبي
صحت الالسن وسلمت القلوب لاهنتما
تحيتي لكما
عبدالله حمد الفريدي
22-02-12, 05:59 PM
صح لسانك يابن مغضب
وصح لسان الشاعر نايف العتيبي
شكراً على الاضافه لاهنت
ابـن مـطـيـع
22-02-12, 06:16 PM
صح الله السانك والسان العتـــيبي
تـــقبل مروري لك
عبدالله بن مغضب الفريدي
22-02-12, 08:51 PM
الشاعر الكبير/ غازي ابو زوايدالاخ العزيز / ابو حمد
الغالي/ ابن مطيع


لاعدمتكم وصحت ابدانكم ، مروركم شرف لاهنتم


لكم أجزل التحايا
علي محيميد الفريدي
22-02-12, 09:04 PM
صح لسانك ولسان العتيبي ياعبدالله

تقبل مروري وعجابي مع اطيب تحياتي
عبدالله بن مغضب الفريدي
23-02-12, 12:02 AM
لاهنت يا شاعرنا / علي الفريدي

مرورك شرف يابعدي
علي الجضعان
23-02-12, 12:47 AM
صح لسانك يابن مغضب
وصح لسان الشاعر نايف العتيبي
شكراً على الاضافه لاهنت
نواف فارع
23-02-12, 01:03 PM
صحت المعاني والقوافي .. أخي الشاعر / عبدالله بن مغضب .

ودام حضورك وتواجدك الرائع .

تحيتي وتقديري .
عبدالله بن مغضب الفريدي
25-02-12, 12:47 PM
شاعرنا القدير / علي الجضعان
اشرقت مشاركتنا المتواضعة بمرورك

لك اجزل التحايا
عبدالله بن مغضب الفريدي
25-02-12, 12:52 PM
الشاعر الكبير / نواف فارع

صح بدنك لاعدمتك

مرورك شرف يابعدي

لك خالص تحياتي
سعد بن هذيل
01-03-12, 09:55 PM
سلمت وسلم السانك وبنانك
واللي مثلك يجيب الطيبه
عبدالله بن مغضب الفريدي
02-03-12, 02:11 PM
الشاعر / سعد بن هذيل
طاب فالك والله لا يهينك على مرورك

لنا الشرف بمرورك يابعدي