?> من القديم (المعناة) [الأرشيف] - مجالس الفرده
المساعد الشخصي الرقمي

مشاهدة النسخة كاملة : من القديم (المعناة)

نواف بن هلال
21-02-12, 02:41 AM
قصيدة قديمه نشرتها هنا عام 2007 وقت كتبتها قبل ذالك بعامين
لعدم قراتها من قبل الزوار او الاعضاء الجدد لوجودها في الملفات المغلقه اردت ان تقرؤها
آن اوانها ومايعيشه العالم العربي والاسلامي
على قولتهم (الربيع العربي)

سبب حضور الهاجس عندما قال لي صديقي سعود(والله يأنت تعاني)



معاناة المعنَا في معانيها عنا وإلهام=احاسيس ومشاعر من وهج نار الحشآ ذابت
انا ياسعود اعاني من ثمان سنين قبل العام=معاناةٍ على مر الزمن معيارها ثابت
والا العام واللي مر به كله خدع وأوهام=يديناً عيبها من روس اناملها ولاعابت
مدام ان الامل موجود مهما كانت الاحلام=معاداهتم لآمآلٍ بقت لو كلها خابت
آلا ياسعود لام قلت لك قدام قل قدام=نبي نمشي ولا صح الخطأ والنفس ماطابت
انا بأعطيك ماعندي من الافكار روس اقلام=وابيك تقول لي من ودة الدنياء ومن جابت
ترا ان دورت بالشدَه احزام ولالقيت حزام=فلا تنفعك ثورة بندقٍ ماعمرها صابت
تبي مني الصحيح اللي علهم علم كوم إعظام=محوا بأيامهم وأيامنا شبنا ولا شابت
عسى الله يلطف بحال الغريب بتالي الايام=بعد موت القلوب اليا غشاها الريب وأرتابت
لسان اهل اليمن ضاعت حروفه في بلاد الشام=وكوادر مجتمعهم تعلن التوبه ولا تابت
انا ماقول مابقي من عيال العرب مقدام؟=اقول اليا فترق شمل الآهآلي شمسهم غابت
دخل فصل الربيع .!!! وحظ رعيان الرعيه قام=آلآ يازين شوف ارض الربيع وعشبها النابت
غازى بن عجاب أبوزوايد
21-02-12, 06:22 AM
اقول اليا فترق شمل الآهآلي شمسهم غابـت

الشاعر القديرنواف بن هلال
عندنا مثل قديم يقول ( الجمعه عزة .... )وهذا هو المطلوب
صح لسانك ولاهنت على هالقصيده القديمه الجديده وننتظر الباقي
جديد وقديم ولن نسمح لك بالغياب مهما كانت الظروف
صح لسانك مره اخرى ولاهنت يالبناخي
تحيتي
نواف فارع
21-02-12, 07:59 AM
صح كلك .. أبوهلال .

ومبدع في المعاناه وغير المعاناه ..

مع تمنياتي لك بالتوفيق والسداد .

تحيتي وتقديري .
ابوزياد
21-02-12, 01:23 PM
صح لسانك وعافاك البارئ سبحانه

قصيدة جزلة استمتعت بقراءتها

لك لك التقدير والاحترام
عبدالله بن مغضب الفريدي
23-02-12, 12:15 AM
صاحب البصمة الشعرية الواضحة شاعرنا القدير / نواف بن هلال

صح لسانك ، أنت من تجبر القاريء على المكوث طويلاً أمام ما تقدمه من نصوص راقية ورائعة



تقبل تحياتي لاعدمتك
عبدالله حمد الفريدي
23-02-12, 12:23 AM
الشاعر
نواف هلال
صح لسانك مليون
ابداع لاهنت
فهد الطميشاء
23-02-12, 02:44 PM
صح لسانك على هذه الدرة الجميلة

نعم تستحق النشر كل وقت فهي من أجمل ما قرأت لك أبو وافي
ابو الرجال
23-02-12, 07:23 PM
صح لسانك اخوي قصيدة جزلة من شاعر جـــــــــــزل
خلف الفريد
01-03-12, 11:26 AM
صح لسان ابو وافي
وقديمك جديد ولكن احوال العرب لاجديد فيها
وكأن التاريخ يكرر نفسه !!!
ولا تنسى اخي ان الربيع اجله قصير والسموم حارة ...
لكن ساعة مع زماليق الحيا تسوى كساد الاجسام داخل الجدران !!!
قرأت قصيدة راقية في المعاني والمعاناة بل في كل شيء
لاعدمتك
........