?> ياتل قلبي تل هجنن مراويح [الأرشيف] - مجالس الفرده
المساعد الشخصي الرقمي

مشاهدة النسخة كاملة : ياتل قلبي تل هجنن مراويح

ذعذاع الشمال
14-02-12, 11:40 PM
ياتل قلبي تل هجنٍ مراويح=اهل الهجن عجلين والهجن عجله
متغانمين الكيف مع هبّة الريح=في دلةٍ صفرا وماها ما هجله
على غزالٍ شوفته دوم تلميح=ماكنّها تاطا على القاع رجله
الله يفكه من عيون المشافيح=روحه خطيره كان مالله فرج له
ياعود موزٍ عدّلوه الفلاليح=يلعب به الغربي على نهر دجله
والعين عين اللي يشوف الملاويح=اشقر سبوقه غاطسات بحجله
الله يثبتني على الارض لاطيح=اليا خزرني بالعيون وهي خجله
من ذاق من حب العذارا قراطيح=وش عاد لون الهوى قرب اجله
والحب من عصر الرجال الطحاطيح=كم عاشقٍ حزنه وموته من اجله
صقر النصافي والعطاوي شليويح=كلٍ طوى صفحة غرامه وسجله

ناصر نفل العجمي
عبدالعزيز العبلان
15-02-12, 12:11 AM
صح لسان الشاعر

ولاهنت على النقل الجزل

تحيتي
ذعذاع الشمال
15-02-12, 12:20 AM
كل الشكر لك ابو عبد الاله ,,
ابو الرجال
15-02-12, 02:39 PM
لا هنت اخوي ذعذاع على هذه الاضافة
يعطيك العافية
ذعذاع الشمال
16-02-12, 06:26 AM
ياهلا فيك ,,