?> قصيدة خل الحكي وامشي معي نقطع البيد ,, للشاعره / ريوف الشمري ,, [الأرشيف] - مجالس الفرده
المساعد الشخصي الرقمي

مشاهدة النسخة كاملة : قصيدة خل الحكي وامشي معي نقطع البيد ,, للشاعره / ريوف الشمري ,,

ذعذاع الشمال
10-02-12, 12:58 AM
خلّ الحكي و امشي معي نقطع البيـد= يمكن نلاقي في فضـا البيـد راحـه
الله مـن طـول العنـا و التناهيـد=و الله مـن ليـلٍ تأخـر صبـاحـه
ضجّ الرصاص و مَلّ سجن البواريد= متى على الباغين نطلـق سراحـه
نفس المواقف و الحكي نفسه انعيـد=عزّي لمن صار الحكي هو سلاحـه
شعبٍ جهل بالحرب رميٍ و تسديـد= يسْهل على المستعمريـن اجتياحـه
نـزداد ميـلٍ للكسـل و المقاعيـد= و عدونـا يـزداد ظلـم و وقاحـه
باسم (السلام) يذلنا كيف مـا يريـد= و باسم (العداله) صار يركز رماحـه
جَدّد طمعه بـ(سوريا) دانـة الغيـد= و صارت تحوف حدودها من رياحه
دايم كـذا فـي أول الأمـر تهديـد=ثمٍ علـى البلـدان يبسـط جناحـه
نبكي قهر أو نِتْبـع النـوح تنهيـد=في هالمواقـف مـا تفيـد النياحـه
عطني رصاص و قلب ثابت ولا يحيد= حقي أرد النـذل و أكبـح جماحـه
لا بـد ناقـف للعـدو كالجلامـيـد= نضرب على الهامه و نثخن جراحـه
لجل العَدِل صوت المدافـع زغاريـد= و السجن لجل عيون الأسلام واحـه
إمـا كـذا و إلا لفتنـا المواعـيـد=و أضحـت بلدنـا للعـدا مستباحـه
وشي حياة الحرّ لا صار لـه سِيـد=كافر سلب أرضـه بحجـة صلاحـه
امشي معي يا ضايق الصـدر للبيـد=يمكن نلاقي في فضـا البيـد راحـه
و امشي نشيّد مجدنا اليـوم تشييـد=خلـي بقلبـك للتحـدي مسـاحـه
عسى تـزول همومنـا و التناهيـد=و عسى طويل الليل يقبـل صباحـه

الشـــاعره : ريوف (http://www.alfredah.net/39053.html)الشــمري
علي الجضعان
10-02-12, 01:47 AM
شكرا ع الاضافه أعجبتني


وصح لسان الشمريه يابعد حيي
غازى بن عجاب أبوزوايد
10-02-12, 05:43 AM
اخوى
ذعذاع الشمال
شكراً لك الاضافه وصح لسان الشاعره
السنعوسيه ريوف
تحيتي
ذعذاع الشمال
10-02-12, 10:45 AM
باهلا فيكم ,,
عبدالعزيز العبلان
10-02-12, 02:20 PM
قصيده تحاكي واقع الامه

لاهنت ياذعذاع على النقل

تحيتي لك
ذعذاع الشمال
10-02-12, 02:29 PM
ياهلا فيك ابو عبد الا له ياهلا ,,