?> مطلوب افضل ثلاثة ابيات في مدح الفردة ......... [الأرشيف] - مجالس الفرده
المساعد الشخصي الرقمي

مشاهدة النسخة كاملة : مطلوب افضل ثلاثة ابيات في مدح الفردة .........

منصور الوسوس
14-07-07, 03:13 PM
السلام عليكم ورحمة الله وبركاته

نرجو من الجميع اتحافنا بافضل ثلاثة ابيات

في مدح الفردة ونؤكد على ان تكون القصيدة

لشاعر فريدي

وان لاتزيد عن ثلاثة ابيات مكتملة المعنى .
منصور الوسوس
15-07-07, 03:12 PM
يذكرني زحـول الطيـب كلـه=عيال العود مرويـن النصابـي
لباس البأس وجبـال السرايـا=حيـودٍ مابهـم ليـن ولبابـي
ليا دقت طبول الحـرب أخيـذه=فتاهم جن والشايـب شبابـي

للشاعر المبدع مقبل بن نمران
خلف الفريد
15-07-07, 05:09 PM
بسم الله



لي لابةٍ يامن لها كل خايف=لاجا نهارٍ فيه مثل المشاهيب
اليا احتمت مايرتضون النصايف=دون الشرف والروح مثل المشاذيب
اولاد راشد والعزاوي صلايف=عوق الخصيم مدلهين الاجانيب

خلف بن عتاق
منصور الوسوس
15-07-07, 11:59 PM
بيض الله وجهك يالفريد

عاداتك مدح ربعك عساك تسلم

لاكن ترانا طماعين يبو عبدالعزيز كمان دور لنا ............
مشعل الفريدي
17-07-07, 02:16 AM
(((متلفين المطايا)))


اولاد راشد اللي على الهوش جسرين =ليا فرّعن مرودعات الشفايا
وردوا على السلمان ربعٍ ضريرين =أولاد راشد متلــــفين المطايا
وفرّق قطين الجو وراحوا معيفين =يبكون شيخ ٍ يوم دعـته المنايا



محمد بن دبيان الطهيمي
مقبل بن نمران
20-07-07, 04:17 PM
منصور الوسوس

جميع الأحبه العذر والسموحه على التأخير .. والغياب




أفعالهم كما البدر ليلة الدجى = ليا ولعت روس الفتايل نارها
لهم ماقفٍ مثل الجبال الراسيه = عز الضعيف كبارها وصغارها
يوم الفراوي شاف غدر الدنيا = جاهم وكلٍ قام جاب خيارها

من قصيدة هل الطولات لـ مقبل بن نمران

قريباً سأتشرف بها لكم
ابوبندر
21-07-07, 01:13 AM
الله يجازيك يابومحمد
تطلبني بالاسم مع صفوت الشعراء وانا ماني شاعر.
ترى ماني مسامحك ولا ناسيها لك ..

وش يافي ربعي حقهم بالمدح؟؟؟
واعتذر منكم على التقصير
جرى العرف على انه يجوز لشاعر مالا يجوز لغيره.
هنا نعكس الايه ويجوز لغير الشاعر مالا يجوز لشعراء
لا يشترط علي مايشرط الشعراء لاني لست بشاعر]

(((كاسبين الجميله)))



ندبني الوسوس يبي جزل الابيات=في مدح ربعي كاسبين الجميله
اهل سديد الراي في كل مافات=موحدين الله حماة الفضيله
نار ٍ على العدوان جنة لمن جات=تبي النجاة بمحتمين الدخيله
ربعي من اللي ذكرهم حي مامات=لا جا اللزوم اتشوف فعل القبيله
اعيال راشد لابدن الملمات =أيدينهم صوب المعالي طويله


معلا العنيزان
منصور الوسوس
21-07-07, 06:37 PM
ابن منيدل ننتظرك لاهنت


مشعل بيض الله وجهك قصيدة جميلة جدا


مقبل بن نمران

قصيدة هل الطولات صارت من حلال عيال راشد

ماعاد تملكها رد الحلال الى اهله هنا في

مجالسهم .... صح لسانك على هذه الابيات الرائعة



معلا العنيزان بصراحة لا استطيع ان اقول الا سلمت

يبوبندر اشهد انك حزامٍ قوي ..... جمعت خلال الطيب

وصفات الابداع حتى اعجزت الالسن ان تصفك مبدع

اينما كنت يحل الابداع مع وجودك ....... صح لسانك

ودامت ايامك وحتى يعذرني من لامني أقرؤ ابداع

ابو بندر حتى لااتهم بالغلوا .....


ندبني الوسوس يبي جزل الابيات=في مدح ربـعٍ كاسبيـن الجميلـة
اهل سديد الرأي في كل مافـات=موحديـن الله حمـاة الفضيـلـة
ناراً على العدوان جنة لمن جـات=تبي النجـاة بمحتميـن الدخيلـة
ربعي من اللي ذكر هم حي مامات=لا جاء اللزوم اتشوف فعل القبيلة
أعيـال راشـدلابـداً الملـمـات=أيدينهم صوب المعالـي طويلـة
فهد سليم الفريدي
22-07-07, 09:40 PM
أسعد الله جميع أوقاتكم بكل خير...
أشكر كاتب الموضوع على فكرته الجميله...
وهذه ثلاث ابيات من قصيدة للشاعر ساير بن موحش
الفريدي..



قبيلتي يا ويّها من قبيله..=..كان القبايل جنبت عن ولاها..
قبيلتي حرز القلوب الذليله..=..لادورت حمر المخالب عشاها..
يتلون ابن حماد شيخ القبيله..=..قواد نمراً قادها وإحتماها..


ساير بن موحش الفريدي
عبدالله علي الطهيمي
25-07-07, 02:53 AM
حنا عيال العود نعم البديده =أولاد راشد مقحمين القتالي

ومداتنا للجار ماهي زهيده =نسوق له وضح النياق المتالي

قول الفراوي شاهدٍ له قصيده= جانى فقير وراح في راس مالي

عن فعل ربعي قلت جمله مفيده=وباق الفعول يضيق منها مجالي

الشاعر :علي بن عبدالله الطهيمي
منصور الوسوس
26-07-07, 12:08 AM
بيض الله وجهك من افضل ما قرات في مدح عيال العود

باقات من الورد والكادي يالطهيمي بصراحة ابيات رائعة وقمة في الجزالة


لك واااااااااااااااافر المحبة
سعد هذيل الفريدي
27-07-07, 10:35 PM
اولاد راشد شرهم بالعتامه=اولاد راشد لاعوا الذيب للذيب
يتلون ابن حماد شيخ الجهامه=شيخ القبيله ماهي شيخة مناصيب
اهل الرفاف الواسعه والفخامه=وساع الصحون مربحين الجلاليب
منصور الوسوس
27-07-07, 11:47 PM
شاعرنا المبدع/ سعد بن هذيل صح لسانك

امتعتنا بمدح ربعنا يابو فهد

لك ازكى تحية على هذه الابيات الرائعة.. كروعة وجودك وتواجدك معنا

همسه :-

اتحفنا بجديدك يا ابا الفهد فنحن بشوق لقراءة ابداعك

وقصائدك في الحكمة ... والاداب .... الجميلة كماهي عادتك

حفظك ربي ياتاج روسنا
القسومي
28-07-07, 12:39 AM
هذه الابيات جزء من قصيدة للشاعر : مليح بن نافع القسومي .



من روس قوم ٍ احياض المــــوت يردونه=قوم ٍ تخض الــمـعـــارك ثـــم تطب إبها
اعيال راشد كـــعــــام اللــــي يـعـادونـه=لا ثار دخـــانها وشـــانـــت مـشــــاربها
كم شيخ قوم ٍ نهار الــكــون يــــثـــنونــه=عن شف مــا راد يـنـــدم مــــن عواقبها
يا خذ إلى الحول بالــهــوده وبـغــــبونــه=ويكمل العـــمر ما طـابت صـــــــوايبها
علقم كبود ٍ وكــاس الــمـر يــسـقـــونـــه=لا شان فــــيـــــها اللغاء وشبت حرايبها
وبالشان الآخر لهم ســـلــم ٍيـــســنـــونـه=سلم ٍيــعزالقـــبـيـــلــةماي ـــعــــذربها
للجار بلسم أجراح ولا يــقــاصــــونـــه=ينعم بحــــق الـــجــــوار اللــي مـناسبها
والجار يدله وعن ربــعـــــه يـعـــزونـه=ما كنه الا قــــريب ومـــــن قـــرايـبــها
واللي تهقوا بهم ما تخـــلـف ظــــــــنونه=ما ظــــن يلـــقـــاه وفـعل الطيب يجذبها
خلف الفريد
08-08-07, 02:49 PM
(((اهل العتامه)))




اهل العتامه بالظفر والسطوه=وقوم ٍ تحاربنا ماهي مرحومه

باولاد راشد لا اعتزا واحدنا=نقوم قومه ماوراها قومه

ونصير لجل العزوه من اقصانا=تقول جيش لدولةٍ محكومه



عبد العزيز بن راشد بن سدحان
خلف الفريد
08-08-07, 03:01 PM
((( في راس شاهوق)))


ذي دار اخو نمشه حماها عن البوق=كم طامع ٍ مـن هيبتـه ماوصلهـا
زيزومنا واولاد راشد كما الطـوق=يضرب بها روس العدى ويعزلهـا
ربع ٍ عن الهفوات في راس شاهوق=وان عاندت بعض الخشوم تعدلهـا



عوض بن ناصر الفريدي
خلف الفريد
08-08-07, 03:47 PM
(((عاش الفريدي)))

ربعي وابفخر وافتخر قدر وإعجـاب=ومن لافتخر مثلـي بربعـه حثالـه
والمدح باللي يرفع الـراس ماعـاب=والصمت والإنكـار ذنـب ورزالـه
عاش الفريدي لانحنت روس وارقاب=عانق شموخ المجد لو هـو لحالـه


نايف الفريدي
عبدالله بن غنام
11-08-07, 06:45 PM
ذي دار اخو نمشه حماها عن البوق
كم طامع ٍ مـن هيبتـه ماوصلهـا
زيزومنا واولاد راشد كمـا الطـوق
يضرب بها روس العدى ويعزلهـا
ربع ٍ عن الهفوات في راس شاهوق
وان عاندت بعض الخشوم تعدلهـا


هذي أفضل ابيات في نظري
عبدالله بن غنام
13-09-08, 12:12 AM
إعادة طرح،،،،،،،،،،،،،،،،،،،،،، ،،،،،،،،،،،،،،،
منصور الوسوس
13-09-08, 12:59 AM
شكرا لك يبوو عزام تضل لمساتك الجميلة مكان تقدير
دمت بالوجود
عبدالله بن غنام
13-09-08, 02:32 AM
بل الموضوع رفع بناء على توجيهك ابو محمد ، فلا تنسب لي فضلاً لا أستحقه .

ودم بالوجود
طلال بن نواف بن حماد
29-09-08, 10:25 PM
ممممممسكورين جميمأ وبيض الله وجيهكم
غازي الفريدي
19-11-08, 09:23 PM
سلام الله عليكم ومنه وكرمه اخوتي وربعي وزوار هذا المنتدا والمجلس الشامخ الذي كلما طال عمره طال شموخ ..
ولو اخذتنا ضروفنا فهو من يجمعنا بعد الله. وأني بعد هذه العوده احببت هذا القسم الشيق الذي نويت الدخول من بابه الذهبي ..والعذر وسموحة أحبابي ..

ربعي اليامن اذكرولي تعزويت =من الفخر حتى لو اني الحالي
اسمع اشباح الفلاء والعفاريت=وأهز بمتوني رواس الجبالي
اعيال راشد هقوتي لاتهقويت =الصعب ليديهم سريع المنالي
ضيف الله بن علي
04-12-08, 11:53 PM
موضوع راق لي ويستحق الرفع
عزام الشملان
06-12-08, 08:33 PM
مشكووووووووووووور
ابن مخيمر الوسوس
06-12-08, 11:48 PM
من لابة يخشى غضبهم اليا طـاش = اولاد راشـد ميتمـيـن الجنيـنـي
رجالهم مثل الهزبري اليـا هتـاش = لو . . لان .. صوان الحجر ما يليني
ما ينلقي فيهم من العيـب مدغـاش = افعالهـم تعـرف وهـم باينيـنـي

هذه قصيدة أعجبتني وأحببت أن أشارك فيها رغم أن قائلها غير فريدي وهو الشاعر عبدالعزيز أبا العون وكان يمتدح فيها الشيخ جازي الوسوس رحمهما الله رحمة واسعة وأسكنهما فسيح جناته وأموات المسلمين .. آمين .
مبارك بن هديب
10-12-08, 03:06 AM
يسلم الجميع على أثرى الموضوع


تقبلوا تحياتي
سالم الشقاوي
10-12-08, 11:47 AM
يا سلااام على الابدااع والجوااهر كملوو ياربعي ولا تحرمووننا
والله ونعم

ودمتم
عبدالله بن راشد
20-03-09, 11:05 AM
ابكي على اللي يشبعون الذيابه
ليا صوّت الشيطان لقومن على قوم
:
أولاد راشد مجودين الاصابه
اللي معارك خيلهم تشبع الحوم
:
هلا هلا في ذكرهم ياهلا به
أبتسلى فيه والكل مرحوم
:
:
راشد بن سدحان